Hæfileg laun krónur 400 þúsund og ekki orð um það meir ...

Bæjarstjórar eru ofmetin stétt labbakúta. Sjaldnast vita íbúar bæjanna hvað þessir einkennilegu þurfalingar hafa í laun annað en það að þeir séu með helmingi hærri og þaðan af hærri laun en borgarstjórar milljónaborga. Yfirleitt eru bæjarstjórar í Íslandi pólitískir snatar og vikapiltar einhverra flokkseigenda Sjálfstæðisflokksins og þurfa því ekki að standa neinum skil á hvað þeir séu með í laun, of slá um sig leyndarhjúpi frá persónuvernd eða jafnvel einhverri erlendri hernaðarstofnun. Og lýðurinn lætur sér þetta vel líka og sleikisr sér eins og kattarlæður upp við viðkomandi bæjarstjóra og eigendur hans. Það er varla hægt að komast lægra í lítilmennskunni og heimskunni.

Hvað hefur bæjarfélag upp á 1000 til 2000 manns að gera með spilltan bæjarstjóra með eina og hálfa til þrjár milljonir á mánuði? Auðvitað ekki neitt. Svoleiðis dýrum á að úthýsa ekki síðar en strax. Við búum í landi toppfígúra, þar sem ótrúlegum upphæðum er varið í toppfígúrur. Á sveitarstjórnar stiginu, hjá ríkinu og einkafyrirtækjum er allt útbíað í toppfígúrum sem sjúga til sín fjármuni eins og haugsugur og í mörgum tilfellum vinna þessar sugur meira ógagn en gagn og eru að öllu samanlögðu til bölvunar allri mennskri kind.

Ef ekki verður risið gegn toppfígúruvæðingunni á allra næstu misserum er hætt við að úrkynjunin komst á svo hátt stig að múgurinn þoli ekki lengur við og grípi til óyndisúrræða sem gætu orðið toppfígúrunum skeinuhætt. Að gjörspillt endemi skuli voga sér að gera slík strandhögg í sameiginlega sjóði landsmanna og raun ber vitni kallar náttúrlega ekki á annað róttæk viðbrögð í fyllingu tímans og gæti þá hugsast að Sjálfstæðisflokknum hefði betur þókt heima setið en af stað farið með spillinguna og toppfígúrvæðinguna. Hæfileg laun fyrir bæjarstjóraómynd í sveitarfélagi eins og Fjarðarbyggð eru krónur 400 þúsund á mánuði og ekki eyrir meir.

Fjarðabyggð ræður bæjarstjóra