Hann Gorgur var grænkeri og geyspaði golunni fyrir allar aldir

Þetta er hið versta má, altso það að troða grænmetishroða og töðu með ofbeldi ofan í börn, sem geta sér aungva björg veitt. Mikil er óhollustan af grænveganinu og heimskan óstjórnleg sem sveimar í tómum höfðum grasætanna. Sjáið nú til dæmis amingja kallinn hann Gorg Harrisson, þennan ástsæla bítil og gítarleikara: hann féll í öskustó grænmetisátsins, varð innantómur, andlaus, veiklulegur og slepjulegur og loks undirlagður af mörgum krabbameinum og og dó frá öllu saman á besta aldri.

Aftur á móti hefir herdeild af óvitum og illa innrættum apaköttum tekið yfir Ráðhús Reykjavíkur og stundar þar siðvillu og sjálfsupphafningu, og hrella fólk með tjaldhælum, hömrum, kamrafnyk og vondri líkamsfýlu, svo aunginn getur hafst við nálægt Ráðhúsinu, hvað þá inni í því þar sem eiturgufurnar eru langt yfir ásættanlegum manneldismörkum. Þessi herdeild er ósvífin og hikar ekki við að grafa heilu strætin upp, þannig að þær minna á gjár og gljúfur upp til heiða en ekki rennislétt stræti með iðandi mannlífi. So plampar þetta lið í falsrauðu sjíttídressi milli kastljóssþátta sjónvarpsstöðvanna og tilkynnir kjósendum, sem þetta lið hefir fullkomna andstyggða á, að grænmetisát og veganismi í grunnskólum sé spurning um val - og nú er Líf Magníudóttir búin að ættleiða hval eins og sönn forréttindaskrukka - og þessi misheppnaða frá Samfylkingunni er líka búin að ættleiða hval, akkúrat þennan sem fannst rekinn út við Aflagranda, eða hvað hann heitir, og var fluttur í burtu á stórum flutningarbíl og ver breytt í veganmálsverði á leyndum stað.

Öll ættum við að vita, að það eru ærnar og kýrnar sem eru hinar sönnu grænfóðursætur og veganístar; kýrnar láta sig hafa að bryja í sig rófur, næpur, gulrætur, sellerý og kálböggla með töðunni. Á sama hátt svelgja ærnar og hrútarnir í sig blómstur, steinselju, blóðberg og kálið ofan af grænmetinu. Á hinn bóginn fúlsa þessi kvikindi við nautasteik og hægelduðum lambaskanka, rétt eins og það sé hinn megnasti óþverri og eitur. En þrátt fyrir allt getum við verið glöð og ánæggð, ekki síst foreldrar grunnskólabarna sem heyra undir fíflasamkunduna í Ráðhúsinu við Reykjavíkurtjörn, sem eiga að þakka góðum Guði fyrir meðan eðjótunum í Ráðhúsinu hugkvæmist ekki að setja öll grunnskólabörnin á kannabis og áfengt öl og rauðvínshland um leið og þau mæta í skólann á morgnanna.   

Fjölbreytnin aukist frekar en hitt