Leita í fréttum mbl.is

Ó hve endemin eru spræk framan við myndavélarnar

fool4Asskoti er ég smeykur um að þessi meirihlutaandskoti í Reykjavík verði ekki nema í meðallagi farsæll. Hann mun verða góður til síns brúks fyrir braskara, en til lítils fyrir fátækt fólk í húsnæðisvandræðum. Þó lofar góðu hve endemin eru spræk fyrir framan fréttamenn og myndavélar, brosa og frussa í allar áttir og slá um sig með ámátlegum hlandaulabröndurum.

Kátust allra í meirihlutanum fyrir framan myndavélarnar er þó hún Líf, sem virðist vera í áttunda hymmni yfir því að hafa komist í þennan meirihluta til að þjóna braskarstéttinni og efrimillistéttinni. Fyrir nú utan að ljóma af ánægju þá ber Líf ákaft saman lófum og kippist til með bakföllum, grettum, geyflum og gloríum, svo að dásamlegur flokksformaður hennar, Katrín Íhaldsins, má fara að gá að sér, en hún er bæði kóngur og drotning í þessháttar líkamstjáningu. 

Nauðsynlegast er þó fyrir nýja meirihlutann að vera vakandi gagnvart flökkukindum og húsnæðislausum og gæta að, að það hyski fari ekki að gista í stórum hópum í bílakjallaranum undir Ráðhúsi Davíðs. Bæði er, að gistingar förufólks í kjallaranum eru leiðinlega afspurnar, sem og að þetta endemisfólk kann að vera útbíað í sjúkdómum og náð smitað meirihlutann af framsós, hjarðsveinasjúkdómi, sem er ein skammarleg pest og lítt skárri en fladdaradjöfulinn, sem loðir gjarnan við útigangsfólk. Hugsið ukkur Dag, Lív, viðreisnarfraukuna og hann Eyþór fársjúk að áðurgreindum kvillum. Það væri ljótt að sjá. 


mbl.is Vilja draga úr fjölda bílferða
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Aztec

Já, satt segirðu, Jóhannes. Þetta eru meiri andskotans skoffínin.

Þessi fífl þekkja hvorki Hagfræði 101 né Atferlisfræði. Þau þekkja ekki einu sinn venjulegt fólk sem býr í borginni, aðeins meðfíflin (co-idiots) sem búa í sömu sápukúlunni og þau sjálf, og sem heldur ekki hafa nein tengsl við raunveruleikann.

Aztec, 12.6.2018 kl. 22:16

Bæta við athugasemd

Nauðsynlegt er að skrá sig inn til að setja inn athugasemd.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband