Leita í fréttum mbl.is

Frú Swandees leyfir rjúpnamorð - rjúpnavinir munu grípa til vopna

fugl.jpgEkki er annað að sjá en að frú Swandees Sendiherrans ætli að vera býsna stórtennt varðandi rjúpnamorð í haust. Í staðinn fyrir að afvopna þá vesalings ógæfumenn, sem telja sér til sæmdar að ráðast á smáfuglakvikindi af hænsnfuglaætt með skotvopnum, ætlar ráðherrann að ganga í lið með vörgunum og leyfa þeim að fara enn á ný með stríð á hendur rjúpunni. Fyrst svona er í pottinn búið, eru rjúpnavinir nauðbeygðir til að grípa til vopna, sínum fugli til varnar. Mér þykir einsýnt að nú verði háð stríð á heiðum uppi í haust. Það má því búast við að á næstu mánuðum verði ekki einungis veiddar rjúpur með bysshólkum á afviknum stöðum heldur og verði rjúpnaveiðimenn einnig jagaðir á sama hátt. Það verður allavega nógu andskoti gaman að fá fréttir af því þegar slóttugir rjúpnamorðingar kasta frá sér vopnum sínum og flýja stjórnlaust og hágrenjandi og með blautan botninn útí buskann með kúlnaregnið úr vopnum rjúpnavina á eftir sér. 
mbl.is Breytingar gerðar á veiðitímabili
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Hæhæ,

Þetta snýst um meira en bara að drepa elsku vinnur minn.

Siðareglur Skotvís

Félagar í Skotveiðifélagi Íslands eru samþykkir eftirfarandi skilgreiningu á skotveiðum sem útilífsíþrótt.

Skotveiðimaður stundar veiði á villibráð sér til ánægju og heilsubótar. Hann virðir landslög og vegna byssunnar ber hann sérstaka ábyrgð gagnvart samborgurum sínum og lífríki landsins í heild. Þess vegna temur hann sér eftirfarandi siðareglur.

Skotveiðimaður:
  • 1. Eykur stöðugt þekkingu sína á skotveiðum. Hér er m.a. átt við:
    • lög og reglur um veiðar
    • bráðina og lifnaðarhætti hennar
    • útlit og útbreiðslu friðaðra fugla
    • verndun veiðidýrastofna og skynsamlega nýtingu þeirra
    • eiginleika veiðivopna og skotfæra og annmarka þeirra.
  • 2. Æfir skotfimi.
    • Skotveiðimaður þarfnast stöðugrar æfingar hvort heldur hann ætlar að skjóta kyrrstæða bráð eða fugl á flugi.
      • Notaðu hvert tækifæri til markæfinga bæði á kyrrstæð mörk og leirdúfum.
      • Leggðu sérstaka áherslu á að þjálfa fjarlægðaskyn þitt.
  • 3. Gætir fyllsta öryggis í meðferð skotvopna.
    • Ávallt skal meðhöndla skotvopn sem hlaðið væri.
      • - Beindu aldrei hlaupinu að neinum.
      • - Notaðu aldrei byssuna sem barefli eða göngustaf.
      • - Leggðu aldrei byssuna þannig að hún geti dottið.
      • - Geymdu byssu og skotfæri tryggilega.
    • Byssu skal ekki hlaða fyrr en veiðimaður er reiðubúinn að skjóta. taktu skotin úr byssunni þegar:
      • - þú ferð inn í bíl eða annað faratæki.
      • - þú færir þig að ráði um set.
      • - þú átt leið um hálku.
      • - þú ferð yfir girðingar eða torleiði.
      • - þú leggur byssuna frá þér.
    • Gengið skal úr skugga um að ekkert beri á þegar miðað er og skotið á bráðina.
      • -Gáðu að veiðifélögunum.
      • -Gættu þess að fólk, búpeningur og faratæki, hús eða önnur mannvirki séu ekki í hættu fyrir skotinu.
      • -Gættu þess að skotið getur hrokkið af grjóti, frosnum sverði eða vatnsfleti.
      • -Sé þess kostur hagaðu svo til að bráðin beri í holt eða hæð, sem tekur geti við skotinu ef það stöðvast ekki í bráðinni
    • Veiðimaður losar ekki öryggi af byssu og skýtur fyrr en hann hefur fullvissað sig um að skotmarkið sé það sem hann ætlar að skjóta á.
    • Veiðimaður skal ekki snerta byssu ef hann er undir áhrifum áfengis eða annarra vímugjafa.
  • 4. Beitir ekki veiðiaðferðum sem veitir bráðinni óþarfa kvölum.
    • a) Skot á að deyða bráðina á augabragði. Til þess að komast hjá því að særa dýr skaltu gæta þess að:
      • skjóta ekki af of löngu færi
      • ekkert beri milli þín og bráðarinnar
      • skjóta ekki nema yfirgnæfandi líkur séu að því að hitta vel.
    • Sært veiðidýr skal aflífa hið skjótasta. Finnist dýrir ekki á skotastað skal einskis látið ófreistað að leita það uppi.
  • 5. Telur fjölda veiddra dýra ekki mælikvarða á góðan veiðimann, eða vel heppnaðan veiðidag.
    • Góður veiðimaður stærir sig ekki af feng sínum og keppir ekki við aðra um fjölda veiddra dýra.
    • Þá er veiðidagur góður þegar hóflega er veitt, með talsverðri líkamlegri áreynslu, vakandi náttúruskyni og sært dýr liggur ekki eftir að kveldi.
  • 6. Fer vel með veiðibráð.
    • Farðu vel með feng þinn og spilltu honum ekki
    • Vandaðu aðgerð og tilreiðslu bráðar.
  • 7. Færir veiðibækur af kostgæfni og tekur virkan þátt í verndun veiðidýra.
    • Færa ber veiðibækur og halda þeim til haga. Veiðiskýrslur eru þýðingarmikil gögn við rannsóknir á veiðidýrum.
    • Veiðimaður ætti að leggja sitt af mörkum í baráttu gegn brotum á veiðilöggjöfinni.
  • 8. Er góður veiðifélagi.
    • Góður veiðifélagi skýtur ekki þegar félagi hans á von á betra færi.
    • Góður veiðimaður hjápar félaga sínum að sækja feng og leita uppi særða bráð.
  • 9. Sýnir öðrum veiðimönnum háttvísi.
    • Er fús að veita upplýsingar um veiðarnar, sem gætu orðið þeim að gagni.
    • Hefur samráð við þá um nýtingu veiðisvæðisins.
  • 10. Virðir rétt landeiganda.
    • Veiðimaður leita heimildar landeiganda til veiða og ráðfærir sig við hann.
    • Veiðimaður fer með gát um ræktuð lönd, skemmir ekki girðingar og lokar hliðum á eftir sér.
  • 11. Sýnir almenningi tillitssemi.
    • Hafa ber í huga að margur er lítt hrifinn af skotveiðum og fellur illa að sjá dauð dýr.
      • Veiddu því ekki nærri fjölförnum vegum eða í grennd við mannabústaði.
      • Vertu vingjarnlegur við þá sem þú hittir í veiðiferðum.
      • Forðast að flytja feng þannig að til ama geti orðið fyrir aðra.
  • 12. Gengur vel um landið.
    • Góður veiðimaður gerir greinarmun á bráð og öðrum dýrum þótt skjóta megi. Bráð er veidd, vargi er eytt, en önnur dýr látin í friði.
    • Veiðimaður spillir hvergi landi. Þess gætir hann við akstur, í tjaldstað og við meðferð elds.
    • Góður veiðimaður skilur ekki annað eftir sig en sporin sín.

Hjörtur Hjartarson (IP-tala skráð) 16.9.2009 kl. 16:21

2 Smámynd: Guðjón Sigþór Jensson

Í þessar veiðireglur vantar tilfinnanlega það sem sérstaklega er tekið fram í lögunum um veiðar villtra dýra: Ekki er heimilt að elta bráðina uppi á vélknúnu farartæki.

Þá mættu rjúpnaveiðimenn safna birkifræi og hafa með sér út í náttúruna og dreifa þar. Með því er verið að skila einhverju aftur til náttúrunnar en ekki aðeins að taka.

Sjá nánar í færslu minni um sömu frétt:

http://mosi.blog.is/blog/mosi/entry/949351/

Mosi

Guðjón Sigþór Jensson, 16.9.2009 kl. 16:31

3 Smámynd: Fannar frá Rifi

Guðjón.

nú eða bara planta nokkrum birkitrjám svo að nóg sé til fyrir Rjúpuna fyrir komandi vetur. 

Fannar frá Rifi, 16.9.2009 kl. 16:40

4 identicon

Hjörtur Hjartarson.

Hver er ánægjan af því að drepa smáfugla með haglabyssu.

Maður kemst í 10 metra færi við þessi grey, þannig að þau eiga enga von.

Þvílík ánægja hlýtur að vera af svona JÖFNUM leik.

Sveinn Elías Hansson (IP-tala skráð) 16.9.2009 kl. 23:52

5 identicon

Sæll Sveinn,

Ég er svona á báðum áttum hvort ég eigi að svara þessu því að ég er hræddur um að það verður bara snúið út úr öllu því sem ég hef að segja.
en ég vill samt segja að ég virði skoðun ykkar sem eru ekki hlynntir veiðum.

Já, mér finnst í lagi að skjóta rjúpu með haglabyssu á 10m - 30m færi þá er ég öruggur um að aflífa bráðina strax.

Ég hef ánægju á veiðum og ég hef ánægju af því að matreiða bráðina.
Ég hef oftar farið í veiðiferðir og ekkert veit, samt er ég ánægður af ferðinni, en viðurkenni að mér finnst gaman að veiða í ferðinni.
T.d. Dæmis eyddi ég heilum degi í að skanna Eystri Rangá á sunnudaginn frá kl 08.30 til ca 22.00 án þess að hafa komið með 1 stk fisk heim, samt var þetta mjög skemmtileg ferð enda orðin sérfróður um Eystri Rangá í dag.
 
Mig langar samt að spyrja þig hvort þér finnst í lagi að borða kjöt? og hvort þér finnist jafn leikur að leiða dýr til slátrunar?
Ég bara spyr?

kv,
Hjörtur  

Hjörtur Hjartarson (IP-tala skráð) 17.9.2009 kl. 09:30

6 identicon

Hjörtur.

Hver finnst þér að eigi að borga allar leitirnar að rjúpnaskyttunum?

Já það er í lagi að eta ket.

Það þarf að ala upp dýr til manneldis, en það er engin þörf á því að útrýma rjúpnastofninum.

Sveinn Elías Hansson (IP-tala skráð) 17.9.2009 kl. 19:40

7 identicon

Ok.. Það er einginn að fara að útrýma rjúpnastofninum hvað þá einhverjum öðrum stofni..
Ef eitthvað er þá viljum við sjá hann stækka áfram svo að við getum veit úr honum áfram.

En ég skil núna að þú ert bara að leika þér að því að reyna valta einhverjum usla. Þú hefur greinilega ekki skoðað þetta að neinu viti eða bara hefur ekki áhuga á því kynna þér þetta.

11.000 mans endurnýja veiðikortið árlega þó svo að þeir nýtti ekki endilega rétt sinn til að veiða. Það kostar 3.590 kr. ef þú gerir það innan ákveðins tíma annars kostar það 5.090 kr. Sem þíðir að þeir sem stunda veiðar eru að borga í minstalægi 39.490.000 kr. til Umhverfistofnunar og þá er ég ekki að telja með gjald til veiðar á hreindýrum.

Samtals úthlutanir úr veiðikortasjóði frá upphafi 1995-2008 eru 163.812.192 af þessari upphæð fór 90.100.000 í Rjúpnaranasóknir í þessum rannsóknum er meðal annars skoðað veiðiþol á rjúpu og ef að þeim bara grunar að fari að fækka í rjúpna stofninum þá friða þeir rjúpuna strax án þess að spyrja kóng né prest, en eins og staðan er í dag þá er hann að stækka.

Aðrar úthlutanir:

Sníkjudýr í rjúpu
Endur og gæsir
Vöktun refastofnsins
Ranns. á ferðum melr. á 1. vetri
Ranns. á ísl. villiminnkum
Áhrif neta á fugla dauða
Fuglar og raflínur
Áhrif veiða á hrafnastofninn
Ath. viðkomu og afföllum hjá grágæsum
Vortalningar á gæsum og álftum á Héraði
Áhrif veiða á lundast. á afm.sv. og veiðiþol
Félagskerfi gráanda og vetrarlagi
Stofnbr. dílskarfs og orsakir þeira
Hreindýrarannsóknir
Staðs. refagrenja á Hornstr. með GPS
Skotvís-námsefni
Veiðistjóri-könnun á áraðanl. veiðitala
Hófleg veiði á rjúpu - Hvatningarátak
Aldursgreiningar grágæsa
Íslenski sjófuglastofnar
Sæsnka rjúpnaskýrslan - Tomas Willebr.
Aldursgr. gæsa með fjöður úr dvervæng

Frá því veiðikortakerfið var stofnað 1995 hafa safnast saman miklar upplýsingar frá veiðimönnum um veiðar og stöðugt bætist í. Þessar upplýsingar eru afar mikilvægar fyrir fræðimenn og er notaðar í rannsóknum bæði hér og erlendis.

Og þú ert að tala um það hver eigi að borga fyrir allar leitirnar að rjúpnaskyttum. Ég er ansi hræddur um að rjúpnaskyttur séu í minni hluta yfir þeim sem að björgunarsveitin þarf að finna.
þér væri nær að spyrja hver á að borga fyrir allar leitirnar af öllum túristunum sem að týnast?

Ekki hef ég týnst og þurft á björgunar sveitini til að bjarga mér, af hverju ættu skattpeningarnir mínir að borga fyrir það að einhver sem ég þekki ekki týnist? 

Þú gætir alveg eins spurt hver á að borga fyrir Ice-Save ekki er ég með eitthvað risa erlent lán sem er að sökkva mér af hverju á ég þá að þurfa að sjá lánin mín hækka? eða að borga hærra vöruverð? eða borga einhvern auka sykurskatt, en þá erum við komnir út í vitleysu sem er ekki þess virði að fara út í.

Þegar á botninum er hvolft þá borgum við öll fyrir þessa þjónustu þó svo að við óskum þess að við þurfum aldrei að nota hana.

Hafðu ekkert fyrir því að svara mér hér því þetta er síðasta innleggið mitt hér og mun ég ekki athuga hvort þú hafir svarað mér. En ef þó vilt ræða þetta áfram þá geturðu sent mér mail á
mr.hjortur@gmail.com

mbk,
Hjörtur

Hjörtur Hjartarson (IP-tala skráð) 17.9.2009 kl. 22:30

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband