Leita í fréttum mbl.is

Endurreisnar er þörf

rev8Ef Gunnar Smári ætlar að stofna sósíalistaflokk 1. maí næstkomandi þá verður hann fyrir það fyrsta vera algjörlega viss um að hann sé sósíalisti sjálfur og að sósíalisminn eigi sér djúpar rætur í honum. Á síðustu áratugum hefur maður mátt neyðast horfa upp á allt og marga lukkuriddara sem þóst hafa verið sósíalistar og þykjast vera það enn þann dag í dag þrátt fyrir vera það ekki. Þetta fólk hefir í undarlega stórum stíl verið kallað til ábyrgðarstarfa fyrir sósíalista enda hafa samtök þeirra koðnað niður jafnt og þétt og orðið að einhverskonar borgaralegu jukki sem allir heiðvirðir sósíalistar hafa óbeit á.

Þá þykir mér hálf skrýtið að það virðista hafa farið fram hjá Gunnari Smára, að nú þegar er starfandi sósíalískur flokkur á Íslandi, sem er Alþýðufylkingin. Alþýðufylkingin er að vísu mjög lítil, enn sem komið er, en hefur þó innan sinna vébanda vel frambærilega sósíalista, skipulag og stefnuskrá. Það liggur því beinast við, að Gunnar Smári og þessir 8 þúsund sósíalistar á feisbúkk-síðunni sem hann nefnir til sögunnar, gangi til liðs við Alþýðufylkinguna.

Að öðru leyti geri ég ekki athugasemd við sósíalískar pælingar Gunnars Smára, því þær eru virðingarverðar og eiga við gild rök að styðjast. En meira fagnaðarefni væri þó að komast að raun um að full innistæða sé fyrir þeim sósíalisma sem hann boðar. Og ef Sósíalistaflokkur Ísland verður stofnaður 1. maí næstkomandi þá er það skylda allra raunverulegra sósíalista að skoða þann flokk af sanngirni og yfirvegun sem mögulegan farveg fyrir þessa mestu mannúðarhugsjón heimsins.  


mbl.is Möguleiki á sósíalistaflokki
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Axel Þór Kolbeinsson

Ég hefði s.s. getað sleppt því að blogga.

Axel Þór Kolbeinsson, 1.4.2017 kl. 20:18

2 Smámynd: Jóhannes Ragnarsson

 Var að lesa bloggið þitt um sama málefni. Það er fínt. Góð vísa er sjaldan of oft kveðin.

Jóhannes Ragnarsson, 1.4.2017 kl. 20:30

3 Smámynd: Wilhelm Emilsson

Góður punktur varðandi Alþýðufylkingunna.

Getur þú sagt lesendum hvernig útfærsla sósíalismans í Sovétríkjunum, Kína, Kambódiu og Norður Kóreu styður þá skoðun að stefnan sé „mesta mannúðarhugsjón heimsins"?

Wilhelm Emilsson, 2.4.2017 kl. 01:50

4 Smámynd: Jóhannes Ragnarsson

Í Kambodsíu og Norður Kóreu hefur ekki svo mér sé kunnugt verið stundaðaður sósíalismi. Ég veit ekki hvað segja skal um Kína, þar er stundaður kapítalismi undir stjórn Kommúnistflokks Kína, en þeir hafa eflaust sín rök fyrir því. Varðandi Sovétríkin er vert nefna það sem kunnugir segja, að Moskva hafi á skammri stund breyst úr öruggustu stórborg heimsins í þá hættulegustu eftir fall Járntjaldsins.
En hvernig svo sem hefur til tekist, þá er sósíalisminn mesta mannúarhugsjón heimsins. Ekki dettur nokkrum heilvita manni í hug að það sem Kristur boðaði eigi eitthvað skylt við grimmdarverk og undirferli kirkjunnar í gegnum aldirnar. Og sósíalismi og það sem Kristur boðaði eru greinar af sama meið, meið mannúðarinnar.

