Þeir segja hann sé brjálað illhveli í postulínsbúð

Ekki er það nú efnilegt með hann Kristján, angans kallbaunina. Nú eru þeir sem sé farnir að tala um að hann sé eins og hvalur í postulínsbúð, eða jafnvel eins og sturluð steypireyður í glervöruverslun. Sama hvort heldur er, han Kristján á ekki svona umtal skilið, auminginn svorni. So eru sumir skítakallarnir að segja að Kristján sé hefnigjarn og sé að hefna sín af því að hann tapaði máli fyrir dómstólum! Nei nei nei, það getur andskotann ekki verið að Kristján sé hefnigjarn.

Og Kristjáni er tíðrætt þessa dagan um þennan Vilhjálm og að þessi Vilhjálmur sé sona og sona og þessi Vilhjálmur og þessi Vilhjálmur ... En Kristján sleppir alveg að geta þess, að þessi Vilhjálmur gerði sér hægt um vik og hafði endaskipti bæði á Kristjáni og Hval og kenndi þeim að brot á kjarasamningum er ekkert gamanmál.

Verst af öllu er samt, að karlkjökrið veit ekki lengur hvort hann er Kristján Hvalur í postulínsbúðinni eða Kristján Þór Júlíusson samherji frá Dalvík. Að vísu eru þeir kumpánar báðir glæsilegur vitnisburður um velheppnaða blöndu af frjálshyggjuþrjótum og síðari tíma framsóknarþorpurum, en þegar umræddir heiðursmenn eru ekki lengur með eigið sjálf á hreinu er viðbúið að váin liggji í leyni við túnfótinn. Við verðum samt í lengstu lög að vona og vænta þess að illir hvalbátasjóarar haldi ekki til hafs með sinn velgjörðamann innanborðs og noti hann sem skutul í hvalabyssuna og skjóti honum, kanski upp í sjálfan rassinn, á langreyðinni sem til stóð að veiða. 

„Þú býður ekki þessu fólki í heimsókn“

Athugasemdir

[dh, 24.6.2018 kl. 23:09]

Æi greyin litlu sem sjá ekki samhengi hlutanna. Eða þeir sem finnst meira en sjálfsagt að neyta fisks og kjöts og alls þess á milli en gráta svo í koddann á kvöldin vegna hvalsins saklausa sem einskis ills sér vænti en var veiddur. Þeir telja sér þá trú um það að hvalurinn krúttlegi sé grænmetisæta sem aukþess megi ekkert aumt sjá og í ofanálag heimspekilega þenkjandi skepnan sú.

Eða þeir sem með grátstafina í kverkunum og ekkasogum versla sér þurrmat fyrir gæludýr sín að mestu úr loðnumjöli og horfa á dýr sín matast og hugsa um dýravelferð með áherslu á hvalavernd.

Aldrei skyldi þó vera að vaxandi stofnar hvalsins eti sjálfir eithvað úr öðrum nytjastofnum svosem loðnu eða þorsk, Eða þá keppi við þorskinn um fæðu. Hvalurinn er vegan.

Eða svo þeir sem hugga sig með einum börger og frönskum eftir sjokkið af lestri frétta sem þessum.

Í fullkomnum heimi er hvalurinn landdýr sem nærist á fuglasöngshljóðum.