Já það var hundur sem fann dauðan kóng úti á víðavangi

Jú, það var einmitt hundur sem fann dauðan kóng út á víðavangi. Ekki fann hann samt kónginn af því að honum sagt að leita að honum, öðru nær. Hundurinn hljóp fram á hinn andaða kóng af þvi hann hafði fundið sterka tíkarlykt og tekið til fótanna og runnið á þefinn. Úti á víðavangi rakst hundurinn svo á áðurnefndan kóng, staldraði við og lyfti öðrum afturfætinum og mé á hinn látna og hélt síðan ótrauður leiðar sinn uns hann hafði upp í hinni vellyktandi tík, sem hann tældi þegar í stað bak við hlöðu og fíflaði hana þar til óleyfilegra maka. Í bakaleiðinni stoppaði hundurinn aftur hjá kóngræxninu og mé þegar í stað yfir hann aftur.

Daginn eftir datt hundinum í hug að láta húsbónda sinn vita af því að það lægi dauður kóngur úti á víðavangi í landareign húsbóndans. Húsbóninn varð skelfingu lostinn þegar hann gerði sér grein fyrir að þarna var látinn hann allranáðugasti konungur og greinilega búið að kasta þvagi á hann. Svo tilkynnti hann lögreglustjóranum að það væri dáinn maður úti á víðavangi og sennilega væri skynsamlegt að koma líkinu í hús áður en vargurinn æti hann upp til agna.

Auðvitað snöru yfirvöldin öllu á versta veg því þau sökuðu húsbónda hundsins um að hafa myrt kónginn og svívirt lík hans með því að míga á það, því auðvitað þekktu yfirvöldin ekki hundshland frá húsbónahlandi. Og þeir tóku húsbóndann fastann, fóru með hann hengdu hann utan á hlöðugaflinum. Þegar yfirvöldin vóru búin að ljúka sér af og farin, þá vappaði hundurinn upp að hlöðugaflinum og leit, með tár í augum, sinn húsbónda þar hengdann og hugsaði með sér að nú hefði verið gott að kunna einhverja bæn til að ýlfra undir hanganum. En því miður kunni þessi hundur ekkert gott svo hann lét sér nægja að reka upp dulítið gelt, húsbónda sínum til heiðurs.

Geta leitað stórt svæði hratt og vel

Athugasemdir

[Þorsteinn Siglaugsson, 29.8.2018 kl. 19:44]

Þú verður að læra betur að teikna. Þetta er köttur þarna undir hanganum!

[Jóhannes Ragnarsson, 29.8.2018 kl. 20:07]

En heimiliskötturinn Brandur var fyrstur á vettvang.

[Þorsteinn Siglaugsson, 30.8.2018 kl. 15:47]

Nú, var það kannski eftir allt saman kisi sem mé á kónginn? En skáldið of drukkið til að þekkja í sundur kykvendin?

[Jóhannes Ragnarsson, 30.8.2018 kl. 17:38]

Tja, það má vera að kattarandskotinn hafi líka pissað á kónginn; ég er fremur illa að mér í þvagfræðum, svo ekki sé meira sagt. En hundurinn mé alveg örugglega á kónginn.

[Þorsteinn Siglaugsson, 30.8.2018 kl. 23:56]

Mjá