Framhjá salernisskálinni

- Það er ekkert í lögum sem bannar mér að berja þig í klessu og spað, helvítis ódrátturinn þinn, mælti frú Ingveldur um leið og hún lagði til atlögu við bónda sinn, Kolbein Kolbeinsson skrifstofustjóra og framsóknarmann. Daginn efir mætti Kolbeinn til vinnu sinnar með glóðarauga á báðum og aðra höndina í fatla, draghaltur og illa marinn á öðru eyranu. Aðspurður kvað Kolbeinn frú Ingveldi hafa ráðist á sig af því hún hafði hann grunaðann um að hafa mígið dálítið framhjá salernisskálinni. Frú Ingveldur staðfesti framburð Kolbeins með þeim orðum, að helvítis óþokkinn hefði lengi gert sér að leik míga framhjá skálinni, upp á vegg og úr um gólf. Þá hafi hún eitt sinn staðið Kolbein að því, um miðja nótt, að kasta af sér vatni í blómapott í stofunni, og hann hafi ekki einusinni í það skipti látið hjá líða að væta gólfið og gluggakistuna, sem potturinn stóð á.

En Kolbeini er fleira til lista lagt. Eitt sinn eldaði hann hátíðarmálsverð fyrir eiginkonu sína og helstu vini þeirra hjóna. Við þá eldamennsku brá Kolbeinn á leik við eldavélina, þegar aunginn sá til, og mé yfrum steikina og sósuna og snýtti sér í hana líka. Ef frú Ingveldur hefði séð þær aðfarir eiginmanns síns hefði hún vafalaust myrt hann og gefið þá skýringu, að það væri ekkert í lögum sem bannaði grátt leikinni eiginkonu að vega eiginmann sinn fyrir fádæma sóðaskap og íllt innræti. Það er auðvitað torráðið hvurnig dómurinn þá vígsök, en sennilegt má telja, að frú Ingveldur hafði verið dæmd í teggja daga stofufangelsi að Kvíabryggju og að greiða gamla Kolbeini nokkrar bætur fyrir fráfall saonar hans.

Fyrir ekki svo löngu síðan munaði ekki nema hársbreidd að frú Ingveldur kyrkti Kolbein vegna sérlega ósvífins siðferðisbrots hans. Fru Ingveldur stóð sem sé pilt að vondu verki með Brynjari Vondulykt og Máríu Borgargagni. - Þetta var sexfalt hórdómsbrot, fullyrti frú Ingveldur, - hvert um sig drýgði hór með tveimur og samanlagt er brotið sexfalt. Og sennilega hefði frú Ingveldur gert alvöru úr gamni, ef Kolbeini hefði ekki heppnast að stökkva út um gluggann, sem er á annarri hæð, og fótbrotna á báðum og lenda að því loknu á sjúkrahúsi. Við útstökk Kolbeins sefaðist frú Ingveldur nokkuð og lét sér nægja að ganga nokkuð harkalega í skrokk a´Vondulyktinni og Borgargagninu, sem eins og vonlegt var gátu litla vörn sér veitt.  

„Ekkert í lögum sem bannar þetta“

Athugasemdir

[Aztec, 15.11.2017 kl. 11:33]

Jóhannes. Þessi frú þín, Ingveldur virðist vera mesti skaðræðisgripur og illkvendi. Ég held að Alþingi undir nýju BDV-femínistastjórninni verði í snarhasti að semja alveg nýjan hegningarlagabálk (Ingveldarlögin), sérsniðnum að henni. Og Icesave-Guðni ræstur út fyrir allir aldir til að staðfesta dóminn...öh...lögin.

[Jóhannes Ragnarsson, 15.11.2017 kl. 12:16]

Æjá, hún er mesti vandræðagripur. 

En hver er þessi Icesave-Guðni? Ekki er það Guðni Ágústsson?

[Aztec, 15.11.2017 kl. 19:04]

Ha? Guðni Ágústsson, gull af manni og tákngervingur gamla Framsóknarflokksins? Neeei. 

Spurning: Hversu marga Íslendinga þekkir þú, sem heita Guðni og hafa vald til að staðfesta (eða þá ekki) lög frá Alþingi?

[Jóhannes Ragnarsson, 16.11.2017 kl. 08:40]

Tja, þegar ég hugsa mig um, kemur í ljós að ég þekki sennilega ekki marga Guðna. Fyrir utan Guðna Ágústsson, man í ég í fljótu bragði bara eftir Guðna Kjartanssyni fótboltamanni og fótboltaþjálfara, en man ekki til þess að hafi verið bendlaður við Icesave. 

[Aztec, 16.11.2017 kl. 22:54]

Já, ég skil. Það eru líka margir aðrir sem vilja helzt leiða hjá sér hvaða frambjóðanda meirihluti kjósenda (þó ekki ég) kaus í síðustu forsetakosningum, ekki ég þar á meðal. Ég er alveg saklaus af því. En ef þú eftir nokkur ár lítur í annála, þá muntu sjá að núsitjandi forseti lýðveldisins heitir einnig Guðni, hvort sem þú (eða aðrir) vilja kannast við hann eða ekki.

Einnig þýðir ekkert að væna mig um að hafa gefið næstkomandi ónýtu öfgafemínistaríkisstjórn undir fótinn í nýafstöðnum alþingiskosningum. Ekki var það ég sem kaus VG.

[Jóhannes Ragnarsson, 17.11.2017 kl. 09:35]

Ég gleymdi að geta þess, að nýverðið tók ég kött í fóstur og sá heitir eimitt Guðni.

Mér þykir leitt að þú hafir ekki séð þér fært að kjósa neinn þeirra flokka sem nú eru í stjórnarmyndunarviðræðum. Það er nefnilega alltaf ósköp þægilegt að vera í sigurliðinu.

[Aztec, 17.11.2017 kl. 13:18]

Já, en ég var ekki settur á þessa jörð til að hafa það þægilegt, heldur til að berjast fyrir bættum kjörum láglaunafólks. Nú er aðeins einn flokkur á þingi með 4 þingmenn sem hefur það á stefnuskránni. Nei, Jóhannes, það er ekki Viðreisn. Gizkaðu aftur. Byrjar á F. Nei, ekki V, heldur F. Eins og í "Farsæld Fyrir Fjöldann". EKKI V eins og í "VG Verndar Vélráð Vinstraliðsins".

Þeir sem kjósa bara þá flokka sem fá mest fylgi skv. könnunum eru princípplausir siðleysingjar. 

[Jóhannes Ragnarsson, 18.11.2017 kl. 20:26]

Já, ég skil. Þú hefir kosið flokkin hans Magnúsar Þórs Hafsteinssonar, hann er víst víða þekktur fyrir að berjast fyrir bættum kjörum launafólks. Og ekki er Óláfur Ísleifsson síðri, þegar hann mætir með kröfuspjöldin sín í kröfugönguna 1. maí. 

[Aztec, 19.11.2017 kl. 12:05]

Það verður bara að reyna á það hverning FF reynist næstu árin. Að minnsta kosti hef ég ekki orðið var við hræsni þar á bæ. Að hafa ekki farið með kröfuspjöld 1. maí hefur enga merkingu í sjálfu sér. Vinur þinn Gylfi Arnbjörnsson gerir þetta og ýmsir aðrir verkalýðsleiðtogar til að láta í það skína að þeir hugsi um hag alþýðunnar þennan dag (og aðeins þann dag).

Það sem þú þylur upp að ofanverðu varðandi frambjóðendur Flokks fólksins, er ekkert síðra en að hafa sósíalistaflokk eins og VG, sem er eins og flagð undir fögru skinni, úlfar í gæruskinnum. Þykjast ætla að bæta kjör alþýðunnar, en eina sem þeir í VG gera þegar þeir komast í ríkisstjórn er að auka skatta og álögur á lág- og millistéttir, að hlaða undir elítuna, undir ónýtu öfgafemínistadeildirnar í HÍ (félagsfræði og kynjafræði), undir fjármagnseigendur og að koma á fót alls konar hálfvitalegum gæluverkefnum meðan restin af tímanur fer í að hata þann hluta atvinnulífsins sem enn ekki hefur verið færður undir ríkið. Bjánarnir í VG halda að aðeins þeir efnuðu eigi bíla og íbúðir, og að helzt eigi eignaréttur að vera forréttindi embættismanna.

Þú kemur með réttmæta gagnrýni á hræsnarana í ASÍ í annarri færslu, en er VG nokkur betri? Ég held að Steingrímur og Katrín hafi jafnvel ekki minnstu hugmynd um hvernig alþýðan lítur út, því að þau hafa aldrei kynnzt henni!