Leita í fréttum mbl.is

Ráðherra á hjólbörunum skemmtir könum

Síðustu fréttir herma, að frú Ingibjörg Sólrún Gísladóttur, stundum kennd við hjólbörurnar, hafi stormað eins og 970 millibara lægð í Bandaríska sendiráðið í dag og lesið sendiherraafmáninni pistilinn svo duglega að sendiherrann skreið emjandi undir rúm af hræðslu. Sagt er að íslenski utanríkisráðherrann hafi gengið svo langt í snöfurmannlegum málflutningi að hóta bandaríkjamönnum stríði, og það næsta heilögu, ef þeir andskotuðust ekki til að biðja Erlu Lilliendalh, sem og gjörvalla íslensku þjóðina, fyrirgefningar á fasískri framkomu þeirra við Erlu þá hún kom til Bandaríkjanna á dögunum. Óstaðfestar fréttir segja hinsvegar, að frú Ingibjörg Sólrún hafi verið ósköp feimin og undirleit andspænis sendiherranum og muldrað einhverja færeyísku ofan í barminn, sem sendiherrann skildi að sjálfsögðu ekki nema rétt mátulega. Og þegar hinn errilegi utanríkisráðherra var horfinn á braut mun hafa sett mikin hlátur að starfsfólki sendiráðsins og í þeim glaðlega kór hafi bandaríski sendiherrann hlegið lang-hæst, bókstaflega grenjað af kátínu, enda ekki á hverjum degi sem hægrisinnaður kratadindill með ráðherra nafnbót leggur lykkju á leið sína og heimsækir sendiherra óbótaskepnunnar Geogs Dobuljú Bush.


mbl.is Mun krefjast afsökunarbeiðni
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Þórdís Bára Hannesdóttir

Þetta er skreytni.  Hún fer að sjálfsögðu ekki á hans fund.  Hún kallar sendiherrann á sinn fund samkvæmt ritualinu.  Þetta áttu að vita maður.

Þórdís Bára Hannesdóttir, 13.12.2007 kl. 19:31

2 Smámynd: Jóhannes Ragnarsson

Jú, ég tel mig svosem vita hvernig svona hátíðarhöld fara fram samkvæmt ritúalinu. En í þessu tilfelli urðu persónur og fundarstaður að lúta lögmáli verksins sjálfs, þ.e.a.s. pistilsins. Þar af leiðandi varð utanríkisráðherrann að ganga á fund sendiherrans, annað hefði ekki verið við hæfi. 

Jóhannes Ragnarsson, 13.12.2007 kl. 20:32

3 Smámynd: Guðríður G J Chitow

Hvernig væri að fá Hillary í málið hún á svipaðar hjólbörur og Ingibjörg Sólrun.þær gætu hjólað þeim í Bandaríska Sendiráðið með kjálkana lafandi ofan í þeim

Guðríður G J Chitow, 13.12.2007 kl. 21:01

4 Smámynd: Jónína Dúadóttir

Jónína Dúadóttir, 15.12.2007 kl. 09:10

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband