Leita í fréttum mbl.is

Fabrikkan Skorpinharmur og hlandsprengjan Vanessa Kroyer

girl2.jpgDjöfullinn sjálfur! Mikið fjári er nafnið á stöfffabrikkunni hjá strákunum agalega passlegat og látlaust: Skorpinharmur, sem minnir á grátbólginn útfararsálm með belgsprungnu orgánharmóníum og dauðum maðkaflugum í gluggunum. Og Skorpinharmur ku ætla að láta slag standa og hræra saman hinum og þessu gumsi og búa til úr því pillur, sem gera fólkið enn veikara og vitlausara. Það er til marks um hvað sona pillur eru gagnslausar, að einhverju sinni átti að plata þessum óþverra ofan í varphænur með því að lauma töflunum með maískorninu; púturnar átu kornið upp til agna, en dópið vildu þær ekki sjá, enda eins gott fyrir þær, því hefðu þær etið pillurnar, eins og vonir stóðu til, þá hefðu þær steidrepist á innan við kortéri.

En væri ekki betra fyrir fyrirtækið Skorpinharm að snúa sér heldur að því að framleiða hænsnafóður í staðin fyrir pillur? Frú Vanessa Kroyer fékk fyrir nokkrum árum ósköp geðugar töflur hjá lækninum sínum, samheitalyf var það kallað; hún var nefnilega búin að vera so slæm eitthvað á taugum undanfarið og með krónískan skítastíng í vömbinni, sem orsakaði niðurganga, en niðurgangur er afar neyðarlegur kvilli fyrir betri konur.

Núnú. So fór Vanessa að eta töflur sínar eftir lyfseðli og læknisráði og taugarnar fóru strax að braggast. Skítastingurinn hvarf og hún gat hætt að ganga með bleyju til að taka við niðurgangnum í slysatilfelli. Jájá já. Næstu mánuði á eftir fór Vanessa Kroyer að safna utan á sig kílóum, fór bókstaflega að róa í spikinu, og áður en árið var liðið var hún orðin 180 kílógrömm. Á þeima tímapunkti kom hún fram í frægum sjónvarpsþætti og barmaði sér yfir því að gárungarnir væru farnir að gera gys að sé og kalla sig hlandsprengju og fleiri óþverranöfnum. Rétt fyrir afmælið sitt það ið sama ár, varð henni á að hrasa fram af stétt og falla 130 séntímétra niður á steinsteypt plan. Þó ekki væri fallið hátt, þá var það nóg til þess að Vanessa sprakk eins og hlandblaðra, eða öllu heldur eins og steypireður, sem væri látinn falla til jarðar úr rúmlega 10 kílómetra hæð. Þegar þarna var komið sögu var frú Vanessa Kroyer áreiðanlega komin langt og vel yfir 200 kílóa múrinn og orðin brothætt í samræmi við það. 


mbl.is Coripharma kaupir þróunarsvið Teva
Tilkynna um óviðeigandi tengingu við frétt

« Síðasta færsla | Næsta færsla »

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband