Burt með svikula verkalýðsrekendur

Það er náttúrlega eins og hver annar helber þvættingur í frú Ingibjörgur Errr að Sjálfstæðisflokkur og Samfylking séu ólíkir flokkar því þegar kemur að grundvallaratriðum í pólitík er sama andskotans auðvaldsrassgatið undir báðum.

Það er síðan skýrt merki um úrkynjun og niðurlægingu almennu verkalýðshreyfingarinnar á Íslandi að fyrirbæri eins og áðurnefnd Ingibjörg Errr, sem gerð er út af Sjálfstæðisflokknum, skuli vera varaforseti Alþýðusambands Íslands. Láglaunafólk á enga samleið með fólki eins og frú Errr og þarf nauðsynlega á því að halda að losna úr viðjum slíkra erindreka auðvaldsins. Það gæti gerst með þeim hætti að gerð yrði hallarbylting í Starfsgreinasambandinu og svikulum forystumönnum þess kastað eins og hverju öðru ómeti á haugana. Nafnið ,,Starfsgreinasamband" færi að sjálfsögðu sömu leið og svikararnir, en í stað þess kæmi nafnið ,,Samtök verkafólks á Íslandi." Að svo búnu gengju ,,Samtök verkafólks á Íslandi" úr ASÍ og hösluðu sér völl sem róttæk stéttarbaráttusamtök, sem hefðu aðeins eitt að leiðarljósi: Að berjast með öllum tiltækum ráðum fyrir kjörum verkafólks og hefja verkalýðsstéttinna til þess vegs og þeirrar virðingar sem henni ber. Verkafólk á Íslandi telur um þessar mundir u.þ.b. fimmtíu þúsund manns. Og menn skulu athuga að verkalýðurinn á Íslandi, sem og á alþjóðlega vísu, hefur enn sem komið er engu að týna nema hlekkjunum, en eiga heilan heim að vinna !   

Ólíkir flokkar ríkisstjórnar auka breidd í afstöðunni

Athugasemdir

[Ásthildur Cesil Þórðardóttir, 3.2.2008 kl. 17:04]

Alltof margir forsvarsmenn verkalýðshreyfingarinnar eru makráðir áhugalausit kjötkatlasitjendur af stærstu gráðu.

[Jóhannes Ragnarsson, 3.2.2008 kl. 18:01]

Þar er víst hverju orði sannara, Ásthldur, ég kannast við kvikindin og veit að þau eru ekki á vetur setjandi.

[Jón Ingi Cæsarsson, 3.2.2008 kl. 20:03]

Kjánalegar alhæfingar... þú veist væntalega lítið um starfssemi stéttarfélaga. Þú sér fáeina forsvarsmenn og starfsmenn í fjölmiðlum. Starf verkalýðsfélag byggist á grasrótarstarfi trúnaðarmanna í langflestum tilfellum. Þar koma að starfi fleiri hundruð eða þúsundir sem eru lykilmenn hreyfingarinnar á vinnustöðunum og starfa þar á gólfinu og vita flest á eigin beinu. Cecil...ég hélt satt að segja að þú vissir betur.

[Jóhannes Ragnarsson, 3.2.2008 kl. 21:07]

Það vill þannig til, Jón Ingi, að ég var formaður verkalýðsfélgs í 7 ár og veit því nokkuð um hvað ég er að tala og stend við hvert einasta orð sem stendur í pistlinum hér að ofan. Ég veit t.d. hægrikratadindlar eins og þú, Jón Ingi, og Kristján starfsgreinaformaður hafa verið dragbítar á alla raunverulega verkalýðsbaráttu mörg undanfarin ár. Það er nefnilega auðkenni krataeðlisins að vera auðsveipur og undanlátssamur við auðvaldið, alltaf þega á reynir. Enda er fólk haldið krataeðlinu gjörsamlega hugsjónalaust þegar öllu er á botninn hvolft.