Þjóðráð loddara og landsölumanna

Eðlis síns vegna, þ.e. krataeðlisins, er Samfylkingin vandræðaflokkur, ekki síður en óbótasamtökin sem nú skipa ríkisstjórn Íslands. Þetta virðist Helgi Hjörvar ekki gera sér grein fyrir, eða lætur eins og hann hafi ekki hugmynd um skítlegt eðli klíkunnar sem hann vill verða formaður fyrir. Það sem fyrir hinu kúnstuga kratastóði stjórnarandstöðunnar vakir er að nýta sér gott fylgi Pírata til að koma fullveldisafsali inní stjórnarskrána svo hægt verði að svíkja þjóðina inní auðvaldsbáknið ESB. Ekki er nú hugsjónin stærri. Píratasamtíningurinn er auðvitað tækifærissinna frjálshyggjukratafyrirbæri eins og hinar vandræðaklíkunnar í stjórnarandstöðunni, þannig að hr. Hjörvar gæti orðið að ósk sinni um framsal valds til erlendra þjóða og yfirþjóðlegs valds. Hinsvegar eiga kjósendur síðasta orðið, því stjórnarskrá skal afgreiða með þjóðaratkvæðagreiðslu, og þeir munu fella landráðatilræði kratastóðsins.

En hr. Hjörvar er hvegi banginn og telur sig geta gert Samfylkinguna aftur að breiðfylkingu. Nú er það svo, að Samfylkingin, ekki fremur en hinn últrahægrisinnaði Alþýðuflokkur forveri hennar, hefur aldrei verið nein breiðfylking. Um skeið köstuðu snarringlaðir og óánægðir kjósendur atkvæðum sínum á Samfylkinguna í von um réttlæti og betra samfélag. Sú von brást að sjálfsögðu og hinir óánægðu og ringluðu flæmdust til Píratana með stuttri viðkomu hjá Björtu framtíðinni hans Gvöndar okkar hérna Steingríms. Það sem fólk áttar sig ekki á er að allir flokkarnir sem sæti eiga á Alþingi eru harðkapítalískir í grunninn og þar af leiðandi er gjörsamlega óhugsandi að nokkur þeirra hyggi á grundvallarbreytingar á þjóðfélagsskipaninni. Yfirborðstrixin eru þeirra hugsjón, þannig að hinir óánægðu og ringluðu verða að halda áfram eyðimerkurgöngu sinni í leit að raunverulegum farvegi fyrir réttlæti og betra samfélagsformi.

Það er hinsvegar gáfulegt hjá hr. Hjörvar að stinga uppá fáum loforðum, og örstuttu kjörtímabili í þokkabót, fyrir næstu alþingiskosningar því þá er minna og færra fyrir hann og hina lukkuriddarana, loddarana og hugsjónaleysingjana í stjórnarandstöðunni að svíkja. Þetta er eiginlega þjóðráð fyrir fyrir fólk sem stendur ekki fyrir neitt nema gamla úrkynjaða kapítalismann, sem yfirstéttinni og krataskitunum þykir svo bráðnauðsynlegt að halda á lífi með öllum ráðum.

Vill fá loforð og stutt kjörtímabil