Það er nú það. - Nauðsynlegur fróðleikur um hagi Maddömunnar

Hún er nokkuð skemmtileg myndin, sem fylgir þessari frétt, af séra Birni Leví blessa eina af griðkonum gömlu Framsóknarmaddömunnar. Ýmsir góðir Framsóknarmenn höfði lengi illan bifur á þessari griðku, grunuðu hana um útboruhátt, hún væri útundan sér, og samfylkingarúlfur í sauðargæru. Samt gerðu Frammarar hana að ráðherra hjá sér og eftir ráðherraferil hennar lifir ekki neitt, en það var einmitt markmið gömlu Maddömunnar þegar hún lét gjöra griðkuna atarna að ráðherra.

Það hefir stundum verið haft eftir Framsóknarmönnum, til dæmis Kolbeini Kolbeinssyni og sjálfri Maddömunni, að því syfjaðri og þreyttari, ruglaðri og vankaðri, sem ráðherrar Framsóknar væru, því betra. Margar slíkar rolur hefir Framsókn alið upp, sem hvorki hafa vitað í þennan heim né annan og allar hafa þær angað langar leiðir af skítafýlu á heimsmælikvarða. Það er blátt áfram alveg dásamlegt hvað Framsókn hefir verið heppin með aumingja og hvað gömlu Maddömunni hefir þókt í það varið að slá þá af í fylling tímans.

Svo gjörðist það að gamla Maddaman lenti í basli með fáeina ofalda kálfa. Hún hafði gert einn þeirra að ráðsmanni sínum. Þettar var feitur stagkálfur og pattaralegaur og átti aura á reikningum í útlöndum. Um tíma var allt með felldu og allir héldu að þetta mundi blessast hjá Maddömunni með stagkálfinn, en þá leiddu einhverjir óþokkar hann í gildru og allt fór í helvítis hund og kött, síðan hefir Framsóknarmaddaman verið tvíein í heilagleika sínum. Því miður er gamla Maddaman orðin afar gömul, forn. Hún er jafnvel talin eldri en Grýla gamla, en þær eru náfrænkur og Maddaman og Leppalúði eru í það minnsta hálfsystkyni; þess vegna eru jólasveinar, sumir með skott, svona ansvíti algengir í þingflokkum Framsóknar og Einkennilegu Framsóknar (Miðflokksins). Það er nú það.

10 milljarða ónýttur persónuafsláttur