Niðurrifsmaður og illræðissteggur vegur að frau Alferdós og íslenskri menningu

Þar kom fram á sjónarsviðið ótúttligur náungi, niðurrifsmaður og öfgamaður, og tætir trixið litlu frauken Alfredós í sig svo ekkert er eftir nema fjaðrafokið eitt. Og aumingja blessuð manneskjan, sem var búin að leggja so undur mikið á sig og vakað marga nótt til að úthugsa verulega gott trix til að uppfæra sig sem ofurmenningarfyrirbæri, sem kæmi að góðum notum í næsta kosningaslag gömlu Framsóknarmaddömunnar.

Nú liggur fyrir að illræðissteggurinn, sem veitist af svo mikilli fólsku að frú Alfredós, er starfsmenni Háskóla Íslands og heyrir því beint undir mennta- og menningarmálaráðherra. Þar ber vel í veiði og auðvelt verk litlu frau Alfredós að setja bölvað illyrmið af og í framhaldinu væri vel hugsanlegt að Útlendingastofnun væri falið að reka manninn úr landi fyrir fullt og allt, helst til Kambodíu eða Míjámmar; það væri góð lausn.

Og fyrst prófessorinn í sagnfræði við Háskóla Íslands vill ekki handritin heim þá er næst að ætla að hann vilji fylla upp í holu íslenskra fræða, þarna við hliðina á Hótél Sögu. Það er agalegt fyrir stjórnvöld að þurfa einlægt að standa í stórræðum við illa innrætt, og manni liggur við að segja, hálfbilað fólk. En í þeirri góðu vissu um, að litla frau Alfredós taki þrjótinn aungvum vettlingatökum, þá ætlum vér að þetta mál verði úr sögunni fyrir kvöldmat og fanturinn verði sigldur af landi brott fyrir miðnætti.

Endurheimt handrita afleit hugmynd