Í prófastsdæminu er bannað að hafa yfir bölv, ragn og klámsyrði

,,Þó leynist lús með saumi
láttu vera að klóra þér."

Sona orkti þjóskáldið á elleftu stundu í lífi þess. Síðan hafa menn deilt um hvort þjóðskáldið muni hafa farið til Fjandans eða sitji nú við hægri hönd Guðs og hjálpi honum við að dæma lifendur og dauða. Þetta góða þjóðskáld, ljúflingur allra er meta kunna bunulæki og brekkusóleyjar í mistrandi lýrík hins upphafna anda,er samt sem áður eilíft deiluefni geðvondra listunnenda. Og þrátt fyrir að menn séu ekki lúsugir þurfa þeir all sekki að heita Lúsífer, það sama á við um þá lúsugu.

Og þó svo Íngólfur Arnarson nútímans segi fjölmiðlum að hann sé í Kyrkju Sathans, þá rannsaka fjölmiðlungarnir auðvitað ekki hvort maðurinn eigi sannarlega innangengt í musteri Pokursins. Mannanafnanefnt áttaði sig strax á þessari brotalöm í umsókn Íngólfs Arnarsonar og bað hann vinsamlegast vel að lifa. En eins og við manninn mælt, rauk Sathan litli upp eins og naðra og talar um mannréttindabrot og stjórnarskrárbrot, eins og hann viti hvað soleiðis lagað er. Fyrir utan að hér á Íslandi höfum vér aungva stjórnarskrá, hvorki gamla né nýja.

Í Gemlufallaprófastsdæmi hefir síra Baldvin, prestur og prófastur til Gemlufallaþinga, bannað fyrir sitt leyti sóknarbörnum sínum að hafa um hönd bölv, ragn og klámsyrði. Þar með eru öll nöfn Pokursins bönnuð í prófastsdæminu. Sagt er að síra Baldvin hafi með eigin hendi drekkt þeim síðasta í læk, er vitað erum að haft hafi Fjandann og framgangsmáta hans í flimtingum svo aðrir heyrðu í þar í héraði. Er til þess vitnað, að síra Baldvin hafi mátt hlaupa á eftir sathansunganum upp á fjöll til að handsama hann; og þá síra Baldvin náði djöfli vildi svo vel til að þar féll ofurlítill bunulækur skammt frá, þannig að síra Baldvin þurfti ekki að halda á manninum spriklandi til byggða og embætta hann þar.  

Ósáttur við höfnun Lúsífers

Athugasemdir

[Halldór Egill Guðnason, 11.4.2020 kl. 05:11]

 Athyglissjúkir kjánar virðast eiga mjög greiðan aðgang að fjölmiðlum þessa dagana. Hvort það segir meira um fjölmiðlana eða kjánana sem þangað sækjast í athyglissýki sinni, er ekki gott að segja.

 Síra Baldvin væri nú ekki í vandræðum með að henda þessum hlandhaus á haugana, svo mikið er víst. Handreðurinn  og borgargagnið gætu, ef á þarf að halda, hjálpað helling við að losna við svona skoffín út úr umræðunni. 

 Góðar stundir, með kveðju að sunnan.

[Jóhannes Ragnarsson, 11.4.2020 kl. 10:47]

Síra Baldvin mundi að sjálfsögðu byrja á því að bannfæra garminn og færa hann Pokurnum til þinglýstrar eignar.