Leita í fréttum mbl.is

Það er ólag á Vindbelgnum í dag

xb1.jpgÞað er naumast lag á Vindbelgnum í dag, eða öllu heldur megnasta ólag. En karlkindinni er vorkun; þessi dægrin hefir hann nóg með að troða marvaðann í eðjunni í krataeðlisflórnum eftir eftir háyfirmeistara jafningsmanna á Íslandi, Jón Baldwin, og vantar mikið upp á að þeir jafningsmenn fari að sjá til lands og jafnlíklegt að þeir súpi hann súran og drukkni hreinlega í forinni.

Það eina, sem sjáanlegt er á þessari stundu, sem komið gæti helsta krataeðlisflokknum okkar til hjálpar, er að spakmælið í Gretlu, ,,að svá skuli böl bæta sé að bíða annað meira" muni koma fram á eignunum og að enn verri heykslismál, stærri og ljótari en Jónsmál fái að hellast eins og skýstrokkur yfir krataeðlissöfnuðinn og feykja öllu út og suður upp í veður og vind og sumt alla leið niður í gráðugt ginið á Andskotanum í Helvíti. Krateðlungar gætu til dæmis startað nokkrum hryðjuverkum; sprengt 200 kinda fjárhús í loft upp til að mótmæla bændum og landbúnaðarstefnunni; sökkt kvótadollu í Reykjavíkurhöfn til að knýja á um kvótauppboð; eða fanga nokkra Engeyinga í gíslingu og lýsa því yfir að þeir hafi verra af ef Íslandi gangi ekki á stundinni í ESB.

En því miður er krataeðlisgörmunum flest betur gefið en að fá brillíjant hugmyndir eða hugsa afstrakt; reyndar er hugsun þessum dauðans ráðleysingjum afar framandi; vitundarlíf þeirra nær ekki nema upp að bitlingum, hrossakaupum og vemmilegum sleikjum upp við burðarása auðvaldsins. Hér fyrr á tíð gerðist það, að krataeðlisflokkurinn gjörðist hjáleiguhokrari í túnfætinum hjá Sjálfstæðisflokknum á Höfuðbólinu, það fyrirkomulag stendur enn. Það eina sem hefir breyst er að þurrabúðarmenn á hjáleigunni eru enn vesælli en á árum áður, og þeirra helsta vonarstjarna, Vindbelgurinn hálf loftlaus og gamli háyfir krataeðlisforinginn gerir ekkert annað en að fylla flórinn af sora og graddaskitu. 


mbl.is Veggjöld verst fyrir tekjulága
Tilkynna um óviðeigandi tengingu við frétt

« Síðasta færsla | Næsta færsla »

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband