Leita í fréttum mbl.is

Hreppsnefnd sem rífst út af Gú-Stafi Níelsarsyni hafnar inn við Sundin blá

tann.jpgÞað er ekki amalegt fyrir Dag, þegar að honum er sókt, að hafa annan eins skelmi og Gú-Staf Níelsarson að bera fyrir sig þegar Líf Magnínudóttir hefir gjört í sig í ræðustól. Ég hefi nú í rúma klukkustnd haft fávísa skemmtan af að hlusta á fyrsta fund nýkjörinnar borgarstjórnar. Ef fundarhöld þessarar kyndugu hreppsnefndar verða til frambúðar eitthvað í líkingu við það þarna hefir fram farið til þessa, og Gú-Stafur Níelsarson verður einna helst til umræðu, má vel búast við að megnið af hreppsnefndinni verði farin í lokaða langtímavist inni á Kleppi fyrir áramót.

Ekki verður séð að Reykjavík og Reykvíkingar verði fyrir nokkru tjóni þókt drjúgur hluti hrepssnefdarinnar atarna fari í spennitreyju á Klepp, nær væri að kalla það gæfu Reykvíkinga að losna við þessi gægsn úr Ráðhúsinu. Þarna hefir fólk rifist um trúnaðarbrigsl eins og drukknir bófar í bófahjörð og aunginn veit lengur hvur lak og hvur lak ekki, nema hvað Líf Magnínudóttur lak úr fundarsal og hefir taðhúsi borgarstjórnarkvenna verið lokuð og læst síðan.

Ofan í kaupið virist eins og Vigdís nokkur Hauksdóttir gangi laus í hundarsal borgarstjórnar Reykjavíkur. Hvað það á að fyrirstilla veit aunginn og veirðist ekki nokkur maður hafa skýringu á veru hennar þarna. En það má Vigdís eiga, að hún hefir ausið á bæði borð úr brunni visku sinnar og það er aungin smá-viska. En þessi hreppsnefnd væri best geymd söltuð ofan í tunnu eins og þrítugur húðarjálkur, sem aldreigi var á sinni ævi nothæfur til brúks. Þó væri sá munur á húðarjálknum og hreppsnefndinni í tunnunni, að húðarjálkurinn væri ætur en hreppsnefndin væri baneitruð, svona grámygluð upp úr pækli.


mbl.is Borgarstjóri ber fyrir sig Gústaf
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Þorsteinn Briem

Sveinbjörg oft þar skellti á skeið,
skrítnum sauðaflokki,
sat á baki Gústa gleið,
geldum hjálparkokki.

Þorsteinn Briem, 19.6.2018 kl. 18:13

2 Smámynd: Halldór Egill Guðnason

Gústaf ber fyrir sig stjóri geldur,

gumar af eigin plikt,

ofurseldur og undirseldur,

öllu með slæma lykt.

Halldór Egill Guðnason, 20.6.2018 kl. 02:58

3 Smámynd: Aztec

Þegar ég fyrst las fyrirsögnina, mundi ég ekkert eftir Gústafi, en hélt að það "að bera fyrir sig Gústaf" væri orðastiltæki sem þýddi sama og "to plead ignorance". Og mér fsnnst það hæfa vel þessum borgarstjóra.

Aztec, 26.6.2018 kl. 14:55

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband