Leita í fréttum mbl.is

Oddvitinn virkar sem dvergur

paunkSamkvæmt mynd af þeim Eyþóri og Hildi saman er ekki annað að sjá en að Hildur sé talsvert hærri í loftinu í Eyþór, en þessháttar galli á framboði virkar mjög veikjandi gagnvart kjósendum. Að foringinn, höfuðpaurinn, oddviti listans, sem er karlmenni þar að auki, sé eins og dvergur við hliðina á telpunni sem er í öðru sæti, gerir framboð Sjálfstæðisflokksins í Reykjavík ekki aðeins hlægilegt heldur svo yfirmáta fáránlegt að aðeins heilaþvegnustu og hófgreindustu aðstandendur Flokksins verða fáanlegir til að kjósa þessi ósköp í vor.

Vissulega benti frú Ingveldur á þennan annmarka þegar á undirbúningstíma framboðsins og bauðst til að panta lengingu fyrir Eyþór í Rússlandi. En þá kom upp úr dúrnum að viðskiptabann ríkir milli Íslands og Rússlands og sýndu Rússar þessu lengingarverkefni fullt tómlæti. Þá hafði frú Ingveldur samband við skipasmíðastöð í Gdansk í Póllandi, en þar á bæ eru menn fullbókaðir fram á haust og þá verða borgarstjórnarkosningarnar löngu búnar, og gjörtapaðar, sem betur fer mundi margur segja. Frú Ingveldur var samt ekki af baki dottinn og setti sig í samband við hestamangara og bað hann slá áttföldum skeifum undir Eyþór svo hann yrði í hið minnsta jafnhár Hildi á velli. En þá myndin atarna var tekin hefir greinilega ekki verið búið að smíða undir oddvitann þannig að hann virkar hálfkauðskt á mann og öldungis ófært nokkrum manni að kasta atkvæði sínu á sonalagað.

Svo eru enn aðrir, einkum illgjarnar sálir, dópgjarnar, óráðsíusamar og mannfjandsamlegar, sem hafa sín á milli í flimtingum hvað Sjálfstæðisflokkurinn ætli að troða mörgum gluggaskarautum úr í stofugluggann í Valhöllu. Eitt sinn laumuðu kjánarnir í Vinstrigrænum, sem nú eru að undirbúa að breyta nafni sínu í Hægribláa, dulitlu gluggaskauti innan um skessurnar í gluggaboru sinni og þókti sumum sjálfstæðishnallinum ekki til fyrirmyndar. Nú bregður svo við að Sjálfstæðisflokkurinn fyllir glugga sína so af gluggaskrauti að ekki sést lengur út um þá. Og sannast nú á bölvuðu Íhaldinu, Sjálfstæðisflokksnefnunni, að fyrr má nú skrauta en jólaskrauta.


mbl.is Hildur skráir sig í samband
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Jón Valur Jensson

Adolf Hitler var miklu lægri í loftinu en Eyþór. Af því má gjörla ráða, að mun minni hætta stafi af þeim síðarnefnda. laughing

Jón Valur Jensson, 20.3.2018 kl. 19:47

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband