Leita í fréttum mbl.is

Augu manna munu beinast að sósíalistunum í VG

frams.jpgEftir átján ára útlegð úr Stjórnarráði Íslands tókst Steingrími J. Sigfússyni loks, eftir mikinn barning og hjaðningavíg, að koma ráðherrastóli undir gljárakaðann rassinn á sér. Eins og flestum er kunnugt er Steingrímur J. þrautseigur með afbrigðum og hugsjónamaður mikill. Reyndar á karlinn svosem ekki margar hugsjónir. Hann hefur af lítilæti sínu látið sér eina hugsjón nægja fram að þessu, en hún er að hafa einfaldan ráðherrastól, hvað sem það kostar, til að hvíla sína eigin þjóhnappa á. Þegar slík hastarleg ráðherradómsveiki fær að dafna í bland við eðlislæga framsóknarmennsku einnar villuráfandi sálar er ekki við góðu að búast. Af framgöngu Steingríms J. er ekki að sjá að hann hafi nokkurn minnsta áhuga á að rugga kerfinu, sem gömlu stjórnmálaflokkarnir hafa komið sér upp, um of. Auðvaldið á Íslandi getur andað rólega þó að Steingrímur þessi fái að spreyta sig um stund í ríkisstjórnarleik. Það þarf enginn að óttast að þessi hvatvísi framsóknarmaður úr Þistilfirðinum geri áhlaup á ríkjandi valdakerfi og ríkjandi hugsunarhátt innan stjórnsýslunnar. Enda finnst manninum í hæsta máta eðlilegt að alþýðan í landinu greiði reikninginn fyrir misheppnað auðvaldsbrölt dálítils hóps peningageðsjúklinga og drullusokka.

Þegar hinn svokallaði Icesave-samningur verður borinn undir atkvæði á Alþingi á næstunni munu augu manna ekki hvað síst beinast að þeim þingmönnum VG sem taldir eru sósíalistar. Munu sósíalistarnir í VG rísa undir nafnbótinni og standa með alþýðunni í landinu og greiða atkvæði gegn Icesava-forsmáninni, eða munu þeir láta framsóknarmanninn úr Þistilfirðinum kengbeygja sig til hlýðni og greiða atkvæði með samningaafreki Svavars Gestssonar og Steingríms formanns? Því vil ég ekki trúa að óreyndu.

Og að lokum: Er það ekki dálítið undarlegt að helstu ráðamenn og eigendur VG, þeir Steingrímur J. Sigfússon, Hjörleifur Guttormsson og Svavar Gestsson, eru allir sprottnir uppúr jarðvegi Framsóknarflokksins? Hvaða tilgangi ætli það hafi átt og eigi að þjóna hjá íslenskum sósíalistum að burðast áratugum saman með fíleflda, kjaftfora framsóknarmenn í fremstu víglínu hjá sér? 


mbl.is Icesave-ábyrgð úr ríkisstjórn
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Þórdís Bára Hannesdóttir

Mér sýnist greinilegt að sósíalistarnir Ögmundur og Guðfríður Lilja muni skrifa undir og þá er bara sérvitringurinn Atli eftir og málið er í höfn. íslandi til gæfu og gengis.

Þórdís Bára Hannesdóttir, 29.6.2009 kl. 20:26

2 Smámynd: Þórdís Bára Hannesdóttir

Halló frændi.  Já ég er búin að kafa djúpt og vil svo sannarlega fara í ESB enda við komin langleiðina þangað með EES. Já ég kaus Samfylkinguna. Skil ekki ofsahræðslu við það samstarf og ég fagna regluveldi ESB landa frekar en hitt. Nei við gleymum ekki Icesave trúi því að Alþingi beri gæfu til að samþykkja hann sem fyrst svo hægt sé að vinna landið áfram út úr einangrun þeirri sem við gætum lokast inn í. Til gamans má geta þess að ef ég ætti að velja hvers málflutningi ég treysti betur Sigmundar Davíðs eða Gylfa Magnússonar þá er það hins síðarnefnda. Kv Bára

PS. já þetta er spennandi ég held að allir ofantaldir munu skrifa undir.

Þórdís Bára Hannesdóttir, 30.6.2009 kl. 12:06

3 Smámynd: Þórdís Bára Hannesdóttir

Þegar menn starfa í hóp, í VG eða öðrum hópum, flokkum verða þeir að kunna að standa saman þá fæst mest framgengt og annars er hætta á hópurinn splundrist. Stundum vinnur þú og stundum ekki.  Meiri hlutinn ræður. Ekki fullkomið það veit ég vel.

Ég held að þeir sem starfa í fremstu víglínu og lesa viðeigandi gögn um Icesave sjái svart á hvítu að ekki er um annað að ræða en að samþykkja þennan samning. Staða okkar er bara ekki betri en þetta því miður.

Þórdís Bára Hannesdóttir, 1.7.2009 kl. 09:51

4 Smámynd: Þórdís Bára Hannesdóttir

já það er ,,typiskt" vinstri menn geta ekki starfað saman og á því græðir íhaldið endalaust.

Þórdís Bára Hannesdóttir, 2.7.2009 kl. 10:03

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband