Leita í fréttum mbl.is

Bloggfærslur mánaðarins, mars 2016

Megi sá er öll ræður ...

hannez5_897707.jpgÞeir eru víða ,,dauðalistarnir" atarna. Illa myndi mér bregða í brún ef ég kæmist að því með óyggjandi hætti að þessháttar listar hafi aldrei verið um hönd hafðir í bankakerfinu okkar, fyrr eða síðar. Og dauðalistar eru líka brúkaðir í öðrum valdablokkum en bönkunum, en vissulega er innangengt milli margra þessara valdablokka og bankanna. Innan stjórnmálaflokkanna tíðkast dauðalistar sem beinast bæði að flokksfélögum og pólitískum andstæðingum; innan LÍÚ-klíkunnar og víðar í heimi auðvaldssorans eru dauðalistar sem miða að útilokun og skoðannakúgun.

Ekki kæmi mér heldur á óvart þótt Steingrímur þekki einhverja dauðalista og hafi jafnvel samið einhverja slíka sjálfur með fólki sem er álíka spillt í hugsunahætti og hann sjálfur. Og Vigdís blessunin Hauksdóttir hefir oftar en ekki kastað uppúr sér lítt duldum dylgjum og hótunum í garð fólks og stofnanna líkt því sem hún læsi þær upp af ósýnilegum dauðalista, en slíkir listar eru oftast nær ósýnilegir.

Í spjalli Steingríms og Vigdísar í kvöld kom nokkuð berlega fram að Vigdís kann tæplega skil á því sem hún var að burðast við að snakka um. Og yfirleitt er málflutningur hennar ruglingslegur og ómerkilegur, laus við háleitar hugsjónir, mannvit og annað sem ætti að prýða hvern þann sem kosinn er til setu á Alþingi. Megi sá er öllu ræður losa okkur við allar vigdísirnar af báðum kynjum sem slysast hafa fyrir kaldhæðni örlaganna inná löggjafarsamkundu þjóðarinnar. 


mbl.is „Bara yfirgengileg þvæla“
Tilkynna um óviðeigandi tengingu við frétt

Andstyggilegur hugsunarháttur

xd9_1241092.jpgHann er mikill grínari í de la Johnsenstíl hann Elliði litli bæjarstjóri í Eyjum og lætur eins og að eiga eignir í skattaskjólum erlendis sé svipað og að eiga aura inni á bók í íslenskum banka í Vestmannaeyjum. En svona er nú víst hugsunarháttur þeirra sem helgað líf sitt péníngum, péníngagróða, ójafnaðarhyggju og yfirgangi af peníngageðveikistoga. ,,Við sjálfstæðismenn eigum allt og megum allt" er kjörorð dólga af þessu kalíberi.

Hinsvegar má ljóst vera að þjóðin er búin að fá sig fullsadda af traktéringum flokkanna sem kenna sig við sjálfstæði og framsókn og fjölgar þeim röddum ört sem vilja banna þessi samtök með lögum. Að sjálfsögðu á að banna þessi fyrirbæri og reka helstu máttarstólpa þeirra til Jómfrúreyja, því þar telja þessir labbakútar, sem lifa mestan part á arðráni, péníngum sínum best borgið.

Og þó að bæjarstjórinn í Vestmanneyjum telji sig allmikinn mann og urri og gelti eins og tannlaus hvolpur þegar hann heldur að forréttindum auðvaldslýðsins sé ógnað, þá er hætt við að um hann kunni að fara ef hin margslungnu auðvaldssamtök, sem hann sjálfur tilheyrir, verða slegin af. En það getur svo sem auðveldlega gerst - og mun gerast.


mbl.is Elliði játar eignahald á „suðrænni eyju“
Tilkynna um óviðeigandi tengingu við frétt

Hefur engu að tapa nema hlekkjunum

au_vald_1061447.jpgAð mati gömlu Framsóknarmaddömunnar er núverandi ráðsmaður hennar ósköp heiðarlegur og virðingarverður strákangi af góðum ættum og vel giftur. Sú galma er sem sé þeirrar skoðunnar að annað eins metfé hafi ekki skolað uppá strandlengju framsóknarfjóshaugsinns síðan Halldór og Finn rak þar á land. Svo er faðir piltsins einstaklega ötull forstandsmaður, útsjónarsamur og ráðagóður, enda kenndur við Kögun frá því hann sat á þingi fyrir Maddömuna. Það má með sanni segja, að margann stórrekann hafi borið að landi hlandfora Framsókanarmaddömunnar.

Og nú er tækifæri til að ræða árangurinn segir segir Sigmundur Dávíð og á vafalaust við þann árangur sem hann og hinir auðvaldsþorpararnir í ríkisstjórninni hafa náð í vaxandi stéttaskiptingu og áframhaldandi eyðileggingu samfélagsins, sem þessir óvitar aðhyllast í gráðugri fávísi sinni. En því miður fyrir framsóknartittinn, þá fjallar umræðan ekki um herferð hans gegn samfélaginu almennt, heldur um brigður sem bornar eru á afmarkaðann þátt sem varða heilindi forsætisráðherrans og fleiri stjórnmálafúskara.

Í raun og veru skiptir aungvu máli hverju undanrennuslektinu í stjórnarandstöðunni og talsmönnum peningageðveikinnar í ríkisstjórninni dettur í hug að þrefa um í fjölmiðlum og á Alþingi. Það eina sem skiptir máli er að fólkið í landinu, alþýðan, komist að því að hið eina raunhæfa í stöðunni og jafnframt það langviturlegasta er að steypa auðvaldsskipulaginu fyrir ætternisstapa og færa þjóðfélagsgerðina á einarðan og öruggan hátt í átt að raunverulegum sósíalisma. Almenningur hefur engu að tapa nema hlekkjunum við að losa sig við auðvaldsskipulagið og hvimleiða ráðamenn þess. 


mbl.is Tækifæri til að ræða árangurinn
Tilkynna um óviðeigandi tengingu við frétt

Sköpunarverkið sem varð að óhrjálegum bastarði í höndum andlegra kroppinbaka

vg7Hver hefði trúað því þegar Vinstrihreyfingin grænt framboð var stofnuð að 15 árum síðar væri sá flokkur orðinn svo úrkynjaður, útþynntur og útflattur sem raun ber vitni og búinn að setja litlaust skraut útí stofuglugga sem það kallar formann. Við sem héldum að VG myndi verða alvöru róttækur vinstriflokku, með öðrum orðum flokkur róttækra sósíalista, höfum mátt éta allar slíkar væntingar ofaní okkur og viðurkenna að VG lenti í klónum á sérlega óheiðarlegu og siðlausu fólki sem gerði þennan flokk vonarinnar að óhrjálegum bastarði, stjórnmálalegum krypplingi sem vinnur blygðunarlaust gegn þeim hugsjónum sem við ætluðumst til að hann berðist fyrir.

xvgqxmk.jpgOg þegar litla sæta litlausa gluggaskrautið kemur fram fyrir þjóðina fyrir hönd eigenda sinna, þeirra Steingríms, Álfheiðar og Svavarsfjölskyldunnar, - já og Ögmundar því ekki má gleyma garminum Katli, og leggur til þingrof og kosningar þá fer manni ósjálfrátt að líða eins og manni sem einhver undirmálsbesefi er a reyna að gera narr í. Yngra fólk kallar þessa tilfinningu aulahroll, sem er þokkalegt orð yfir fyrirbrigðið í þeim skilningi að fólk eins og til dæmis gluggaskrautið og eigendur þess vekja fólki hroll með því að tala til þeiss eins og það sé samsafn af aulum, jafnvel hlandaulum.

flokkseigendur_786424Einhverju sinni átti merkur læknir að hafa sagt við málglaða frú sem kom á stofuna til hans: Það vildi ég að ég mætti segja yður að halda kjafti. Á sama hátt langar mig á kurteislegan hátt að segja loddaraslektinu sem skipar framvarðarsveit VG að halda kjafti, skammast sín og skríða inní músarholu auðvaldsins þar sem hún á sín óðul.


mbl.is „Tökum þá bara á orðinu“
Tilkynna um óviðeigandi tengingu við frétt

Þetta gáfaða og göfuga fólk

xb1.jpgDásamleg eru þau húskarlarnir og griðkonurnar í Fjósi gömlu Framsóknarmaddömunnar sem samanlagt kalla sig þingflokk Framsóknarflokksins. Nú vill þetta gáfaða og göfuga fólk aflétta leynd af gögnum sem varða kröfuhafa bankanna, sem hrundu hér um árið ekki síst fyrir tilverknað úrvalssveitar Framsóknar. Ástæðan fyrir þessum vilja agenta Framsóknarmaddömunnar er að á þeim tíma sem leynigögnin urðu til var Framsóknarflokkurinn ekki í ríkisstjórn og á að vera svar þeirra við gagnrýni í þjóðfélaginu á Sigmund yfirhúskarl og fjósameistara Davíð, son Gunnlaugs okkar hérna í Kögun.

Hinsvegar vill framsóknarfénaðurinn ekki heyra minnst á að einkavæðingin fræga á ríkisbönkunum uppúr síðustu aldamótum verði svo mikið sem skoðuð, hvað þá rannsökuð. Það er af því að þá var Framsóknarflokkurinn í ríkisstjórn og í þeirri einkavæðingu, eins og svo mörgum öðrum, voru leppar og snatar gömlu Framsóknarmaddömunnar síður en svo sárhentir þegar þeir voru að krafla til sín gjafirnar sem þeir gáfu sjálfum sér af verðmætum í eigum almennings.

Til að kóróna framsóknarhræsni framsóknargægsnanna er hlaupakálfurinn úr Dölunum látinn kynna afléttingarþátt leyndarinnar. Sá kyndugi sveinstauli þóttist vera svo ofboðslega róttækur sosialist og kommúnist alveg fram að því augnabliki að hann varð framsóknarmaður. Það var auðvitað afar heiðarlegt og framúrskarandi gáfulegt af garminum að haga málum sínum þannig enda smellpassar karaktergreind drengsins við skítugasta fjósakarlinn í Framsóknarfjósinu. Það er reyndar ekki þar með sagt að þessum ógæfusama unglingi hafi verið það ofgott að ganga í félag með glæpamönnum og gerast innanbúðarmaður í bófaflokki þeirra.

 


mbl.is Vilja aflétta leyndinni
Tilkynna um óviðeigandi tengingu við frétt

Landklöppin

kolb3.jpgÞað tekur auðvitað á þegar verið er að brjóta sjálfa landklöpp Reykjavíkur, landklöppina sem borgin stendur á. Ef landklöppinni væri á einu augabragði kippt undan Reykjavík myndi 101 og nágrenni sökkva og aldrei nást upp afur. Þannig er nú það. En að vera að rexa og röfla útaf smá-banki í landklöppina er svo hallærislegt að engu tali tekur; það voru meiri skruðningar og ófriður í þessu punkti heimsins þegar Bjössi í Klöpp var uppá sitt besta og trampaði um götur miðbæjarins eins og hófaljón með skaflajárn á öllum. En fólk í dag er orðið svo vælið og skoðannalaust að til stórhörmungar má telja. Og þetta með titringinn hélt ég að kæmi öllum til góða fyrir nú utan að verslunarfólk hefir ekki nema gott af því að brúka heyrnarhlífar.

Um páskahelgina bar það til tíðenda, að Frans Mongóli heiðrað frú Ingveldi og Kolbein með því að heimsækja þau að heimili þeirra. Að vísu var Mongólinn drukkinn sem endranær, kvensamur og herskár. En sem betur fer fór þokkapilturinn Frans nokkrar villur vega þegar rafmagnstaflan í húsinu brann yfir og ljósin slökknuðu, því að í stað þess að fara undir fötin hjá frú Ingveldi, eins og hugur hans stóð til, lenti hann í misgripum á Brynjari Vondulykt og blátt áfram nauðgaði honum undir stofuborðinu í svartamyrkri. 

Ef til vill er orðum aukið að Frans Mongóli hafi nauðgað Brynjari Vondulykt því hann var ekki eins tregur í taumi og ætla mætti. Þegar frú Ingveldur kom loks með vasaljós og lýsti undir stofuborðið mætti henni einhver ófélegasta sjón, sem hún að eigin sögn hefir séð. Þetta var jafnvel viðbjóðslegra en þegar hún stóð Kolbein Kolbeinsson eiginmann sinn, Máríu Borgargagn og fyrrnefndan Brynjar Vondulykt að verki undir Landkrúsernum í bílskúrnum þeirra hjóna og er þá mikið sagt. Frú Ingveldur skakkaði auðvitað leikinn undir stofuborðinu, en þá tók Mongólinn upp jargansmikinn hníf og skaut honum af hendi í átt að frú Ingveldi, sem vék sér undan að bragði, og hafnaði hlífurinn í annarri rassakinn Trukka Fokk sem stóð í stórræðum með einhverri flækingspersónu sem slæðst hafði inní húsið.


mbl.is „Við upplifum þetta sem ofbeldi“
Tilkynna um óviðeigandi tengingu við frétt

Sannir Íslendingar

auð3Ráðherrar i ríkisstjórnarinnar eiga svo mikið af aflandsfélögum, skattskjólum og svartholum að þeir þekkja þau ekki í sundur, vita ekki hvað þau eru mörg og enn síður hvar þau eru eða hvað þau heita. Þetta er auðvitað aðdáunarvert og framúrskarandi og ber nafn Íslands yfir höfin og blæs þjóðinni sigurtilfinningu í brjóst, sem aftur hvetur vaska menn og konur til enn frekari dáða. Þarna eru á ferðinni Sannir Íslendingar sem verðskulda nafnbótina Sannir Íslendingar. Vissulega hamast hinir ættjarðarlausu eins og hungraðar rottur við að níða skóinn niður af ráðherrunum okkar með öllum þeim skítatrixum og skítakjafti sem þeir hafa yfir að ráða. En þeim ættjarðarlausu, sem komir eru af Írskum þrælum og þaðan af verra fólki, verður auðvitað ekkert ágengt í að sverta okkar bestu menn og konur, nema það eitt að auglýsa aumingjaskap sinn lágmennsku og skort á sálarþroska.

Frú Nordal er auðvitað hissa á hinum ættjarðarlausa skríl lygum hans og ótugtarskap. Hún og maður hennar, Tómás Sigurðsson, sem er náinn ætting Tómásar Jónssonar sem metsölubók var skrifuð um, áttu að vísu aflandsfélag í skattaskjóli sem dó á núlli inní sjálft sig, varð með öðrum orðum sjálfdautt og hvarf sjónum manna. Frú Nordal er hissa og hneyksluð á hinum öfundsjúku undirmálshýenum sem láta ekki við hika að ljúga því að þau hjón eigi enn félag sem er dáið og farið til hymmna og situr þar á hægri hönd Mammóni, guði allra pééénínga og aflandsfélaga.

Er nú ekki kominn tími til að leiða hin ættjarðarlausu vesalmenni bak við hús eins og afsláttarhross og embætta þau þar í eitt skipti fyrir öll. Vér Íslendingar útrýmdum lús og berklum úr þjóðfélagi okkar og flatlúsin er bráðum rétt útdauð. Því förum vér ekki eins að með hina ættjarðarlausu plágu, Írsku þrælkvikindin og útrýmum þeim til að fá að lifa í friði sem Sannir Íslendingar


mbl.is „Kemur okkur fullkomlega á óvart“
Tilkynna um óviðeigandi tengingu við frétt

Já, bronnkíttis og lúnabólgu

ing.jpgÞað er óhætt að segja að brjóstafrelsunarbyltinginn mikla í Reykjavík í fyrravetur hafi valdið aldahvörfum á Íslandi og í byltingarstarfsemi almennt. Síðan umrædd bylting brast á hefir varla sést kvennmaður á almannafæri öðruvísi en ber að ofan og allir eru svo undurglaðir. Auðvitað brá forhertum karlpungum í brún þegar þeir gerðu sér grein fyrir að þeir áttu ekki lengur geirvörtur og brjóst kvenþjóðarinnar og þeirra saurlífismengaði og karllægi hugsunarháttur fór á ringulreið í hausunum á þeim. Stöku karlkvikindi reyndi að andæfa byltingunni með því að frelsa leyndarlimi sína á almannafæri en fengu flestir á sig kæru og höfnuðu í tugthúsinu sem viðbjóslegir öfuguggar, dónadrullusokkar og pervertar.

Hinsvegar létu þær stallsystur, frú Ingveldur og Máría Borgargagn, sér fátt um finnast, enda eldri en tvævetur, og lýstu því yfir að meint gjeirvörtubylting væri álíka róttæk og innihaldsrík og þegar Kolbeinn Kolbeinsson og Brynjar Vondalykt væru að míga utaní bíla og á veggi ókunnugs fólks þegar þeir væru að ráfa ofurölvi heim til sín að næturþeli. Sjálfar hefðu þær verið byrjaðar að veifa brjóstum sínum berum framaní hvurn mann þegar þær vóru á gelgjuskeiði um og uppúr 1970. Frú Ingveldur skrifaði meira að segja fræga grein í mjög virðulegt dagblað, grein sem vakti ekki minna en heimsathygli, þar sem hún vakti athygli á því að réttast væri að flengja þessar litlu gelgjugæsir sem væru að bera á sér brjóstin útí hríðarveðri un hávetur og kölluðu byltingu og hefðu ekkert uppúr tiltækinu nema í hæsta lagi bronnkíttis og lúnabólgu. Já, bonnkíttis og lúnabólgu.

Þá mótmæla frú Ingveldur og Borgargnið því eindregið að Free The Nipple endaleysan hafi tröllriðið íslensku samfélagi. Aftur á móti hafi þær sjálfar, þegar þær vóru uppá sitt besta, tröllriði samfélaginu, einkum karlasamfélaginu, að það hafi ekki borið sitt barr síðan. Þessi umbrot þeirra hafi síðan valdið því að krypplíngsfóstur á borð við Kolbein Kolbeinsson, Indriða Handreð og Brynjar Vondulykt hafi farið að fikta við kynvillu og hlotið verra af. 


mbl.is „Kenndi mér að ég á mig sjálf“
Tilkynna um óviðeigandi tengingu við frétt

Þá er leiknum að verða lokið og við tekur búsýsla að Hrafnabjörgum

sveitJæja, þá skondraðist blessaður forsætisráðherrann fyrir eigin vélarafli yfir strikið og fyrir hin pólitísku björg. Hann telur semsé, greyið atarna, að hann hafi aungvar siðferðilegar skyldur af því að hann er svo upptekinn við að setja einhver heimsmet sem hvergi hafa fengist skráð nema í höfðinu á honum sjálfum. Já, bóndinn á Hrafnabjörgum lætur ekki að sér hæða fremur en fyrri daginn.

Það hefir löngum verið þannig að siðferði hefir aðeins verið ómerkilegt pjátur sem þvælist fyrir í huga framsóknar- og sjálfstæðismanna og þeir ekki skyldugir til að fara eftir þessháttar hégóma. Það þykir þeim eðlilegt. Því miður hafa kjósendur enn sem komið er ekki komið auga siðleysið, hrokann og græðgina sem er megininntak stjórnmálastefnu ríkisstjórnarflokkanna; en ef kjósendur opnuðu glyrnurnar, þó ekki væri nema til hálfs, og leyfðu heilbrigðri dómgreind að ráða gjörðum sínum á kjördag heyrðu þessir bófaflokkar þegar í stað sögunni til. 

En nú er gleðileikurinn búinn hjá heimsmeistaranum Sigmundi Dávíð og fátt annað í stöðunni fyrir hann annað en að fara að huga að vorverkunum heima á Hrafnabjörgum, en þau hafa víst setið á hakanum um nokkuð langa hríð. Þar verður til dæmis enginn sauðburður í vor þar eð fjárhúsin eru jafn galtóm af lifandi skepnum og fjósið og hænsnakofinn. En máske splæsir eiginkonan fáeinum milljonum af tortólapéníngum í uppbyggingu á Hrafnabjörgum; kaupir fáeinar rolluskjátur og svo sem eins og eina kú til að gleðja bónda sinn, sem hefir verið settur af sem heimsmeistar ríkisstjórnarinnar og aðstoðarmannahersveit hans rekin heim þegar síðustu snjóa leysir að Hrafnabjörgum í vor.


mbl.is Bar ekki skylda að segja frá
Tilkynna um óviðeigandi tengingu við frétt

Samanburðurinn nær ekki lengra

AuðvaldskrakkiMikið ósköp held ég hafi orðiðð glatt í döprum hjörtum í Grafarvogskirkju í kvöld þegar forsætisráðherrann, þessi sami og harðneitar að tala við fjölmiðla, bögglaðist við að stauta sig í gegnum Passíusálmana hans Hallgríms sáluga Péturssona. Það hefir verið undursamlega dásamlegt fyrir döpru hjörtun að heyra þennan mann tuldra: ,,Undirrót allra lasta ágirndin kölluð er frómleika frá sér kasta fjárplógsmenn ágjarner" og ,,Júdasar líkar lenda leiksbróður sínum frá" að ekki sé minnst á: ,,Afsökun ei má stoða andsvör né spurningar. Sá stendur víst í voða sem verður sekur þar."

Nú er það svo að vont fólk er þessa daganna að leita uppi höggstað á forsætisráðherranum sem nægi til að fá hann krossfestann eða í það minnsta dæmdan til embættismissis. Þannig má segja með sanni að að Sigmundur Dávíð stendur í sömu sporum og drottinn vor Jesús Kristur stóð í Grasgarðinum forðum tíð. Að öðru leyti nær samanburðurinn ekki lengra því annar þeirra tveggja, Jesúsar og Sigmundar, var fátækur sósíalisti en hinn tortólískur framsóknarmaður.



mbl.is Sigmundur Davíð las Passíusálmana
Tilkynna um óviðeigandi tengingu við frétt

Næsta síða »

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband