Leita í fréttum mbl.is

Hvað táknar öfugur hattur á höfði drotningar?

búr1Að sjá gömlu boruna með hattinn öfugan á hausnum. Þetta er reginhneyksli. Og so er hún elliær og afgömul eins og gamla ekkisins Framsóknarmaddaman; þær eru jafnöldrur, ef ég man rétt, sem ég er ekki viss um. En þó frúin sé gömul og trénuð, þá er hún ekki alveg út úr veröldinni. Af þeim sökum er öfugur hattur ekki handvömm vegna ellihrumleika heldur skilaboð um eitthvað sem sauðsvörtum almúganum er hulið. Elísabet gamla er nefnilega slóttug og fram úr skarandi greind og þar af leiðandi er öfugi hatturinn merki um eitthvað sem hún vildi sagt hafa, en má ekki stöðu sinnar vegna segja upphátt og alls ekki opinberlega.

Nú mundu sumir vilja meina að öfugur hatturinn tákni ólund drotningar í garð samkynhneigðar, en það mun af og frá. Þá eru uppi sannar getgátur um að þetta merki að henni sé illa við forsætisráðherra Bretlands, sem aungan skal undra, því sá maður er ekki maður nema til hálfs og illa það. Svo hefir gamla konan átt í brösum við ömmudrenginn sinn, hann Harra, og stelpugæsina sem hefir forfært hann með skelfilegum árangri. Ekki er dótturdóttirin betri, var svipt ökuréttindum fyrir að aka á sama hraða og íslenskir sægreifar keyra á þjóðvegum Íslands. Það þarf nauðsynlega að rannsaka þessa dótturdóttur betur, því þar kvað fara versta flagðkvendi.

En öfugi hatturinn drotningar er þó fyrst og fremst uppreisn hennar gegn matreiðslumeisturum hirðarinnar, sem orðnir eru gamlir og ljótir, sífullir og stórhættulegir í eldabrögðum. Fyrir nokkru impraði frú Elísabet á því við mann sinn, að réttast væri að brytja helvítis kokkana niður í gúllas og sjóða þá vel og lengi samkvæmt ungverskri uppskrift að ketsúpu. Einn af þessum aldurhnignu matreiðslumeisturum er búinn að vera lengi úti á túni og segir bara ,,já essskaaa" ef yrt er á hann. Annar talar ekki um annað en afbrigðilegar ástir sínar með mjög vafasömum konum; drotningin var til dæmis lengi að komast í skilning um hver Dollý væri, en það nafn kom fram í lok einnar af hinum svæsnu sögum karlsins: ,,Nó monný for mí, ten pánds for Dollý" voru lokaorð þeirrar sögu, og ekki orð um það meir.


mbl.is Drottningin sneri hattinum viljandi öfugt
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Þorsteinn Siglaugsson

Þetta táknar að drotníngin er öfug, eða líklega tvíkynhneigð. Eða sástu ekki frétt Fréttablaðsins í dag? "Drottningin reið Harry og Meghan". Jafnframt kom eftirfarandi fram: "Ákvörðunin (þá væntanlega um að ríða þeim) tekin án samráðs." Þannig að það er bara spurning hvenær bobbíarnir koma og stinga henni í Lundúnaturn fyrir kynferðislegt áreiti við sonarson sinn og frú.

Þorsteinn Siglaugsson, 9.1.2020 kl. 22:33

2 Smámynd: Jóhannes Ragnarsson

Guð almáttr í hymmnarann bjargi oss frá því að Elísabet gamla sé tvíkynhneigð, beggja blands, á báðum áttum, sódónísk. Ég var búinn að hugsa þetta sama og þú, en þókti ekki viðurkvæmilegt að segja það í annarra viðurvist. Þetta endar með ósköpum hjá blessaðri drotningarfjölskyldunni.

Jóhannes Ragnarsson, 9.1.2020 kl. 22:39

3 Smámynd: Þorsteinn Siglaugsson

Já, ekki lýgur Fréttablaðð embarassed

Þorsteinn Siglaugsson, 9.1.2020 kl. 22:50

4 Smámynd: Guðmundur Ásgeirsson

Eru tískuákvarðanir kóngafólks merkjasendingar?

Gæti verið áhugavert rannsóknarefni...

Guðmundur Ásgeirsson, 10.1.2020 kl. 01:57

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband