Leita í fréttum mbl.is

Hamfarakvíði er eins og samfarakvíði og allt fer það sem það fer

spenn2.jpgHamfarakvíði er eins og samfarakvíði: það fer sem sé allt úr um læri og maga fyrir rest og afleiðingarnar gjarnan hroðafengnar. Lengi hefir verið þekkt að fólk andist úr samfarakvíða, það bókstaflega springur innan í sér, verður bálgeggjað um hríð og geyspar so golunni. Þessi voðalega veiki er mikið hættulegri en kórónuvírusinn því dánartíðni af völdum samfarakvíða er eitthundrað prosent, að meðaltali. Þá eru ótaldir þeir sem veikst hafa af samfarakvíðaröskun, en þeir hafa allri lent í flokknum ,,einkennilegir menn."

Þegar saman blandast hamfarakvíði og samfarakvíði vænkast hagur Strympu í heilsubótargeiranum, sem nú er orðin ein fjölmennasta starfsgrein landsins. Fúskarar, með meðalgreind og undir, hafa komið sér upp kvíðamiðstöðvum út um allar þorpagrundir og hala inn milljonir á milljonir ofan á þessum hrossalækningum með auðvitað aungvum árangri. En fólkið, allt í kvíðasamfarahamfaraklessu, streymir eins og sauðfénaður í stríðu straumum með péníngana til fúskaranna, vitandi að ekki einn einasti fær bata hjá þeim, hvað þá einhver læknist.

Hér um árið fékk góðkunningi okkar, Kolbeinn Kolbeinsson skrifstofustjóri og framsóknarmaður, þennan líka ekkisins asskotans samfarakvíða svo leggja varð hann inn á vitfirringahælið. Á vitfirringahælinu lét Kolbeinn öllum illum látum, hrækti framan í hjúkrunarkvendið sem ætlaði að láta hann kukka í pott, og reyndi að gefa yfirlækninum á kjaftinn. En þegar að því kom að Kolbeinn fór að froðufella var kallaður til Gottfreð Gottfreðsson læknir og hann sprautaði í hann freyðandi kvíðaeitri so Kolbeinn seig saman eins og götótt blaðra. Þegar Kolbeinn var orðinn sæmilega stilltur var Hálfdán Varðstjóri kallaður til og honum boðið að aka Kolbeini heim og afhenda hann frú Ingveldi til afnota. Að vísu skilaði Hálfdán Kolbeini ekki strax og það var þess vegna sem Kolbein auminginn var eins og veðurbarið hænurassgat þegar frú Ingveldur fékk hann í hendur. 


mbl.is Hamfarakvíði leggst á íslensku þjóðina
Tilkynna um óviðeigandi tengingu við frétt

« Síðasta færsla | Næsta færsla »

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband