Hún var beitt obbeldi og kvenhatri og fauk loks niður þrepin

Frú Andersen dómsmálaráðherra fyrrverandi var beitt obbeldi, kvenhatri og kvenfyrirlitningu þegar henni var bolað með verstu trntbrögðum úr embætti; Bjarniben vildi ekki sjá hana, honum leist ekki á hana og gaf skotleyfi á vesaling. Á þessar aðfarir horfði Kata stutta með velþóknun, enda er slíkur yfistéttarfémínísmi, eins og sá er frú Andersen mátti kenna á, hennar ær og kýr og djöfull sem hún hló þegar hún horfði á eftir frú Andersen fjúka niður þrepin í dómsmálaráðuneytinu.

En sannleikurinn er sá, að bæði Bjarniben og Kata stutta hræddust frú Andersen ákaflega, höfðu sjúka minnimáttarkennd gagnvart henni og ákváðu því að stampa henni. Í stað frú Andersen setti svo Bjarniben einhvörja lurðu, gluggaskraut, sem er á pari við Kötu stuttu í gluggaskrautsmálefnum. Já, það erfitt hlutskipti að vera mikil kona, sjálfstæðismaður, frálshyggjumaður og afturhaldsmaður, eins og frú Andersen, og hafa heila hjörð smámenna að baki sér með búrhnífanan á lofti.

En nú er frú Andersen komin í poletiska útlegð og poletiska einangrun á hinum poletisku hornströndum auðvaldsins. Bjarniben getur um frjálst höfuð strokið og Kata stutta búin að fá félagsskap í gluggakistuna. En á hliðarlínunni bíða allrahanda endemi átekta eftir að molar hrjóti af borði arðræningjanna, sem gera ríkisstjórnina út og elska Bjarnaben, Stengrím og gluggaskraut og eyjuna Tortólu.

Forsætisráðherra fer yfir viðbrögð stjórnvalda