Leita í fréttum mbl.is

Og kemur þá upp úr dúrnum að hún er glæpakvendi á leið í tukthúsið

ingv47.jpgÞá er loksins komið upp úr dúrnum, að hún Lilja okkar hérna Alfreðs, sem lenti hvað mest milli tannanna á klausturdrengjunum þegar þeir fóru með bænirnar sínar að Klaustri í viður vist Báru, er forhert glæpakvendi eftir ummælum jafnréttisnefndar og frauken Hönnu Katrínar að dæma. Samkvæmt þeim illu orðum er óhjákvæmilegt annað en dómstólar dæmi Lilju til mjög langrar fangelsisvistar með bófunum á Litla-Hrauni. Aumingja manneskjan að fremja annan eins glæp.

En hvenær varð það glæpur að Framsóknarkona réði Framsóknarkarlmann í opinbert djobb? Hvenær drepur maður mann?, o.s.frv. Það er víst einhver Hafdís Helga, sem stendur fyrir því að klína umræddu voðaverki á Lilju og gera hana þar með að ærulausum stigamanni. Þessi Hafdís Helga vildi víst fá starfið sem Framsóknarkarlmaðurinn fékk, þó svo hún sé ekki viðurkennd af gömlu Framsóknarmaddömunni sem frambærileg Framsóknarkona. Og þessi Hafdís Helga virðist ekki taka neitt tillit til þess, að ofstopi hennar og öfgar munu koma Lilju fljótlega í steininn, þar sem hún verður að eyða nokkrum áratugum innan um misyndismenn og morðhunda.

Í þessum hremmingum, sem eru að yfirhellast blessaða dúfuna hana Lilju, sem helvískir klausturfantarnir töluðu svo illa um, þá ríður á að vér, öll íslenska þjóðin, stöndum þétt við bakið á okkar konu úr Framsóknarfjósinu. Vér verðum að berjast, berjast við þessar tíu ára frekjudósir, sem ganga fram í þeim heimskuþvættingi, að þær geti vaðið í bitlingasafnið og valið sér bitling að vild. Þessi Hafdís Helga verður bara að leita á náðir síns flokks, Sjálfstæðisflokksins, eftir bitlingi, sömuleiðis Hanna Katrín. Eins og staðan er núna, þá gapir fangélsisgímaldið við Lilju Alfreds, og verði ekkert að gert mun það svelgja hana í sig, og það sem verra er, gömlu FRamsóknarmaddömuna líka. Hvernig haldið þér að ástandið mundi verða á Hrauninu, ef Framsóknarmaddaman sjálf veður lokuð inn með glæpamönnunum, það mundi gera út af við þá á stundinni, en það viljum við ekki.   


mbl.is Brot Lilju með þeim verri sem hafa sést
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Halldór Jónsson

Ef þetta er mynd af Lilju þá hljótum við að lýsa yfir aðdáun

Halldór Jónsson, 3.6.2020 kl. 13:12

2 Smámynd: Jóhannes Ragnarsson

Auðvitað lýsum vér yfir aðdáun. Þó það nú væri.

Jóhannes Ragnarsson, 3.6.2020 kl. 18:17

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband