Leiðinlegri en drukkinn heimdellingur með brókarsótt

Fyrr má nú gagn gera en að falla fram af svölum á níundu hæð og láta lífið. Þetta kom einusinni fyrir fjarskyldan ættingja minn, nema hvað hann húrraði ekki fram af níundu hæð heldur ofan af eldhúskolli sem hann hafði klifrað uppá. Skipti og engum togum, að sá fjarskyldi, sem var leiðinlegri en drukkinn heimdellingur með brókarsótt, rann ófarvandis útaf stólnum, skall með trýnið í gólfið og steinrotaðist. Því miður fór fallið ekki eins illa hjá frænda mínum og fyrirsætunni frá Kazakstan, því að klukkutíma liðnum raknaði afstyrmið úr rotinu og hélt áfram að vera fólki hvimleiður eins og áður en hann féll. Það skal tekið fram, að manntetrið átti ekkert erindi uppá stólinn og gat þar af leiðandi engum um kennt nema sjálfum sér hvernig fór.

Meðfylgjandi mynd var tekin af fjarskylda ættingjanum 5 mínútum eftir að hann raknaði úr rotinu.

	Féll af níundu hæð og lést
Ábyrgðarmaður færslu Tenging við þessa frétt hefur verið rofin vegna kvartana.

Athugasemdir

[Ingibjörg Friðriksdóttir, 30.6.2008 kl. 21:32]

Algjörlega vandræðalaust að sjá svipinn.   En hvar eru heimdellingar með brókarsótt, hélt að þeir væru meira og minna (aðallega minna) náttúrulausir.

[Ingibjörg Friðriksdóttir, 30.6.2008 kl. 21:32]

meinti meira

[Jóhannes Ragnarsson, 30.6.2008 kl. 21:42]

Sko, ég vil ekkert hringl á minni bloggsíðu. Þú verður því að ákveða í eitt skipti fyrir öll hvort heimdellingar eru meira náttúrulausir eða minna náttúrulausir. Ennfremur væri gott að fá trúverðuga útskýringu á hvað ,,meira náttúrulaus" merkir í raun og veru.

[Sigurjón, 30.6.2008 kl. 22:11]

Þetta er fyndið.

[Ingibjörg Friðriksdóttir, 30.6.2008 kl. 22:31]

Fyrirgefið afsakið, ég meina meira náttúrulausir og það þýðir í öllum einfaldleik sínum.  Dj. eymingjar.

[Ingibjörg Friðriksdóttir, 30.6.2008 kl. 22:54]

Sigurjón, þú ert svaka skýrmælur, ég kíkti á bloggið þitt af einskærri forvitni.