Blessaður unginn með sprunginn punginn

Það verður ljóta andskotans uppákoman, ef félagi Ólafur Ragnar lætur slag standa og harðneitar að skrifa undir Icesaveguðspjall Jóhönnu og hans Steingríms okkar hérna frá Gunnarsstöðum í Þistilfirði (ekki á Langanesi). Ef það gerist mun ríkisstjórnin líkjast manni þeim er stökk útum glugga af annarri hæð og lenti klofvega á grindverki fyir neðan. Á þeim manni sprakk pungurinn í tættlur og öll hans fjöruga náttúra fjaraði út á sömu stundu. Eftir slysið var heldur ekki sjón að sjá manngarminn því ekki tókst með nokkru móti að rétta úr honum og mátti hann eftir það skjögra um í keng uppá einar 60-65 gráður. Þessi maður gat ekki afborið ástand sitt til lengdar og drekkti sér á hörmulegan hátt og við illan leik í baðkarinu heima hjá sér.

Ég get ekki með nokkru móti ímyndað mér, að félagi Ólafur Ragnar, eftirlæti Sjálfstæðisflokksins, vilji hafa það á samviskunni, að eins fari fyrir hreinræktuðu vinstrisjórninni og manninum stökk útum gluggann á annarri hæð. Enda ku karlinn nú þegar vera farinn að brýna penna sína og blýanta til að geta klórað sitt virðulega nafn undir Icesaveguðspjallið til að forða stórslysi og allir verði  ánæggðir.

Áskorun afhent í fyrramálið

Athugasemdir

[Jóhann Elíasson, 1.1.2010 kl. 22:50]

Gunnarsstaðir eru EKKI á Langanesi, heldur í Þistilfirði.  Langnesinga sem hafa einhverja sómatilfinningu eru ekki til í að taka HVAÐ sem er á sig. ÞAÐ ERU TAKMÖRK FYRIR ÖLLU.

[Jóhannes Ragnarsson, 1.1.2010 kl. 23:42]

Ég bið sómakæra Langnesinga afsökunnar á að bendla þá á óvirðurkvæmilegan hátt við Steingrím J. þó mjótt sé á mununum að Gunnarsstaðir séu á Langanesi.

En hvernig er það, vill enginn kannast við Steingrím lengur? Má búast við að Þistilfiringar afneiti honum líka?

[Jóhann Elíasson, 1.1.2010 kl. 23:51]

Þistilfirðingar GÆTU ekki afneitað honum þótt FEGNIR vildu.  En það er svosem rétt hjá þér að Þistilfjörður er ekki langt frá Langanesi eins og Kópavogur er ekki langt frá Reykjavík og ég veit ekki um neinn Kópavogsbúa sem vill láta kalla sig Reykvíking.

[Jóhannes Ragnarsson, 2.1.2010 kl. 00:00]

Og ekki viljum við Ólsarar láta kalla okkur Sandara, svo mikið er víst, og enn síður ,,Snæfellsbæinga." Þessháttar ósómi myndi flokkast undir guðlast hér á bæ.

[Valsól (IP-tala skráð) 2.1.2010 kl. 11:33]

Egill Helga gerði smá könnun og tók út hundrað nöfn og 19 þeirra reyndust einstaklingar fæddir á árunum 2004-2008. ,,Í þessum hópi er talsvert af unglingum sem vantar ekki mikið upp á að verða kjörgengir, en líka börn – þeir yngstu á listanum eru fæddir 2004, 2005, 2007 og tveir sem eru fæddir 2008, og strax komnir í tölvuna".

[Jóhannes Ragnarsson, 2.1.2010 kl. 12:41]

Vertu nú ekki að taka Egil Helgason alvarlega, Valsól, hann gæti allt eins verið að ljúga þessu upp. Hann er líklega hættur að bleyta smjörið, auminginn svorni, og farið að slá útí fyrir honum. Það fer iðulega svona fyrir mönnum  sem leggjast í kör í 101.