Leita í fréttum mbl.is

Og sópuðu þeim heilögu eins og hvimleiðum músavað út í horn

rat1.jpgÞetta áttu þær til eftir allt saman, þrátt fyrir vaxandi slappleika og vanheilsu, blessaðar ríkisstjórnartelpurnar. Þeim munaði sem sé ekki um að rísa upp dauða og djöfli eftir páskana, rétt eins og Þorgeirsboli forðum tíð og efndu til auglýsinga- skrumhátíðar fyrir sjálfar sig og ríkisstjórnina. Það þarf vissulega mikla bíræfni til að leggja undir sig hádegisfréttatíma fjölmiðlana á kostulegan popúlískan hátt og sópa hinu heilaga þríeyki, Þórólfi, Ölmu og Víði, eins hvimleiðum músavað út í horn. Þetta kallar maður nú að taka sviðið áð þess að hafa nokkuð til brunns að bera.

Það voru embættismennirnir sem gerðu áætlunina um slökun á reglum vegna kóvídsins, en þá birtust endemi frá Stenngrimi Johoð og Swabbó ásamt litla hvítvínsneytandanum í Valhöllu og tóku allan heiðurinn af heilögu þrenningunni með ofstopa og brussugangi. Já, efrimillistéttarfémínístar borgarastéttarinnar gjörast nú heldur stórtenntar þessa dagana og fara fram í hinum valhallarlærða efrimillistéttarfémínístastíl, sem ætlað er að vinna heiminn.

Síðustu mánuði hefir ekki farið fram hjá sæmilega glöggu fólki, að forsætisráðherra, og trúlega Swandeesý líka, hafa verið sendar í æfingabúðir hægrimanna í Vallhöllu við Bolholt í Reykjavík, til að nema látbragðslist fyrir fólk sem er að halda ræður. Það hefir tekist nokkuð vel að venja forsætisráðherrann að mest af óviðeigandi og fálkalegum höfuðrykkjum og slettum og af þessum skyndilegu brosum, sem áttu til að ryðjast fram á andlit forsætisráðherra þegar minnst varði og ekki voru túlkuð öðruvísi en að hún hefði þá skoðun að þeir sem hún var að tala til væru fífl, eða að minnsta kosti brjóstumkennanlegir vitfirringar. Í stað rykkjanna og brosgrettnanna hefir forsætisráðherra tekið upp settlegar handapatshreyfingar, sem Sjálfstæðisflokksfrömuðir eru frægir fyrir að brúka þegar þeir halda að eihver sé að horfa á þá og dást að þeim. Að vísu er hið lærða handapat forsætisráðherra úr Valhallarskólanum ennþá talsvert of ýkt og greinilegt er að þjálfararnir verða að slípa oflátungsháttinn til svo boðlegur sé. En hvað um það: Eftir auglýsinga og skrumsfréttaþátt efrimillistéttarfémínístanna þriggja, liggur aðeins eitt eftir, og það er það, að ráðherradömurnar sópuðu Þórólfi, Ölmu og Víði eins og hvimleiðum músavað út í horn og sýndu með þeim æsilegu tilþrifum, að þær eru ekki enn alveg dauðar úr öllum æðum.  


mbl.is Dregið úr takmörkunum á samkomum og skólahaldi
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Ingibjörg Friðriksdóttir

Gúmúndsen hvað þú getur verið mikillll dóni Jói.  Þær hrósuðu þríeykinu og héldu Bjarna Ben frá katlinum.   þær slepptu því að vera leiðinlegar, Ef við þurfum ekki að fá svona fréttablaðasnípufund nema einu sinni til tvisvar í mánuði, þá er ég afar þakklát.

Hvað varðar ærskýringar Kötu, þá var hún að tala við þjóðina og við endurspeglum hana ekki.  Ekki ég og þú né Einar Gunnar.  Grunnskólabörn eiga mjög erfitt með að skilja ástandið.  Loksins var einhver sem skilur það að við erum ekki öll á sama þroskastigi.  En, við sem höfum gaman að þínum skýringur Ingveldar og Kolbeins, við erum bara sátt að þú skulir kitla lyklaborðið.
Namaste!

Ingibjörg Friðriksdóttir, 14.4.2020 kl. 14:48

2 Smámynd: Jóhannes Ragnarsson

Takk takk. En ég er náttúrlega aunginn bölvaður dóni, það getur meira að segja hvurt leikskolabarnið séð.

Jóhannes Ragnarsson, 14.4.2020 kl. 15:09

3 Smámynd: Ingibjörg Friðriksdóttir

Dóni getur þú verið að rengja orð mín.  Núna er mér nóg boðið, slekk á tölvunni, stend upp og hundskast niður í kjallara að taka til í geymslunni.

Ingibjörg Friðriksdóttir, 14.4.2020 kl. 15:18

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband