Leita í fréttum mbl.is

Alþýðuklám

bóndiHverskonar fádæma bleyðiskapur og lágkúra var það af fulltrúum á ASÍ þinginu að rísa á fætur, eins og fornaldareðlur, og klappa og klappa fyrir Gylfa Arnbjörnssyni loksins þegar hann hunskaðist frá ASÍ? Það getur ekki verið að fulltrúunum hafi verið sjálfrátt. Og þegar ,,upplýsingafulltrúi" ASÍ umlar því upp úr sér, að klappið og stappið atarna hafi verið í þakklætisskyni við ,,vel unnin störf" Gylfa, þá fallast öllu sæmilegu fólki hendur af undrun. Að heilt alþýðusambandsþing stökkvi upp á afturlappirnar til að þakka forhertum auðvaldsrakka fyrir að standa aldrei með fátæku, vinnandi fólki en alltaf með auðvaldi, arðráni og frjálshyggjubófum er aldeilis hörmulega skammarlegt. Þetta kostulega ,,alþýðuklám" verður í framtíðinni óafmáanlegur sorablettur á upplituðum og drabbaralegum samtökum alþýðunnar á Íslandi og dugar varla mildara hreinsiefni en helvítissteinn til að hreinsa óþverrann burt.

En vonandi stendur ástandið á sjakalakontór ASÍ til bóta með nýjum forsetum: Jólasveinsskeggjuðum, vælandi hagfræðingi hefir verið skipt út fyrir skegglausan viðskiptafræðing með karlaróm. Og ef það verður hrun hjá kápítalistunum á næstunni og fólkið hleypur öskrandi af bræði með heykvíslar á lofti niður á Austurvöll þá er vonandi að viðskiptafræðimenntaði forsetinn skríði ekki, með allt í buxunum, undir borð með sjakölum sínum eins og fyrrum yfirskrifstofusjakali gerði í síðasta hruni.

Í augnablikinu er þó mikilvægast fyrir íslenska alþýðu að hafa losnað við að hafa einn hagfræðimenntaðan frjálshyggjusjakala á fóðrum og í forsvari fyrir sig. Hvort nýju forustuseggirnir nái að rísa undir nafni, sem raunverulegir alþýðuforingjar, verður svo tíminn að leiða í ljós. Ef þetta fólk nær að halda því striki, sem við höldum að hafi verið sett, mun alþýða manna fylgja því, meira að segja til að afnema auðvaldsþjóðskipulagið ef svo skemmtilega vildi til að það kæmist á dagskrá í alvöru.

  



mbl.is Samstaða og kraftur við þingslit
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Magnús Sigurðsson

Sæll Jóhannes, sagt er að oft megi satt kyrrt liggja. Ég er þó sammála þér með að svo er ekki í þetta skiptið.

Magnús Sigurðsson, 26.10.2018 kl. 20:17

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband