Leita í fréttum mbl.is

Og skemmtidagskráin heldur áfram og nytsömu sakleysingjarnir dansa með

fool1_1132725.jpgSkemmtidagskrá krataeðlissjúklingana um ,,nýju stjórnarskrána" sem landslið kverúlanta í krataeðlissöfnuðinum sauð saman fyrir hart nær áratug, nýrri er nú skepnan ekki. Það hefir væntanlega ekki farið framhjá mörgum, að nú fer fjörið fram við skítugar veggnefnur niður við sjó þar sem nytsamir sakleysingjar og hálfvitlaust fólk, sem heldur að það sé ,,vinstrieitthvað" hefir síðustu daga dundað sér við krota slagorð með því að maka málningu á fyrrnefnda veggi undir stjórn biluðustu krataeðlisstagkálfa landsins.

Það kátlegast við þetta allt er að ríflega þrjátíuþúsund hrekklausar sálir hafa látið nafn sitt undir þessa galtómu stjórnarskrárdellu, sem aungvu mun breyta þótt hún væri tekin í heilu lagi og gerð að gildandi stjórnarskrá. Aumingja fólkið telur sér trú um að sægreifaveldið og kvótakerfið líði sjálfkrafa undir lok um leið og ,,stjórnarskrá" Þorvaldar og Illuga tæki gildi. Sömuleiðis mundum við renna eftir stjórnarskrá eins og fjallalækur inn í ESB á vit hymmnaríkisástands í geysilágum vöxtum, evru og matvælum á gjafverði. Þá verður lífið leikur og sorgir og vandamál úr sögunni. Sona er nú krataeðlið gott við okkur.

En, ónei. Stjórnarskrá Þorvaldar og Illuga mun aungvu bylta eða breyta, enda er þetta frámunalega íhaldssöm og harðkapítalísk stjórnarskrá, gerð fyrir blábjána og aðra heimskingja í mjög óljósum tilgangi. Eða hafið þið orðið vör við óróleika og hræðslu sægreifa og kvótaelskara við plaggið þeirra kratakumpána? Og hvað með aðra kaupahéðna og braskalýðinn? Nei, þetta lið lætur sér tiltektir stjórnarskrárberserkja og lukkuriddara í léttu rúmi liggja, því það þarf ekkert að hræðast. 


mbl.is Mikið af veggjakroti í Skúlagötu
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Guðmundur Ásgeirsson

Vextir eru bara ekkert lægri allsstaðar á evrusvæðinu en þeir eru á Íslandi. Til dæmis eru vextir húsnæðislána talsvert hærri en hér á landi í Litháen (4,42%) og Lettlandi (6,96%) sem bæði nota evru sem gjaldmiðil.

Guðmundur Ásgeirsson, 13.10.2020 kl. 21:08

2 Smámynd: Jóhannes Ragnarsson

Uss, er ekki rétt, Guðmundur, að hlífa blessuðum ESB- og nýjustjórnarskrárunnendunum við svona upplýsingum? Þeir þola ekki mikið af sonalöguðu.

Jóhannes Ragnarsson, 13.10.2020 kl. 21:25

3 Smámynd: Guðmundur Ásgeirsson

Ég er ekki hættur.

Hvar er nýja stjórnarskráin? Hún er hér:

33/1944: Stjórnarskrá lýðveldisins Íslands

Hún leysti þá gömlu frá 1874 af hólmi.

Guðmundur Ásgeirsson, 13.10.2020 kl. 21:29

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband