Jóhannes Ragnarsson

2.9.2019 | 17:27

Og honum sveiflað eins og úldnum þorski

Þannig fór nú það hjá greyskarninu atarna. Fyrst í stað þóktist Kartín vera köld kérlíng, sem gæti sagt varaforseta Trumpsins og Sjálfstæðisflokksins að fara til Fjandans, hún atso talaði ekki við svoddan skítasláp. Síðan varð þögn um skeið hjá Katrínu með aungvum yfirlýsingum. So fóru að berast þokukennt muldur um, að kanski gæti hún hitt dólginn Pence að máli, en bara kanski. Loks, seint og um síðir, birtist Katrín í sínun rétta leikbúningi, gluggaskrautsdingalinginu, og kvað upp úr með að ekkert væri því til fyrirstöðu að hún hitti varaforsetann, og jafnvel þótt það mundi verða innilegur fundur. Og sannaðist þar með framsóknarorðkviðurinn á Katrínu: Sagði nei, og sat svo hjá, en síðast já við öllu.

Á þessum fíflagangi, með Katrínu í aðalhlutverki, fylgir að sjálfsögðu sú skýring, að það var stigið ofan á skottið á Stengrími og honum sagt, að ef hann léti gluggaskrautið sitt halda þessum þykjustuleik eitthvað áfram, mundi það enda með því að ríkisstjórnarheimilið yrði hreinsað af VG-mykjunni; en það mun víst þýða að Katrín, Stengrímur og Swabbafamelíjen fengju ókeypis flugferð út úr stjórnarráðinu. Til að Stengrímur mundi skilja alvöru málsins, var honum sýnt hvernig hann mundi verða tekinn upp á skottinu og honum sveiflað eins og úldnum þorski út í rennusteininn.

En nú er sem sé allt fallið í ljúfa löð og Katrína litla gluggódót á leið í Garðabæinn í matarboð hjá Bjarnaben. Það mun vera Katrínu ósköp ljúft að hringlast um þessa Mekku auðvaldsins á Íslandi og fá að éta þar á bestu bæjum. Svo fer hún að hitta varaforseta Trumpsins og Sjálfstæðisflokksins og verður so sæt og fín og kvakar alveg eins og varaforsetinn vill heyra. Stórbrotinn stjórnmálaskörungur Katrín Jakobsdóttir og ekki síðri er ofurmennið sem stjórnar strengjunum sem hún hangir í síðra í framkvæmd æsilegra kraftaverka, hann Stengrímur okkar hérna Samherji.