Leita í fréttum mbl.is

Óánægja frú Ingveldar stendur óhögguð

x-madFrú Ingveldur var verulega óánægð eftir að hafa fengið fréttir af ummælum Páls forstjóra og Ölmu landlæknis. - Fyrir það fyrsta, grénjaði frú Ingveldur upp úr vonsku sinni, - þá bjóst ég við spítalaforstjóra með kindabyssu í annarri hendi og sláturhníf í hinni. En neinei, maðurinn fer að þrugla og rugla un öndunarvélar og landlæknismyndin var ekki betri í andskotans öndunarvélabullinu. Jésús minn hvað þetta aumingja fólk er bilað, sagði frú Ingveldur og sparkaði frá sér eins og að henni sæktu grimmir hundar.

Frú Ingveldur er á hagræðingarbylgjunni og talsmaður hinnar endanlegu lausnar á gamalmenna- og öryrkjavandamálinu. Um þessar mundir er hún að rita stórviki um málið og mun það bera titilinn ,,Barátta mín II." Sumir eru þeirrar skoðunar, að nú sé frú Ingveldur komin yfir strikið, og þá fréttir bárust af því að hún hefði sent Óla Apakött til útlanda í þeim tilgangi að rífa kjaft við siðað fólk á fundum um þar sem fjallað var um almannaheill. Að vísu var Apakettinum hvarvetna kastað út á strætið fyrir utan fundarstaðinn eða hann var fjarlægður í böndum og hann keyrður upp á ókunnugar heiðar skilinn þar eftir í kolsvartamyrkri. Þeir sem sátu fundina um almannaheill eru sammála um að aldrei hafi þeir fyrirhitt annað eins óhræsi og viðrini eins og Óla Apakött og væri réttast að leggja dálitlar refsingar á þjóð sem sendi þvílíkt afturfótafiðrildi til að ausa úr skálum heimsku sinnar yfir grandvart of velmeinandi fólk á erlendum vettvangi.

Svo þarf nú að ræða tillögu frú Sæland um að smala pestargemlingum, sem eru að koma frá útlöndum, saman í Egilshöll eins og hvurju öðru fjársafni sem heiðarlegur stórbóndi hefir rekið til sláturhúss. Þegar Egilshöll verur orðin full af bráðsjúku fólki og aðeins eitt til tvo klosett á staðnum, væri kjörið að flytja garmana, sem ekki verður hægt að troða inn í Egilshöllu, út í sveit og koma þeim fyrir í ónotuðum útihúsum, fjárhúsum, hlöðum og slíku. Þannig og aðeins þannig munum við koma í veg fyrir pestarsmit af fólki sem asnaðist eins og blindar mýs í utanlandsreisu á nýja árinu. En óánægja frú Ingveldar stendur óhögguð.  


mbl.is Spítalinn vel tækjum búinn til að bregðast við
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Ingibjörg Friðriksdóttir

ÉG er að spá, er ekki eyja rétt fyrir utan hjá þér sem mætti yfirtaka og henta pestargemlingunum þangað?  Og þeir sem ekki lifa af mætti kasta á bálið?

Ingibjörg Friðriksdóttir, 25.2.2020 kl. 19:15

2 Smámynd: Jóhannes Ragnarsson

Melarakkaey er næst okkur hér í Ólafsvík, en hún er út af Grundarfirði og steinsnar frá fjöruborðinu á Kvíabryggju. 

Nafnið á eynni passar einhvern veginn svo ósköp vel við einangrun pestargemlinga. Og þeir sem ekki lifa af fara náttúrlega beint á kjaftinn á háhyrningunum, sem stanslaust svamla kringum eyjuna.

Jóhannes Ragnarsson, 25.2.2020 kl. 19:26

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband