Loksins, loksins stórglæsilegar skattabreytingar í réttlætisátt

Loksins er komið að því að skattakerfinu verði breytt í réttlætis- og jöfnunarátt með þriggja þrepa skattkerfi. Það er óhætt að óska ríkisstjórninni og þjóðinni til hamingju með þennan mikilvæga áfanga, eftir hart nær tuttugu ára samfellda hraða þróun í átt til aukins ójöfnuðar og ómanneskjulegra þjóðfélags undir einbeittri harð- og ógarstjórn Sjálfstæðisflokksins.

Ég vona, að ríkisstjórnin láti ekki staðar numið við svo búið, heldur hadi ótrauð áfram að vinna að réttlæti, jöfnuði og heiðarleika. Ég sé fyrir mér, ásamt mörgu öðru, að næst verði hið sjandsamlega og subbulega kvótakerfi í sjávarútvegi leitt á höggstokkinn og hausinn látinn fjúka af því!

Hefði ég tvær flaggstangir á lóðinni hjá mér myndi ég draga Íslenska fánann í fulla stöng á annarri, en þann rauða á hinni. 

Þriggja þrepa skattkerfi

Athugasemdir

[Óskar Helgi Helgason (IP-tala skráð) 18.11.2009 kl. 16:50]

Heill og sæll Jóhannes; æfinlega !

Þarna; hygg ég, að þú farir villur vegar, að nokkru, Jóhannes minn.

Ætli Þistilfirzki bjálfinn; hefði ekki getað sparað landsmönnum 16 Milljarðana, sem hann gaukaði að vinum sínum, í Sjóvá-Almennum, í sumar - eftir fasteigna brask þeirra, austur í Makaó, á Kína strönd, til eins dæmis, að taka - fjölmargra ?

Ekkert; ekkert, réttlætir skemmdaverk þeirra Jóhönnu, hvar; þau eru beint framhald, helvítis Haarde klíkunnar - og þeirra, þar áður, ágæti drengur.

Nú; ætti tími vopnaviðskiptanna, að renna upp á Íslandi, til höfuðs embættismmanna- og stjórnmála hyskinu, Ennis byggjari góður.

Með; fremur þungum kveðjum þjóðernissinna, af gömlum skóla, úr Árnesþingi - en,...... hinum beztu til þín, ávallt, Jóhannes minn, persónulega !

Óskar Helgi Helgason 

[Jóhannes Ragnarsson, 18.11.2009 kl. 16:56]

Eigum ekki að vona, Óskar, að þau séu a.m.k. að einhverju leiti að hverfa frá villu síns vegar.

[Óskar Helgi Helgason (IP-tala skráð) 18.11.2009 kl. 17:06]

Heill; á ný, Jóhannes !

Nei ! Þau eru einungis, að auka á vanda lág stéttarinnar - en hygla gæðinga stóðinu, í efri þrepunum.

Svo; er þetta ekki allt. Stóraukinn kostnaður láglauna fólks, hvað varðar heimils rekstur allan, hvað þá - að gera út ódýra bíldruslu, svo eitt dæmi enn, sé tekið - auk húshitunar kostnaðar, jafnt; á köldum svæðum - sem og, í helvítis mollunni, hér í Hveragerði, Jóhannes minn.

Svo; eiga eftir að koma enn meiri hækkanir, á þá sem minna mega sín, í alls konar formi öðru - sjáðu til.

ALLT; Í ÞÁGU VINA ÞEIRRA JS OG SJS, TIL ÞESS AÐ HAFA GÆÐINGA SKRATTANA GÓÐA !

Þetta er; gamalkunnur veruleikinn, í íslenzku samfélagi, gamli góði vinur !!!

Með; kveðjum góðum, sem þeim fyrri /

Óskar Helgi Helgason     

[Arnar Geir Kárason (IP-tala skráð) 18.11.2009 kl. 19:22]

Ég ætla rétt að vona að þú sért að djóka með þetta.

Hvar er réttlætið í því að maður með hærri laun borgi meira til samfélagsins en aðrir ?

Ef "jafnrétti" ætti að ríkja ætti að reikna hvað rekstur hins opinbera kostar á ári hverju á hvert mannsbarn og skattur að vera lagður á fólk eftir því.

Maður sem er með 300 þús í laun sem telst meðal laun í dag borgar um 300 þús á ári í skatt.  Maður með 1 milljón á mánuði borgar meira en 300 þús á mánuði í skatt hvar er jafnræðið í því ?

Þetta jafnræðisbull er rekið af fólki sem á ekki skít fyrir boruna á sér og ætlast til þess að aðrir vinni fyrir sig.

[Jóhannes Ragnarsson, 18.11.2009 kl. 19:45]

Það er almenn skoðun siðaðra manna, Arnar Geir, að fólk eigi að borga til samfélagsins eftir efnum og ástæðum.

Þegar ég heyri menn tala um einhverja sem ætlast til þess að aðrir vinni fyrir sig, verður mér einlægt hugsað til þeirra ólánskvikinda sem lifa af því að arðræna verkafólk, kapítalistana sem auk þess að arðræna fólk beita öllum tiltækum ráðum, löglegum og ólöglegum, til að svíkja eins mikið undan skatti og þeir geta og heimta auk þess fá alla þá þjónustu sem í boði er hjá ríki og bæ.

[Arnar Geir Kárason (IP-tala skráð) 18.11.2009 kl. 20:29]

Jóhannes ég held að þú sért að láta stóran hóp fjármagnseigenda líða fyrir misgjörðir örfárra manna.  Ef þetta er sú hugmynd sem þú hefur um íslenska fjármagns og fyrirtækja eigendur.

[Bjarki Á, 18.11.2009 kl. 23:53]

Sem sé allir eiga að hafa það jafn skítt. Ef þú vinnur þig upp í þá stöðu að fá góð laun þá mun Jóhanna og Steingrímur passa að þú fáir ekki of mikið útborgað. Því það væri hræðilegt að maður með sæmileg laun ætti stærra hús og flottari bíl en hinir.

[Sigurður Haraldsson, 19.11.2009 kl. 00:33]

Firr má nú rota en dauðrota að þurfa að eiga flest af því sem talið er hér upp:  Hús,sumarhús,bíla,sleða og kerru,mótorhjól,golfsett,fjórhjól,bát,geymsluhús og skreppa að minnstakosti tvisvar til útlanda svo eitthvað sé nefnt þá má stoppa aðeins við og hugsa um ný gildi. Það er mjög réttlátt að hálaunamenn og stóreignafólk borgi meira en það hefur gert í tíð sjálfstæðisflokksins. Bilið á milli ríkra og fátækra hefur stóraukist á íslandi seinni ár það vita allir sem eru í takt við landann.

[Sigurður Haraldsson, 19.11.2009 kl. 00:34]

Til útlanda á ári.