Leita í fréttum mbl.is

Íslensk sæmdarhjón á heimsmælikvarða í svíngi

girl.jpgMér er stórlega til efs að einhverjir Íslendingar séu eins vel að sér í svíngi og frú Ingveldur og Kolbeinn annars vegar og Máría Borgargagn og Indriði Handreður hins vegar. Satt að segja eru þessi tvenn heiðurshjón á heimsmælikvarða þegar gott svíng er til umræðu og til sóma vorri þjóð. Í frægu helgarsamkvæmum að heimili frú Ingveldar og Kolbeins hefir einlægt verið plagsiður að keppa í svíngi, sem þau sæmdarhjónin kalla stundum ,,skiptingar útávið." Hefir löngum verið gerður góður rómur að skiptingunum, ekki síst þegar Truggi Fokk og hans fólk er á svæðinu, en þá má segja að hvur brotsjórin öðrum hærri rísi að heimili þeirra hjóna frú Ingveldar og Kolbeins.

Stundum hefir skiftingin útávið falist í því að frú Ingveldur lóðsar til dæmis Brynjar Vondulykt inn að hjónarúminu í hjónaherbérginu og bendir honum vinsamlega að skríða undir rúmið, en þá er þar iðulega fyrir Kolbeinn Kolbeinsson aðeins klæddur í köflótta sokka og hálsbindi. Þegar Vondalyktin hefir skriðið undir rúmið fer allt á fleygiferð, rétt eins og geggjaður steypireyður sé komin undir rúmið. Á krítísku augnabliki koma Handreðurinn og kanski Borgargagnið eða Truggi Fokk aðvífandi og henda sér líka undir rúmið. Og annað hvort liðast bælið sundur, elligar það lendir upp á rönd, en þá er ljósið kveikt, sigurvegari útnefndur og verðlaun veitt.

Eitthvert sinn fengu þau frú Ingveldur og Kolbeinn óþverrafólk óforvandis á helgarsamkomu. Þetta hyski var dópað og með kláðamaur og heimtaði sitt svíng og aungvar refjar. Óli Apaköttur fór að stympast við það og var fljótt sleginn niður, sömuleiðis fauk Kolbeinn í gólfið og skreið í brott eins og blauður hundur. Þá sté fram frú Ingveldur og fór þegar með himinskautum. Hún dró hyskið fram í þvottahús og kastaði því flötu inn í miðstöðvarkompuna og sigaði Brynjari Vondulykt á eftir þeim og lokaði hurðinni að baki þeim og læsti. Í lok næstu viku á eftir var útför óþverrafólksins auglýst og þess getið að það hefði farist af slysförum og Brynjar Vondalykt gerðist svo óforskammaður við það tækifæri að hann var einn af líkmönnuum og tók þátt í að bera hin látnu úr kirkju og út í garð og moka yfir það.


mbl.is Íslenskur maður vill fá eiginkonuna í „swing“
Tilkynna um óviðeigandi tengingu við frétt

« Síðasta færsla | Næsta færsla »

Bæta við athugasemd

Nauðsynlegt er að skrá sig inn til að setja inn athugasemd.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband