Verðskulda fátt annað en snöru og gálga

Þarna er hluta Íslendinga rétt lýst: grobba sig af því að hafa laumast bakdyramegin inn í landið frá Ítalíu og virt að vettugi tilmæli yfirvalda um að vera í sóttkví heima hjá sér. Svona óprúttið lið verðskuldar fátt annað en snöru og gálga. Því ættu yfirvöld að gera sér far um að þefa þessi óféti uppi og láta þau finna alminnilega til tevatnsins; við sona erkinaut dugar aungin linkind eða grátkonumiskunsemi, heldur verður að sýna þeim í tvo heimana af járnkaldri fúlmennsku.

Svo er það spurningin hvernig hinum svikula óþokka muni líða ef hann hefir borið með sér mannskæðan kórónuvírus heim frá Ítalíu og farið síðan í heimsókn á fjölmennt dvalarheimili aldraðra. Nei, honum mun ekkert bregða þótt þann hefði smitað eitthundrað gamalmenni í dvalarheimilinu og lagt þau í gröfina. Auðvitað verðskuldar slíkur morðskelmir aðeins snöru og gálga, en ekki eitthvert ömurlegt fát og fum.

Þá hefir spurst að bölvað óhræsið hún Máría Borgargagn hafi komið skríðandi frá Ítalíu til Lundúna og þaðan á Keflavíkurflugvöll. Síðan skreið hún fárveik af kórónudrepsótt heim til sín og blés vírúsum í allar áttir þangað til hún stóð á þambi. Sem betur fer kom frú Ingveldur til skjalanna og tók í taumana og lokaði helvískt Borgargagnið og það óhrjálega kvikindi, Indriða Handreð, bæði inni í fataskáp, sem hún negldi rammlega aftur með þverböndum og stífum, svo aungin leið væri fyrir þau að brjótast út. Nú Borgargagnið og Handreðurinn þóttust hafa farið í skíðaferð til Ítalíu, en það var öðru nær að svo hafi verið. Þetta hræðilega fólk hafði að vísu farið til Ítalíu, en þau fóru aldrei á nein skíði, því þau komust ekki lengra en á skítugt gistihús með vændisþjónustu á efri hæðinni. Þarna náðu þau að stútfylla sig að kórónuvírusum af liðinu á efri hæðinni, sem flest var að bana komið vegna kórónunnar. 

Hafa virt að vettugi tilmæli um sóttkví

Athugasemdir

[Halldór Egill Guðnason, 3.3.2020 kl. 00:30]

 Af orðanna hljóðan og ýmsum ummælum verkalýðsforystu sósíalista í Neglingu, þarf ekkert að hreinsa skóla borgarinnar.

 Þar eru jú bara börn sem, virðast sökum æskuhreysti sinnar, ekki í mikilli hættu vegna veirunnar. Börnin eiga hinsvegar mömmur og pabba og ömmur og afa, en það skiptir engu.

 Það skítapakk er flest komið fast að, eða framyfir sextugt og því lítil hætta á ferðum, þó sá aumi hópur tapi tölunni og steindrepist úr vírusnum. Þetta lið er hvort eð er komið að grafarbakkanum og lítil sem engin eftirsjá í svoleiðis drasli. Sósíalisminn lifi!

 Góðar stundir, með kveðju að sunnan.