Hlífið oss við meira hagfræðisnakki

Það er varla heimsendir þó hagfræðisnuddari með lágþýskt eftirnafn láti einhverja fádæma reginheimsku útúr sér. Ég er mest hissa á hvað fjölmiðlar eru duglegir við að lepja upp í þruglið í hagfræðikjánunum. Ekki vantaði neitt uppá í stuðningi þessara ekki-vísindamanna við fárglæfragönuhlaup frjálshyggjubesefanna sem sett hafa þjóðfélegið á annann endann, ef ekki á hvolf.

Það er sjálfsögð krafa á fjölmiðla, að þeir hlífi landsmönnum við meira hagfræðingasnakki. Eða eins og skáldið sagði: ,,Ráðlegt er að hafa í hakk hagfræðinga og skítapakk."

Höft eða Evrópusambandið

Athugasemdir

[Aliber, 30.11.2008 kl. 17:34]

"Ekki vantaði neitt uppá í stuðningi þessara ekki-vísindamanna við fárglæfragönuhlaup frjálshyggjubesefanna sem sett hafa þjóðfélegið á annann endann, ef ekki á hvolf."

Þetta er einfaldlega rangt hjá þér. Þeir einu sem vöruðu við þróuninni síðustu ár voru einmitt þessir "ekki - vísindamenn" sem þú nefnir svo. Þeir sáu hvað stefna seðlabankans var að gera og þeir vöruðu við skuldsetningu bankanna. Hér ræðir þú um hagfræði af tómri vanþekkingu og ættir að íhuga orð þín betur áður en þú lætur svona fullyrðingar frá þér.

[Jóhannes Ragnarsson, 30.11.2008 kl. 18:07]

Þeir vöruðu hvorki einn né nein við, Alsber minn. Sátu reyndar í ,,greiningardeildum" bankanna og töluðu kjark og fítónsanda fjárglæfrahrossinn. Það var nú allt og sumt.

Hin svokallaða ,,hagfræði" er fyrst og fremst kapítalísk hudalógík sem ekkert á skylt með vísindum. Þess vegna er meir en sjálfsagt, að hafa í hakk hagfræðinga og skítapakk til að fóðra melrakka í búrum, svo og minka sem aldir eru upp til að sníða klæði úr skinnum þeirra fyrir auðvaldskerlingar að spóka sig í.

[Aliber, 30.11.2008 kl. 18:14]

Ég var ekki að ræða um fólk í greiningardeildum. Ég er að tala um menn eins og hann Gylfa sem ritaði m.a. grein árið 2001 (algerlega ný vandamál) þar sem hann varaði nákvæmlega við þessu. Þorvaldur Gylfason hefur einnig varað við þessum hlutum síðustu ár í greinasafni í Fréttablaðinu og fleiri fræðimenn sem starfa í Háskóla Íslands.

Þetta með að hakka niður hagfræðinga til að fóðra melrakka er ekki svaravert og segir meira um þinn innri mann en nokkuð annað.

[Fannar frá Rifi, 30.11.2008 kl. 21:31]

Jói. hefuru ekki fylgst með undanfarið? Fjölmiðlarnir eru núna byrjaðir að lepja upp aftur allt það sem greiningardeildir bankanna segja. við hverju býstu?

maður verður alltaf að spyrja sig. hvaða hagsmuni eru fjölmiðlarnir að gæta? það er bara þannig að þeir gæta alltaf hagsmuna eigenda sinna. hvað vilja eigendurnir og hvað gerður þeir á þessu ári í gegnum önnur fyrirtæki? 

þetta eru spurningarnar. 

[Jóhannes Ragnarsson, 30.11.2008 kl. 22:24]

Rétt hjá þér Fannar minn, það er ekki við öðru að búast en að fjölmiðlanir hagi sér í samræmi við vilja eigenda sinna.