Geðkrabbi Hreyfingarinnar og dauðastríð

Mikið skelfing er ömurlegt að horfa uppá hvað jafn liðlegt fólk og þingflokkur Hreyfingarinnar getur verið neikvætt, nöldursamt og smáskítslegt í hugsun. Það er sama hvað ber á góma, alltaf skal Hreyfingin vera á móti; þetta fólk er á móti öllu, - já, og sjálfu sér og Hreyfingunni líka. Eftir að Sjálfstæðisflokkurinn var rekinn með valdi úr ríkisstjórn fyrir tæpum tveimur árum hefur sá flokkur þróast í þá átt að vera á móti öllu og éta helst fjallagrös í öll mál. Nú, Framsóknarflokkurinn er þegar dauður úr neikvæðni og geðfýlu og annarri ólykt, en það er allt í lagi því farið hefur fé betra.

Það væri mjög gott fyrir Ísland ef Sjálfstæðisflokkurinn dræpist úr samskonar innanmeinum og Framsóknarflokkurinn og færi í gröfina líka. En verra er að horfa uppá ungt og þriflegt fólk eins og Hreyfinguna verða fúllyndinu og ggéðkrabbanum að bráð og enda að lokum í fjöldagröfinni með Sjálfstæðisflokknum og Framsóknarflokknum.

Þingmenn Hreyfingarinnar gagnrýna starfsreglur

Athugasemdir

[Guðmundur Ásgeirsson, 3.12.2010 kl. 15:20]

Þú hefur augljóslega ekki tekið eftir því að Hreyfingin er í stjórnarandstöðu. Að þau skuli oft vera mótfallinn einhverju stafar einfaldlega af því að við sitjum uppi með vonlausa ríkisstjórn sem er sífellt að taka upp á einhverju sem er full ástæða til að mótmæla. Um það er hinsvegar ekki við þingmenn Hreyfingarinnar að sakast.

En hefurðu yfirhöfuð lesið starfsreglurnar sem þau eru að mótmæla núna? Hvernig veistu nema það sé einmitt full ástæða til að vera á móti þeim? Ég er búinn að lesa yfir drög að þeim og fannst þau beinlínis ömurleg! Með þeim er blákalt verið að reyna að fjarstýra störfum stjórnlagaþingsins inn á fyrirfram skilgreind viðfangsefni. Ég taldi mig hafa fjörugt ímyndunarafl, en aldrei hefði mér dottið í hug allur þessi fjöldi af embættum og nefndum sem virðist eiga að búa til úr aðeins 25 manns. Miðað við öll fundarsköpin og annað kraðak verður það afrek ef stjórnlagaþinginu tekst yfir höfuð að koma einhverju af viti í verk.

[Arnór Valdimarsson, 4.12.2010 kl. 04:34]

Jóhannes, það leynir sér ekki hvaða samspillingu þú tilheyrir.

Að öðru leiti þarf ekkert að bæta við orð Guðmundae hér ofan. Hann er alveg meðidda.