Norskur varðstjórahundur sem minnir á Hálfdán varðstjóra

Það er þó ljóti andskotans þorparinn þessi varðstjórahundur sem þeir ráku þarna í Noregi. Vonandi eru Norðmenn ekki sona allir sem einn, en hvað vitum við hér á Íslandi svo sem; þessir andskotar létu sig hafa það að reka forfeður okkar á haf út á sínum tíma og báðu þá aldregi þrífast. Og þrjóturinn lét skjólstæðinga sína gera sér ,,kynferðislega greiða", hvur anskotinn sem það kann að vera.

Einn er sá varðstjóri lögreglunnar á Íslandi, sem ber genabúskap Norðmanna, og þá ekki síst fyrrgreinds varðstjóra í Norge, næsta ómengaðann þrátt fyrir meir en þúsund ára aðskilnað þessara þjóðflokka. Hálfdán lögregluvarðstjóri er að mér sýnist í aungvu eftirbátur stéttarbróður síns í Norðvegi, nema síður sé. Því verður seint haldið fram að Hálfdán sé ekki röggsamt yfirvald og fylginn sér, því það er hann, svo sannarlega. Hann hefir oft verið ölvaður við störf sín, étið og reykt eiturlyfin sem hann hefir ,,haldlagt" eins og málvísindamenn kalla það þegar stöff er gjört upptækt.

Og Hálfdán varðstjóri hefir margsinnis verið sakaður um að hafa í frammi ástarlífstilburði við fanga, eða einhverja ráðaleysingja sem hann hefir hafi til yfirheyrslu. Það eru meira að segju uppi sögusagnir um að Hálfdán hafi handtekið einhvern eða einhvern fyrirvaralaust og haft viðkomandi meðs sér á lögreglustöðina og lokað hann inni í fangaklefa. Undir þeim kringumstæðum hafa, að sögn, hinir undarlegustu atburðir átt sér stað, sem benda ótvírætt til að Hálfdán varðstjóri gangi ekki alveg heill til skógar á kynferðissviðinu, sé ekki upp á rönd eins og sagt er. Rúmlega þrítugan fjölskylduföður, reglusaman og heilbrigðan í hvívetna, tók Hálfdán úr umferð um hábjartan dag í miðri viku og skilaði honum geggjuðum út í samfélagið daginn eftir; þegar maðurinn var laus úr prísundinni sakaði hann Hálfdán um að hafa framið ófagran kynlífsglæp á sér, en það stoðaði nú lítið í þessu tilfelli. Eins og ekkert væri laug Hálfdán stórglæp á móti upp á þetta manntetur og hann hvarf bak við rimlana og var haldið þar í mörg ár og þegar hann hafði lokið afplánuninni var farið með hann beint á geðveikrahælið.

Rekinn fyrir mök við uppljóstrara

Athugasemdir

[Þorsteinn Siglaugsson, 10.1.2019 kl. 23:20]

Það er nú alltaf léttir að lesa bullið í þér á þessu bloggi Jóhannes. Það er ljós í myrkrinu innan um ranghugmyndirnar sem flestir skríbentarnir virðast haldnir, en taka ekki pillurnar sínar við.

[Halldór Egill Guðnason, 11.1.2019 kl. 02:46]

Það eru ekki til pillur við öllu, Þorsteinn! ;-)