Leita í fréttum mbl.is

Spurði hvort þessi þjóðflokkur væri sona annarlegur frá náttúrunnar hendi

ball1Hvað er nú verið að hafa fyrir því að senda þessa drengslána til útlanda til að tapa og tapa og gera sjálfum sér og þjóð sinni til hörmulegrar skammar? Það sást strax þegar drengirnir skjögruðu og slöguðu og höltruðu út á völlinn að þeir yrðu auðveld bráð og þeir virtust líka vera búnir að sætta sig við að verða rassskelltir eftir öllum kúnstarinnar reglum. Já, það var létt verk og löðurmannlegt fyrir Króata að valta yfir vankana frá Íslandi; við og við skruppu tveir eða þrír Króatar úr leiknum til að fara á klósettið eða út fyrir höllina að reykja og voru þá aðeins þrír til fjórir leikmenn þeirra inná að dusta garmana okkar til.

Ókunnugur maður, sem var á leiknum, spurði í forundran hvort þessi peyjar frá Íslandi væru drukknir eða hvort þessi þjóðflokkur væri svona annarlegur frá náttúrunnar hendi. Auðvitað varð fátt um svör, einhver umlaði eitthvað um helvítis rolur en annar, að sjálfsögðu Íslendingur, blótaði forfeðrum sínum í sand og ösku. Svo vöktu íslensku áhorfendurnir á leiknum athygli ókunnuga mannsins, sem lét þau orð falla að þessi kvikindi hefðu baulað eins og nautgripir á pöllunum og hefði þetta háttarleg vakið óhug annarra áhorfenda og vangaveltum um hvort gen úr sauðnautum hefði blandast saman við erfðabúskap þeirra.

Nú er tímabært að kalla þetta handboltalandslið, eð hvað við viljum kalla það, heim og forða okkur þannig frá meiri skömm. Það sér náttúrlega hver maður að sona lagað getur ekki gengið því ekki er það stefna íslensku þjóðarinnar að vera aðhlátursefni útlendinga og láta þá daga oss sundur og saman í háði, kalla oss hálfmenni, villumenni, skrælingjalýð og eilífðardrykkjurúta. 


mbl.is Fjögurra marka tap eftir hetjulega baráttu
Tilkynna um óviðeigandi tengingu við frétt

« Síðasta færsla | Næsta færsla »

Bæta við athugasemd

Nauðsynlegt er að skrá sig inn til að setja inn athugasemd.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband