Leita í fréttum mbl.is

Bloggfærslur mánaðarins, janúar 2018

Þjófafélag byggt á þjófum og þjófnuðum

heim5.jpgHverskonar helvítis kjaftæði er þetta. Veit þetta fólk virkilega ekki að við búum í þjófafélagi og meint velferð þar af leiðandi byggð á þjófnaði og af þjófum? Ef þingmenn gera sér ekki grein fyrir svo einfaldri staðreynd þá ættu þeir að fá sér annað gera. 


mbl.is Velferð byggð á þjófnaði
Tilkynna um óviðeigandi tengingu við frétt

Að vola utan í Steingrími J.

grenjHvaða hvaða, er þingkonan H. Mogensen að kjökra utan í Steingrím J. yfir því að hún sé búin á því á kvöldin? Það ætti að vera auðvelt að fullvissa þingkonuna um að betra væri fyrir hana að beina grátstöfum sínum að ljósastaurum eða sorptunnum en Steingrími J. því ljósastaurar og sorptunnur eru að öllu jöfnu mikið hjartahlýrri en þessi Steingrímur J. En ef tilfellið er að þingkonan er sé sífellt í rugli með dagskrá þingsins, eins og ringlaður kálfur úti á túni, þá væri ráð fyrir hana að leita til Óla góða, þingmanns VG, en hann er öldrunarlæknir að mennt.

Annars gæti maður best trúað, að Steingrímur J. haldi dagskrá þingsins leyndri fyrir þingmönnum og skelli málum á dagskrá eftir eigin hentisemi og ekki í samráði fyrir neinn nema sjálfan sig. Allt stjórnarliðið er skíthrætt við téðan Steingrím J. og fyrr mundu gögl VG hlaupa fyrir björg en gera eitthvað sem gæti móðgað þetta hroðalega grýlumenni.

En varðandi frú H. Mogensen, þá er frekar hætt við að ef hún er búin á því á kvöldin þá sé hún líka búin á því á morgnana og daginn; og ummæli hennar benda einmitt til að svo sé. En að láta sér fljúga í hug að vola utan í Steingrími J. út af þessu ,,búináþví" er svo absúrd að aungin venjuleg orð ná að lýsa öðru eins. Sennilega þarf hún að leita sér hvíldar, kanski á Náttúrleysingjahælinu í Hveragerði, kanski á vitaskipinu Árvakri, kanski á Tómstundaheimili ríkisins að Hrakhólum í Köldukvísl. Kanski.  


mbl.is „Ég er bara búin á því á kvöldin“
Tilkynna um óviðeigandi tengingu við frétt

Hr. Bessason, ljósritið og minnisvarðinn

fundur.jpgNú liggur fyrir að krónprins elítunnar í Eflingu er að minnsta kosti jafn syfjaður og fráfarandi verkalýðsforstjóri félagsins. Sigurður Bessason var bein framlegnging af loddaranum Halldóri Björnssyni og nú ætlar elítan að bjóða verkafólki í Reykjavík uppá að kjósa grútsyfjað ljósrit af Sigurði í staðinn fyrir Sigurð og fara þá menn að bera saman bækur sínar um hvor sé hugsjónasljórri og minni verkalýðssinni Sigurður eða ljósritið, eða hvort ljósritið sé eftir vill fremra Sigurði í samvinnusókn við auðvaldið.

Hér áður og fyrr lá leið stjórnarmanna í Dagsbrún, undanfara Eflingar, í gegnum Sósíalistaflokkinn og síðar gegnum Alþýðubandalagið meðan það var sósíalískur flokkur. Þetta á Sigurðu Bessasyni að vera kunnugt, enda man ég ekki betur en hann væri á sínum tíma í hinu sósíalíska Alþýðubandalagi. En undir síðustu aldamót hnignaði verkalýðshreyfingunni mjög án þess að nokkur rök væru fyrir slíku. Slepjukrataflokkurinn Samfylking tók almenn verkalýðshreyfinguna að mestu yfir og gekk með hana í björg frjálshyggju, auðvalds og ESB-endaleysu. Stórir gerendur í hnignun og úrkynjun verkalýðshreyfingarinnar eru kauðar á borð við Sigurð Bessason, sem aldrei hefur getað nuddað auðvaldsstýrurnar úr augunum, Gylfa Arnbjörnsson, Björn framsóknarmann Snæbjörnsson á Akureyri, sem er víst formaður Stafsgreinasambandisins nú um stundir og Stjána nokkurn, sem er mikill verkalýðsforstjóri í Keflavík.

Nú stendur sem sé til að endurnýja verkalýðshreyfinguna, hressa upp á hana hvað lífræna róttækni snertir, og þá verða gömlu stéttasamvinnueðlurnar að hafa sig á brott. Best væri að vinir Gylfa og hr. Bessasonar í atvinnurekendasamtökunum skjóti skjólshúsi yfir þessa kunningja sína og ali önn fyrir þeim. En fyrir utan verkalýðshöllina, þar sem ASÍ og Efling hafa aðsetur, væri við hæfi að reisa dálítinn minnisvarða sem á stæði: ,,Ráðlegt er að hafa í hakk hagfræðinga og skítapakk."  


mbl.is Styðja fulltrúa sem rugga ekki bátnum
Tilkynna um óviðeigandi tengingu við frétt

Skriðan er blessunarlega farin af stað ...

6a00d834b6c13569e2010535b8db66970c-800wiÉg er ansi hræddur um að kjör verkafólks hafi um langan aldur ekki verið verri en einmitt nú í miðju góðæri braskarastéttanna, auðvaldsins, Bjarna Ben og Katrínar Jakobs. Það sem einkennilegast er, er sú nöturlega staðreynd að verkalýðsforstjórarnir hjá ASÍ og Starfsgreinasambandinu virðast ekki hafa hugmynd um hver staðan er hjá verkafólki, já og fleiri stéttum. Eða vita endemin ef til vill hvernig staðan er, en kjósa fremur að öskra upp í eyrun á fólki hvort það sjái ekki hvað það hafi það gott, hvað launin hafi nú hækkar rausnarlega,- að ekki sé minnst á kaupmáttinn, sem fari beinlínis með himinskautum í góðærinu mikla. - Sjáið ekki veisluna, fíflin ukkar!

Og ekki kemur á óvart, að vel gangi hjá Sólveigu Önnu Jónsdóttur að safna undirskriftum vegna framboðs síns í Eflingu. Þrátt fyrir allt, þá held ég að verkafólk, ekki aðeins á höfuðborgarsvæðinu heldur út um allt land, sé búið að bíða drykklanga stund eftir að einhver, eða einhverjir, með bein í nefinu lýstu sig fúsa til að hafa forgöngu um að velta forustu auðvaldsins í verkalýðssamtökunum úr sessi og hefja verkalýðssamtökin aftur til vegs og virðingar, og róttækni, í samfélaginu.

Skriðan er farin af stað á höguðborgarsvæðinu og nú verður að koma hlutunum á skrið í hinum stóru félögunum innan Starfgreinasambandsins.


mbl.is Skammist sín ekki fyrir léleg kjör
Tilkynna um óviðeigandi tengingu við frétt

Ætli hafi ekki farið kjánahrollur um flesta

xb1_1224196.jpgÞað er ekki nema von að fari kjánahrollur um Ragnar Þór formann VG við að lesa glamrið sem Gylfi ASÍ-forseti lætur hafa eftir sér í fjölmiðlum; Ég hugsa að mörgum hafi verið líkt farið og Ragnari, ekki síst þeim sem hafa einhverntíma hafa nasasjón af makki og rottugangi ríkjandi afla í verkalýðsforustunni. Á undanförnum árum hefur andúð fólks á valdsmönnum ASÍ og Starfsgreinasambandsins verið að þyngjast jafnt og þétt, uns svo er komið að launafólki þykir tími til að láta reyna á þessa forustusauði, sem meta vináttu atvinnurekenda og hægrisinnaðra stjórnvalda sig meira skipta en stuðning fátæks og illa lauðaðs.

Við sem vitum, að skrifstofusjakalar ASÍ og Starfsgreinasambandsins hafa fyrir nokkuð löngu tapað tiltrú þeirra sem látnir eru borga þessum köllum margföld verkamannalaun, viljum auðvitað bjarga samtökum verkafólks undan þessum auðvaldsvinum og lítilmennum og frelsa verkalýðshreyfinguna undan þeim á lýðræðislegan hátt. 

Verkafólk á Íslandi, og raunar Íslendingar allir, á betra skilið en að dröslast með verkalýðsforustu, sem er svo keimlík atvinnurekendaforustunni að vart verður greint þar á milli. Og fyrir mér má sjálfur Pokurinn hirða þá vesalinga, sem gert hafa sér að leik fyrir há laun og einhver völd, að gera lítið úr fátæku fólki, lítilsvirða samtök þess, en hafa samt lyst á að láta þessa sömu fátæklinga greiða sér ráðherralaun.


mbl.is Kjánahrollur fór um Ragnar Þór
Tilkynna um óviðeigandi tengingu við frétt

Sótt að sjakalakontór ASÍ

asiGylfi grallari og æðsti skrifstofusjakali ASÍ veit ósköp vel, að ef hann og hans kammeratar á komtórnum missa stuðnig Eflingar, auk VR, fer að þrengja allmikið að þeim. Og ef verkafólki auðnast að ná aftur stórum félögum á borð við Einingu í Eyjafirði, Hlíf í Hafnarfirði og Verkalýðs- og sjómannafélagi Keflavíkur er auðvaldsleik Gylfa með atvinnurekendaforustunni og stjónvöldum lokið. Þó að Gylfi sé þessi endemis sjakali þegar hann er að hlaupa kringum borðin í ,,alþýðuhöll" ASÍ þá veit hann manna best, að afskipti manna af kosningum í öðrum félögum er ekkert nýtt. Það er hinsvegar nokkuð framandi fyrir atvinnurekendavinina í ASÍ, að formaður VG lýsi beint yfir stuðningi við mótframboð gegn ríkjandi valdhöfum í Eflingu; slóttugir skrifstofusjakalar eru vanir að hafa sitt fram með baktjaldamakki, undirferli og ísmeygilegri illmælgi um menn og málefni, sem falla ekki nógu þægilega að hinu siðlausa auðvaldssálarlífi þeirra.


mbl.is Afskipti formanns VR fordæmalaus
Tilkynna um óviðeigandi tengingu við frétt

Framhleypnin ríður ekki við einteyming

niÖhh-höhh-höhh-höhh, nú bíðum vér í ofvæni eftir hver viðbrögð Katrínar Jakobsdóttur verða þegar einhver forsætisráðherragarmurinn tilkynnir um að hann sé með skitu. Og þar sem Katrín er framhleypin og doldill bullari, þá má vel vænta þess þegar Margrét Þórhildur danadrottning fær bullandi iðrakveisu, að Katrín rjúki til og sendi Margréti kveðju og segi henni sögur af eigin innyflakvefsóttum og þeim salernisferðum sem þessháttar kvillum heyra til. Ekki er hægt að gera ráð fyrir því að forsætisráðherra Nýja-Sjálands hafi nokkurn tíma heyrst minnst á Kattarinu Jakkobbsdógttur from Iceland og þar af leiðandi hefir eflaust sett ákafan hlátur að frú Jacindu Ardern þega hún las hið kjánalega skeyti Katrínar yfir.

Nær væri oss að kanna hvurnig á því stendur að frú Ardern á Nýja-Sjálandi á von á barni. Það er aungvu líkara en hún eigi jafnvel fremur von á einhverju öðru, til dæmis hvolpi eður kiðlingi. Finnst yður ekki undarlegt ef frú Ardern væri hreint ekki hissa þótt hún fengi jarmandi kiðling í fangið en ekki barn? Jú, það er allt dularfullt við þetta og minnir á að mikill er máttur Andskotans -, líka meðal andfætlinga. En vér verðum að vona hið besta, en vera þó undirbúin hinu versta.

kona1Fyrir tíu árum eða svo, var gerður harður aðsúgur að frú Ingveldi vegna barnaleysis hennar. Menn og konur notuðu ljót orð um þessa fágætu konu og báru henni á brýn að hafa borið börn sín út um leið og þau kómu í heiminn. Annað fólk, ekki skár innréttað, fullyrti að frú Ingveldur væri steingeld eins og slægður þorskur fyrir utan að aunginn maður í víðri veröld hefði áhuga á að gera henni krakka. Um síðir komst frú Ingveldur á snoðir um þann orðróm sem andstyggilegir einstaklingar höfði klínt á hana án þess að láta sér detta í hug huganlegar afleiðingar. Enda urðu flestir, sem fengu frú Ingveldi í heimsókn dagana þar á eftir, hálfundrandi öllum þeim ósköpum sem dundu yfir. Já, frú Ingveldur hafði þannig endaskipti á öllum þeim ókindum, sem borið höfðu hana óhróðri, að vissulega hefir aunginn, sem enn er á lífi, gleymt þeim heimsóknum. Og fjórar ókindur anduðust sama dag og frú Ingveldur heimsókti þær; og í dánarvottorði þeirra allra stóðu þessi orð, undirrituð af lækni: ,,Dánarorsök hálsbrot eftir að hafa kastað sér út um glugga." Nema að í vottorði einnar stóð: ,,Féll af reiðhjóli og dauðrotaðist." 


mbl.is Katrín sendir ófrískum forsætisráðherra góðar kveðjur
Tilkynna um óviðeigandi tengingu við frétt

Nú er dauðafæri fyrir verkafólk

rev4Það er löngu kominn tími til að endurreisa verkalýðshreyfinguna og gera hana að því stéttarbaráttutæki fólksins sem hún var á fyrstu áratugum sínum á Íslandi. Síðustu þrjá áratugina hefur leið hinnar fræknu hreyfingar legið hratt niður á við, en að sama skapi hefur forustusveitin nuddað sér ákafar upp við atvinnurekendaauðvaldið, já og auðvaldið yfirleitt, svo erfitt er orðið að greina á milli hvort þessi eða hinn verkalýðsfrömuðurinn er að tala fyrir samtök atvinnurekenda eða ekki. 

Nú er eins og eitthvað sé að rofa til í samtökum verkalýðsins, fólk sé loks að vakna eftir áratuga þyrnirósarsvefn. Eða hvað? Er meint líf í dauðri hreyfingu aðeins bóla, mýrarljós, óskhyggja hinna fáu? Að minnsta kosti er eitthvað meir en lítið einkennilegt við, að háværustu talsmenn innanbúðarbyltingar í verkalýðshreyfingunni skuli vera með um og yfir eina miljón á mánuði í tekjur. Er eitthvað eðlilegt við að formaður í félagi láglaunafólk sé með fjór- eða fimmföld lágmarkslaun semkvæmt þeim töxtum sem þessir verkalýðsgullrassar hafa skrifað upp á fyrir félagsmenn sína? Nei, satt að segja eru svona karlar ekki beint trúverðugir; um þá má segja að þeir séu ógeðfelldir og andlegir auðnuleysingjar í þokkabót.

Ég hlustaði á Solveigu Jónsdóttur í Silfri Egils í morgun, en mér skilst að hún sé á leið í formansframboð hjá Eflingu. Miðað við það sem hún sagði þar, þá hefur hún alla burði til að verða frábær verkalýðsformaður, sem leitt getur nauðsynlega byltingu og endurreisn innan verkalýðshreyfingarinnar. En til að ná undirtökunum í verkalýðshreyfingunni, þarf fólk af sama tagi og Solveig til að taka hin stóru félögin innan Starfsgreinasambandsins, þ.e. Einingu í Eyjafirði, Hlíf í Hafnarfirði og Verkalýðs og sjómannafélag Keflavíkur. Ef að það tekst, er gamla, úrkynjaða samtryggingarmafían í samtökum verkafólks fallin og eftirleikurinn þar af leiðandi auðveldur. 


mbl.is Vonar að byltingin haldi áfram
Tilkynna um óviðeigandi tengingu við frétt

Hverslags skepnur eru það ...

flokkseigendur_786424Hverslags skepnur eru það að upplagi sem hafa geð og nennu í sér til að rífa sig upp fyrir allar aldir á laugardagsmorgni til að sitja fund með íhaldshækjunum í VG? Það hlýtur að útheimta afar sljóar sálargáfur, að fá ekki séð hve hlægilegt er að horfa á hokur flokkseigenda VG hjáleigukotinu í túnjaðri Höfuðbólsins, Sjálfstæðisflokkins, helstu uppsprettu ójafnaðar, yfirgangs og ómennsku í samfélaginu. Og dettur virkilega einhverjum í hug að taka flokksræxni á borð við VG, sem upphaflega var stofnaður til að verða flokkur vinstrisósíalista, alvarlega eftir að í ljós kom, að æðsta markmið þeirra sem eiga þennan umskiptingaflokk var allan tímann að komast í ríkisstjórn með Sjálfstæðisflokknum, þessu siðspillta og glæpsamlega höfuðvígi auðvaldsins á Íslandi? Nei, það eru aðeins fífl sem taka ógeð eins og VG alvarlega og enn meiri fífl sem rífa sig upp á laugardagsmorgnum til að mæta á fundi hjá þessu skrímslasamkvæmi.

Í tvígang hefi ég nýlega heyrt útvarpsmenn segja við Katrínu Jakobsdóttur í viðtalsþáttum að VG væri sósíalískur flokkur án þess að Katrín hreyfði nokkrum andmælum við þessum öfugmælum. Ef Katrín hefur með þögn sinn verið að samþykkjað að VG væri sósíalistaflokkur er hún ákaflega óheiðarlegur stjórnmálamaður, ef hægt er að nota orðið stjórnmálamaður yfir hana almennt, eða hún er fattlaus og sálarsljó með afbrigðum. Ég hallast frekar að því að þessi ,,formaður" og gluggaskraut Steingríms, Álfheiðar og Svavarsfjölskyldunnar, sé óheiðarlegur póltíkus, mjög óheiðarlegur, enda uppalin í handarkrikanum á Steingrími J. Sigfússyni, sem þekktastur er fyrir að vera einhver mesti pólitískur óheilindamaður sem uppi hefir verið á þessari öld og hinni síðustu. 

xv2.jpgÞað verður mikill dagur í sögu íslenskrar þjóðar þegar og ef henni tekst að losa sig við þá pólitísku óöld og ruglandi, sem geysað hefir alla þessa öld, með handónýta þingmenn, gjörspillta lukkuriddara, loddara og andlega uppskafninga. Það er engu líkara en orðið hafi einhverkonar ketilsprengin í pósthólfi 101 Reykjavík, sem þyrlað hafi trénuðum kaffihúsaspekingum og heilþvegnum peningagéðsjúklingum út um öll foldarból. Og í sameiningu hafi þessum óþjóðalýð tekist að eyðileggja íslenskt samfélag; það er nánast enginn hlutur samfélagsins í lagi eftir helreið þessara sjálfhverfu og sjálfumglöðu vesalinga. Það verður verk að vinna á Íslandi þegar úrkynjunar- og undanrennuvíman rennur af þjóðinni og stjórnmálum hennar og farið verður að vinda ofan af hroðanum, sem haldið hefir samfélaginu í helgreipum frjálshyggjuóra og ofsagræðgi, en það gerist ekki meðan flokksafmán sem kallast ,,Vinstrihreyfing" telur það verkefni sitt að vera hækja Sjálfstæðisflokksins og hjáleiguhokrari á hjáleigukoti auðvaldsins.    

 


mbl.is Nógu margir sem tala um aðgreiningu
Tilkynna um óviðeigandi tengingu við frétt

Hvað mundu fíflin á Íslandi gjöra ef Tromp kæmi?

belja2Hva, halda þessi helvíti þarna í Sviss, að Dónaldur Tromp bandaríkjaforseti sé belja, eða hvað, eða einhverskonar sauðnaut? Þessi fífl baula eins og nautgripir á aðra nautgripi þegar merkasti forseti Bandaríkjanna, fyrr og síðar, kemur að heimsækja þá. Þeir mega þakka fyrir ef Tromp sigar ekki lofther Bandaríkjanna, US Army, á fáeinar svissneskar borgir lætur leggja þær í rúst.

Og hvað mundu fíflin á Íslandi gjöra ef Tromp kæmi hingað til okkar í heimsókn? Mundu þau baula og baula þar til augun færu út úr tóftunum á þeim? Að minnsta kosti hluti Íslendinga eru ekki síðri beljur og sauðnaut en þessir aumingjar í Sviss, sem gjörðu landi sínu og þjóð til skammar með gauli á sjálfan forseta Bandaríkjanna. En ég er líka viss um að Tromp mundi verða í essinu sín ef hann kæmi til Íslands, því hér eru blauðir fjölmiðlar, sem mundu skíta í sig á slaginu, þegar karlinn færi að skamma þá fyrir falskar fréttir og illgjarna umfjöllun um menn og málefni. Sjáið þið ekki íslenska fjölmiðlunga fela sig eins og melrakka ofan í holum og undir moldarbörðum þegar Tromp kæmi?

Einusinni bauluðu nokkrir skítugir götustrákar með arafat-trefla á efir okkar góða Brynjari Vondulykt. Þetta var í Austurstræti um miðjan dag. Brynjar snarsnöri sér við og gómaði götustrákana og kyrkti þá næstum í treflum sínum. Síðan hafa þessir drengir hvorki komið upp hósta né stunu, og allra síst ef þeir hafa grum um Vondulyktina einhversstaðar nær. Já, Brynjar Vondalykt er snarráður maður og líkur Tromp í sjón og raun, einkum þó raun. Og hvað haldið þið að baulararnir í Sviss hefðu gjört ef Tromp hefði sett undir sig hausinn og vaðið að þeim eins og nashyrningur? Já, alveg rétt esskkka, þeir hefðu lítið gert nema í buxurnar, því það er það eina sem slík heigulssauðnaut þora þegar á hólminn er komið.


mbl.is Baulað á Donald Trump í Davos
Tilkynna um óviðeigandi tengingu við frétt

Næsta síða »

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband