Leita í fréttum mbl.is

Minnisglöp er hræðilegur kvilli

Alveg var það voðalegt að horfa uppá Vilhjálm Þorn Rei og Bjarna Ármanns Rei í Kastljósi sjónvarpsins í kvöld. Hinn nýríki auðmaður, náhvítur og sléttgreiddur, gerði ítrekaðar tilraunir til að veifa pappírssnifsi, sem hann kallaði minnisblað, framan í Vilhjálm, en án árangurs. Því miður var auðsjánlegt, að afstaða Vilhjálms er óbetranleg því hann undirgekkst ekki pappír hins nýríka fremur en notað skeinisblað. Svo er annað sem fyllir mann heiðarlegri sorg, en það sú harmræna staðreynd, að þeir öðlingarnir Vilhjálmur Þorn, Bjarni Rei og Haukur Leósson virðast muna eitthvað óglöggt eftir ágætum fundi, sem þeir áttu að heimili Vilhjálms í Breiðholtinu,svo stappar nærri blakkáti. Minnisglöp af þessu tagi er hræðilegur kvilli, sem erfitt er að ráða bót á svo vel sé. Vera má, að gáfaður dáleiðslumeistari gæti greitt eitthvað úr svörtu blettunum í minnin umræddra heiðursmanna, en þar er samt ekki á vísan að róa eins og allt er í pottinn búið.
mbl.is Minnist þess ekki að hafa séð minnisblaðið
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Þórbergur Torfason

Er ekki dálítið glannalegt að tala um heiðursmenn í þessum hópi?

Þórbergur Torfason, 15.10.2007 kl. 23:10

2 Smámynd: Jóhannes Ragnarsson

Má vera Þórbergur, a ég hafi ekki vandað orðavalið nægilega vel.

Jóhannes Ragnarsson, 16.10.2007 kl. 07:44

3 Smámynd: Bjarni Kjartansson

Ekki mundi Bjarni heldur eftir því, að tiltekinn maður skyldi fá að kaupa frekar stóran hlut á tombóluverði.  Mundi ekki eftir því hver orðaði það fyrst, sagði það hafa svona þróast í samtölum manna á milli, það er Hauks hans og Hjörleifs.

Merkilegur fjandi.

Svo er annað sem fnykur er af.  REI og GGE vilja fá aðgang að einokunarstöðu við sölu orku til neytenda.  Segja það gefa traust ,,bakland".  ÞEtta ómar líkt og þegar sumir fengu að kaupa Búnaðarbankann með ,,kjölfestufjárfestum erlendum"  Sá kom síðar í ljós og reyndist vera lítill sparisjóður, sem lét þess ógreint í eignabreytingareikningi sínum, að hafa nokkurntíman eignast svo mikið sem kvint í einhverjum íslenskum banka.

Þá var talað mikið um ,,bakland" í útrás.  Það þekkjum við nú vel, sem greiða þurfum hæstu lögleyfðu (og stundum að virðist ólögleyfðum) vöxtum og viðurlögum, lán tekin á innlendum markaði.

Sporin hræða ,  hræða MJÖG mikið.

Miðb´jaríhaldið

Bjarni Kjartansson, 16.10.2007 kl. 12:19

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband