Peningasöfnunarfélög vel haldinna verkalýðsforstjóra

Til hvers ætli verkalýðsfélögin standi í botnlausri peningasöfnun? Því er ekki auðsvarað. Hefur aldrei hvarflað að fólkinu, sem rekur félögin, að lækka félagsgjöldin í stað þess að safna peningum og gambla með þá í óþverrafélögum, sem byggja á gengdarlausu arðráni? Eru verkalýðsfélögin ef til vill líka að gambla með fé sjúkrasjóðanna og orlofssjóðanna? Það stendur ekki á þessum giljagaurum að greiða sjáfum sér laun, sem jafngilda þre- og/eða fjórföldum launum bláfátæks verkafólks; er ekki eitthvað siðferðilega rangt við svona æfingar?

Mér skilst að verkalýðsrekandinn Bandaríkja-Sólveig sé með að minnsta kosti 900 þúsund krónur á mánuði, - er það siðlegt í ljósi launataxta Eflingar? Og hvað réttlætir svona örlæti Eflingarstjórana á annarra manna fé; meira að segja fé sem dregið er af launum láglaunafólks? Þess utan: Hefir siðferði Bandaríkja-Sólveigar virkilega boðið henni að mentamannavæða Eflingarkontórinn og setja allt mannahald á skrifstofunni í uppnám með brottrekstrum og háum greiðslum í borga þeim brottreknu uppsagarfresti? Þetta er satt að segja fáheyrð endaleysa og hörmung, sem ekki er einusinni hægt að nota í gamanmál.

Og við erum þó nokkuð mörg sem stöndum og horfum gáttuð á gípugang Bandaríkja-Sólveigar og Amríku-Vidda. Hvert er erindi þessa fólks? Jú, erindið virðist vera að koma sjálfum sér á góð laun, langt umfram verkamenn með siggrónar höndur. Við vitum að upptökin að flumbrugangi þeirra endemanna eiga sér upptök í svokölluðum Sósíalistaflokki Íslands, sem er eitthvert einkafyrirtæki Gunnar Smára og undurfurðulegs geimveruhóps kringum hann. Að sjálfsögðu verður aldrei neitt meira úr þessari hugmynd að stofnun sósíalistaflokks, slíkt hrófatildur og rugl sem þetta fyrirbæri hefir sýnt sig í að vera. Það er tímabært að vara fólk alvarlega við þessum sérkennilega Sósíalistaflokki Íslands og beina því til þess að láta ekki giljagaura og stekkjastaura á borð við Amríku-Vidda, Gunnar Smára, Bandaríkja-Sólveigu og þeirra líka, villa sér sýn.  

Siðferðislega rangt að geyma fé hjá Gamma