Jóhannes Ragnarsson, 2.4.2017 kl. 10:55

5 Smámynd: Wilhelm Emilsson

Takk fyrir svarið, Jóhannes. Ég þarf nú varla að segja þér Rauðu Khmerarnir voru Marxistar og að Norður Kórea er sósíalísk Paradís að mati flokksins sem þar stjórnar.

Wilhelm Emilsson, 2.4.2017 kl. 14:45

6 Smámynd: Axel Þór Kolbeinsson

Reyndar Wilhelm þá er sósíalismi, marxismi og kommúnismi mismunandi hugmyndafræði þótt skyldar séu.

Í Norður Kóreu er engin þessarra hugmyndafræða við völd, heldur er um að ræða alræðishyggju.

Axel Þór Kolbeinsson, 2.4.2017 kl. 15:04

7 Smámynd: Jóhannes Ragnarsson

Rauðu Khmerarnir svokölluðu voru lítið annað en snarvitlausir morðvargar og áttu ekkert skylt við marxisma enda ekki neitt í ritum gamla Marx sem réttlætt gat glæpi þeirra.

Í Norður Kóreu er kjánalegt lénsveldi einnar fjölskyldu en ekki sósíalismi af neinu tagi. Það eru endemi eins og Kmerarnir og fjölskyldan í Kóreu sem komið hafa slæmu óorði á sósíalismann með því að skreyta sig merkjum hans.  

Jóhannes Ragnarsson, 2.4.2017 kl. 19:26

8 Smámynd: Wilhelm Emilsson

Axel Þór, það eru að sjálfsögðu til mismunandi afbrigði af sósíalisma. Varðandi alræði, þú veist sennilega að alræði öreiganna er lykilhugtak í marxískum fræðum og praxís.

Wilhelm Emilsson, 2.4.2017 kl. 21:03

9 Smámynd: Wilhelm Emilsson

Jóhannes, jú, jú, ég kannast við þessi rök. En þetta er eins og að segja að kristni hafi ekkert með kristni að gera. Manneskja getur verið kristin en viðurkennt að útfærsla kristinna hugmynda hafi oft ekki verið af hinu góða.

Þú gafst í skyn, ef ég skildi þig rétt, að Sovétríkin hefðu verið ágæt. Skildi ég það rétt?

Wilhelm Emilsson, 2.4.2017 kl. 21:10

10 Smámynd: Jóhannes Ragnarsson

Það vill þannig til að ég þekki og þekki til allmargra sem fæddust og ólust upp í Sovétríkjunum og öðrum Austantjaldslöndum sem bera það allir að þar hafi verið gott eiga heima, öruggt og friðsælt. Þessi ummæli fara að vísu í bága við massívan harðkor áróður morgunblaða Vesturlanda, en eru engu að síður vitnisburður venjulegs alþýðufólks.  

Jóhannes Ragnarsson, 2.4.2017 kl. 21:51

11 Smámynd: Wilhelm Emilsson

Það er um að gera að hlusta á sem flest sjónarmið. Upplifði eitthvað að þessu fólki valdatíð Stalíns?

Wilhelm Emilsson, 2.4.2017 kl. 22:24

12 Smámynd: Axel Þór Kolbeinsson

Wilhelm. Það eru líka til margar mismunandi tegundir apa, en fáir neita að sjá mismuninn þar á milli.

Marxísk fræði hefur takmörkuð og jafnvel engin áhrif í mörgum stefnum skyldum sósíalisma.

Það að setja allar félagshyggjustefnur undir einn hatt er jafn gáfulegt og að setja allar þjóðernisstefnur undir einn hatt, enda hvað eiga Gandhi, Nelson Mandela, Franco og Thomas Jefferson sameiginlegt annað en að hafa aðhyllst mismunandi þjóðernisstefnur.

Axel Þór Kolbeinsson, 3.4.2017 kl. 11:02

13 Smámynd: Jóhannes Ragnarsson

Nei, þetta fólk er fætt eftir dag Stalíns.

Annars hefir það verið hlutskipti sósíalismans að fólk hér á Vesturlöndum hefur verið upptekið við að leita uppi fölnuð laufblöð á hans slóðum til að geta fordæmt skóginn. Mönnum var og er tíðrætt um meint ófrelsi og lýðræðisleysi í þar sem er og verið var að feta sig áfram á vegi sósíalismans. Þetta ófrelsi var, þegar öllu er á botninn hvolft, að það var spornað við því mannfólkið gæti arðrænt hvert annað.
Hinsvegar státa forkólfarnir á Vesturlöndum sér af lýðræði sem er í raun auðræði. Í Bandaríkjunum ríkir tveggja flokka einræði sem komið er í kring með valdi peningana og víða í Evrópu er ástandið keimlíkt.

Jóhannes Ragnarsson, 3.4.2017 kl. 11:32

14 Smámynd: Wilhelm Emilsson

Axel Þór, þú ferð undan í flæmingi.

Wilhelm Emilsson, 3.4.2017 kl. 16:00

15 Smámynd: Wilhelm Emilsson

Meinarðu að hreinsanir Stalíns hafi bara verið gervifréttir, Jóhannes?

Wilhelm Emilsson, 3.4.2017 kl. 16:02

16 Smámynd: Jóhannes Ragnarsson

Eflaust var um einhverjar hreinsanir að ræða, en því miður eru allar sannanir hvað það varðar á reiki. Við hérna á Vesturlöndum höfum haft sjálfdæmi um að nefna tölur í því sambandi og áreiðanleikinn að sjáfsögðu eftir því.

Jóhannes Ragnarsson, 3.4.2017 kl. 16:24

17 Smámynd: Axel Þór Kolbeinsson

Ég fer hvergi undan Wilhelm. En ég hef þó þá gæfu til að sjá muninn á Órangútan og Górillu.

En hún langamma mín kenndi mér það að sá vægir sem vitið hefur meira, og þar sem þú ert ekki viðræðuhæfur að mínu mati þá bið ég þig vel að lifa og kveð hér með.

Axel Þór Kolbeinsson, 3.4.2017 kl. 17:55

18 Smámynd: Wilhelm Emilsson

OK, Axel. Þú segir að þú hörfir ekki, en hrökklast svo í burtu. Smá ósamræmi þar, ekki satt?

Wilhelm Emilsson, 4.4.2017 kl. 00:23

19 Smámynd: Wilhelm Emilsson

Takk fyrir svarið, Jóhannes. Allar sannanir á reiki? Þú getur verið sósíalisti án þess að afneyta óhæfuverkum Stalíns.

Wilhelm Emilsson, 4.4.2017 kl. 07:51

20 Smámynd: Wilhelm Emilsson

"Afneita" átti þetta að vera.

Wilhelm Emilsson, 4.4.2017 kl. 07:52

21 Smámynd: Jóhannes Ragnarsson

Til að taka af allan vafa þá er ég ekki stalínisti, ef þú ert að fiska eftir því. En tölur um fórnarlömd Stalísns eru heldur betur á reiki og hver og einn getur notað þá tölu sem honum þóknast. Sannarlega gerði Stalín margt sem ekki var í anda sósíalisma, sem bendir til þess að hann hafi ekki verið sósíalisti sjálfur. En honum tókst að koma óorði á þá stjórnmálastefnu sem hann þóttist standa fyrir. En hugsjón sósíalismans stendur óhögguð eftir sem áður.

Jóhannes Ragnarsson, 4.4.2017 kl. 09:28

22 Smámynd: Wilhelm Emilsson

Takk fyrir svarið, Jóhannes. Ágætt að fá þína sýn á sósíalismann.

Wilhelm Emilsson, 5.4.2017 kl. 05:45

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband