Leita í fréttum mbl.is

Hún á aldrei eftir að bíða þess bætur

fegrófegró1Aumingja blessuð stúlkan að hafa verið valin ungfrú Ísland, hún á aldrei eftir að bíða þess bætur. Nú er svo komið fyrir Alexöndru Helgu, að hún á einskis annars úrkosta en að ganga í klaustur og gjörast nunna ef ekki á illa að fara. Eins og allir þekkja, eru til margar skelfilega sögur af örlögum fegurðardrottninga; oftar en ekki hafa þær orðið ljótum köllum og slúðurblöðum auðveld bráð og staðið uppi að lokum úthrópaðar og mannorðslausar. Hver man t.d. ekki eftir Þórgunnu Vogmey, sem er án nokkurs vafa vörpulegasta og ýturvaxnasta fegurðardrottning sem uppi hefir verið á Norðurlöndum. Hún féll í ónáð slúðurdálkahöfunda, sem fyrir bragðið gerðu slíkan aðsúg að henni, að hún sat uppi um síðir sem alræmd eituræta í sambúð með útlifuðum rokktónlistarmanni sem gengið hafði af göflunum strax um fermingu. Árum saman birstu slúðurdálkahöfðingjarnir myndir í sorpritum sínum af Þórgunnu Vogmey illa klæddri, ásamt texta þar sem gefið var í skyn að hún hefði heldur en ekki verið í annarlegu ástandi þegar myndin var tekin. Meira að segja tókst einum þorparanum að taka mynd af Þórgunnu þar sem hún sat í rólegheitunum á klósettinu heima hjá sér. Þegar myndin birtist í hinu virta tímariti ,,Hér og heyrt" fylgdi með að fegurðardrottningin Þórgunna Vogmey væri búin að þjást í marga mánuði af þrálátum niðurgangi sem stafaði af stjórnlausri koníaksdrykkju hennar og súkkulaðiáti og væri nú svo komið að fegurðardrottningin kæmist með engu móti af bæ nema með þykka bleyju á sér til að taka við ómeltu koníakinu og súkkulaðinu.

Því legg ég til að fegurðardrottningar verði með öllu aflagðar og að huggulegar stúlkur fái hér eftir að vera í friði fyrir ljótum köllum og slúðurdálkahöfundum.  


mbl.is Alexandra Helga valin ungfrú Ísland
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Óskar Arnórsson

...eins satt og það getur orðið. Og svo eru born niður í 10 ára farin að vera með í svona keppnum í USA..slúðurdálka höfundar, blaðamenn og fjölmiðlafólk yfirleitt eru á topp 10 lista yfir  stéttum sem lenda í óreglu og ólifnaði.  Svo marga blaðamenn hef ég haft í meðmerð að ég veit hvernig fundir á ritstórnarskrifstofum ganga fyrir sig og þá tek ég bara dæmi t.d. bara blaðamenn frá "nomal" blöðum ef þau eru þá til....hvað þá slúðurdálkahöfunda..

Óskar Arnórsson, 31.5.2008 kl. 10:15

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband