Leita í fréttum mbl.is

Bloggfærslur mánaðarins, mars 2009

Fallega tístir í tittlingaborg

davi.jpgherra3Nú kannast maður við íhaldsskítalyktina eins og hún angar fegurst á kosningarvori. Upp er runninn sú notalega stund að græðgisvæðingarhyskinu og brennuvörgunum þykir tímabært að reyna að hræða lýðinn til fylgis við sig með skattahækkunargrýlunni. Þessi sígilda baráttuaðferð ójafnaðarmanna og arðræningja sýnir svo ekki verður um villst hvaða álit skítseyðin hafa á vitsmunum háttvirtra kjósenda, - eða segir hún máske meira um sálrgáfur skítseyðanna sjálfra?

Ég er ansi hræddur um að Þorgerður Katrín og Kaupþingskallinn hennar viti mætavel að Steingrímur J. hefur einungis talað um að lítilegar skattahækkanir á hátekju- og stóreignafólk en jafnframt tekið skýrt fram í leiðinni að ekki standi til af hans hálfu að hækka skatta þeirra sem eru með tekjur undir 500 þúsund krónum á mánuði. En Þorgerður Katrín kýs að vera óheiðarleg og hagar málflutningi sínum í samræmi við það með innihaldslausum grýlusögum um Skattmann nokkurn, sem Sjálfstæðisflokkurinn og Repúblíkanaflokkur Georgs W. Bush segjast einlægt vera að berjast við. Já, það syngur fallega í tittlingaborg um þessar mundir.

Ef að skattar hækka á næsta fjárlagaári bið ég fólk vinsamlegast um að gleyma ekki að þakka Sjálfstæðisflokknum og frjálshyggjukapítalismanum fyrir þá skattahækkun. 


mbl.is Skattmann er mættur aftur
Tilkynna um óviðeigandi tengingu við frétt

Sem betur fer ...

herr1dog6Um Davíð Oddsson er fátt annað að segja en að þar fer maður sem kann ekki að blygðast sín. Það er til marks um yfirþyrmandi dómgreindarleysi þessa kynduga náunga og skort á iðrun, að hann lætur sér ekki muna um að skjögra uppí ræðupúlt á landsfundi Sjálfstæðisflokksins og ausa úr hlandkoppum geðvonsku sinnar yfir þingheim. Sem betur fer er Davíð Oddsson orðinn valdalaus maður; hans pólitíska ferli lauk með því að honum var fleygt öfugum útúr Seðlabankanum eins og illþefjandi skarni eftir að frjálshyggjukapítalisminn, sem hann öðrum fremur keyrði áfram og bar ábyrgð á, hafði kafsiglt efnahagslíf þjóðarinnar með tilheyrandi niðurlægingu.

Athyglisverðast við þessa uppákomu í Laugardalshöllinni í dag er þó að hinir 2000 landsfundarfulltrúar hlógu og klöppuðu látlaust undir fúllyndislegu skítmaki frjálshyggjustrankapteinsins mikla. Er þetta lið haldið krónísku hundslegu undirlægjueðli, eða hvað?


mbl.is Víkingar með Samfylkingu
Tilkynna um óviðeigandi tengingu við frétt

Aumt er að sjá í einni lest

hestar.jpgLandsfundur Sjálfstæðisflokksins sem fram fer nú um helgina er dapurlegur vitnisburður um andlega örbyrgð 2000 sálna sem enn hafa ekki áttað sig á hvar þær eru staddar í tíma og rúmi. Að eyða heilli helgi í að reyna að fegra ásýnd ruddalegra samtaka fjárplógsmanna og stórþjófa er svona álíka og að snúa Faðirvorinu uppá Djöfulinn sjálfann í Helvíti. Reyndar minnir þessi gjörfirrta samkoma forherðingarinnar óhugnarlega á 2000 sauðnaut sem ætla að troða sér inni í Hymmnaríki með því að skríða í gegnum nálarauga. Einnig minnir Landsfundur Sjálfstæðisflokksins 2009 á ferðalag sem lýst hefur verið á þessa leið: Aumt er að sjá í einni lest / áhaldsgögnin slitin flest / dapra konu og drukkinn prest / drembinn þræl og meiddann hest.
mbl.is „Þurfum að opna flokkinn“
Tilkynna um óviðeigandi tengingu við frétt

Skammt stórra högga á milli

flengÍ vetur hefur blessunarlega verið skammt stórra högga á milli: Í gær hvarf Gjeir Haaarde endanlega af vettvangi, í dag Ingibjörg Sólrún. Fyrr í vetur stökk Guðni Ágústsson í fússi fyrir pólitískann ætternisstapa, ríkisstjórn Gjeirs og frú Ingibjargar gafst uppá rólunum eins og Grýla gamla forðum og yfirdjásninu, Davíoddssyni, var fleygt eins og halaklipptum hundi útúr Seðlabankanum. Þó að þetta séu mikil áföll, ekki síst þegar tekið er tillit þau gerast öll á einum vetrarparti, þá er sá reginmunur á þessum áföllum og öðrum áföllum, að þau fyrrnefdu hafa aukið þjóðinni ánægju og meiri trú á lífið og tilveruna.

Í dag heyrði ég dósent í uppeldisfræðum lýsa því yfir að börn landsins, 12 ára og yngri,  hafi af einhverri ástæðu fengið þá flugu í höfuðið að um helgina verði starfræktur dýragarður í Laugardalshöllinni. Ja, bragð er að þá barnið finnur ...

Á meðfylgjandi mynd má sjá íslensku þjóðina, í líki ábyrgs föður, veita forsprökkum stjónmálaflokkanna, í gervi svikuls götustráks, verðskuldaða ráðningu. 


mbl.is Átti að gera skýrari kröfur
Tilkynna um óviðeigandi tengingu við frétt

Iðrunarviðleitni sem fólk tekur mark á

auðvaldiðNú, fyrst innanbúðarmenn Sjálfstæðisflokksins viðurkenna að vera valdir að algjöru efnahagshruni og niðurlægingu þjóðarinnar, er ekki annað fyrir þá að gera en að leggja Fokkinn sinn niður eins og hver önnur glæpasamtök sem hafa orðið uppvís af athæfi sem stórskaðað hafa samfélagslega hagsmuni. Það þýðir ekkert fyrir Vilhjálm Egilsson og önnur lítilmenni af hans kalíberi að mjálma ,,fyrirgefðu" framaní þjóðina fyrir hönd Sjálfstæðisflokksins; það hlustar enginn lifandi maður á þessháttar óskammfeilni. Eina raunverulega iðrunarviðleitnin sem fólk getur tekið mark á frá landsfundi Sjálfstæðisflokksins er algjör niðurlagning þessara skítugu glæpasamtaka.
mbl.is Mistökin Sjálfstæðisflokksins
Tilkynna um óviðeigandi tengingu við frétt

Óskemmtilegur anskoti

auð3Eftir 18 ára samfellda villimennsku svokallaðra ,,sjálfstæðismanna" í Stjórnarráðinu er þjóðarbúið rofabarð eitt, rétt eins og þar hafi búverkað sturlaðir drykkjurútar og eiturætur. Félagi Steingrímur J. er því sannarlega ekki öfundsverður af þeim óskemmtilega anskota að þurfa að taka til í kotinu eftir að græðgisdrukknar glæpakreðsur Sjálfstæðisflokksins eru loks úr húsi. Það er t.d. óhjákvæmilegt að skattar hækki eitthvað hjá þeim greitt geta hærri skatta. Fólk verður að átta sig á, einkum þessi 20% sem enn styðja Sjálfstæðisflokkinn, að dagar ránsherferða auðvaldsins eru taldir, sem betur fer. Það mun kosta sitt að koma hér upp samfélagi siðaðra manna að nýju. Villuráfandi sauðum, sem þegar eru byrjaðir að væla undan fyrirhuguðum skattahækkunum, skal bent á að beina harmagrát sínum beint að Sjálfstæðisflokknum því að vegna glæsilegrar frammistöðu hans síðustu 18 árin er óhjákvæmilegt að hækka skatta á þessum tímapunkti.
mbl.is Komið að skuldadögunum
Tilkynna um óviðeigandi tengingu við frétt

Klórar yfir hroðann af lítilli hugsjón

piss1Ekki get ég að því gert, en á fátt annað minnir ræða herra Gjeirs Haaarde en á kött sem sem er, af lítilli hugsjón, að basla við að klóra yfir hroðann úr sér. Það eru t.d. algjörlega kostulegur anskoti að karlinum skuli hafa dottið í hug að ropa uppúr sér að ,,sjálfstæðismenn þyrftu nú sem aldrei fyrr, að halda á lofti þeim sannindum að einkaframtak og virðing fyrir einstaklingnum sé einmitt það sem þurfi til að byggja upp á Íslandi." Þvílík hræsni og þvílík öfugmæli. Það er mála sannast að Sjálfstæðisflokknum er margt betur gefið en að bera virðingu fyrir einstaklingum; það á bæ eru einstaklingar álíka hátt metnir og tannhjól í dauðum maskínum. Og raunverulegur áhugi prófasta Sjálfstæðisflokksins á einkaframtaki kristallast fyrst og fremst í kvótakerfum og einokun gullkálfa auðvaldsins.
mbl.is Mistök gerð við einkavæðingu
Tilkynna um óviðeigandi tengingu við frétt

,,Smámistökum" Davíðs og Haaardes fagnað með ópum og lófataki

kapital8Það vakti athygli að þegar Gjeir Haaarde baðst afsökunnar á fáeinum smámistökum, sem kostuðu reyndar þjóðfélagslega niðurlægingu og efnahagshrun, stukku landsfundarfulltrúar Sjálfstæðisflokksins hverjir um aðra þvera á fætur lustu upp fagnaðarópi og börðu saman lófum eins upp væri runnin langþráð stund þar sem þeir gætu í sameiningu fagnað blessuðum ,,smámistökunum."

Það má með sanni segja að landsfundur Sjálfstæðisflokksins um þessar mundir sé mikil gleðisamkoma umvafin helgiblæ.


mbl.is Þjóðstjórn hefði verið hyggilegust
Tilkynna um óviðeigandi tengingu við frétt

Illræmdustu glæpasamtök landsins

landi_sekkur.jpgmonni.jpgStærstu og illræmdustu glæpasamtök landsins, Sjálfstæðisflokkurinn, halda landsfund um helgina í skugga ægilegustu hneyksla og uppljóstrana sem þessi ósvífnu samtök hafa orðið uppvís af. Það verður að teljast kaldhæðnislegt og jafnframt sorglegt að hátt í tvö þúsund einstaklingar af tegundinn homo sapiens ætli að leggjast svo lágt að taka þátt í landsfundarsamkomunni.

Ef að þessir tæplega 2000 bögubósar og illvirkjar, sem kenna sig við ,,sjálfstæði," hafa eitthvað meira en kvarnir á milli eyrnanna ættu þeir að ganga hreint til verks og leggja Sjálfstæðisflokkinn niður, strax að lokinni setningarræðu Gjeirs Haaarde í dag.

Ísland verður ekki endurreist af neinu viti nema eyðileggingaröfl Sjálfstæðisflokksins komi þar hvegi nærri ...


mbl.is Landsfundur Sjálfstæðisflokksins hefst í dag
Tilkynna um óviðeigandi tengingu við frétt

Ljósritið vann frumritið

ljos.jpgÓttalegur bölvaður klaufaskapur var þetta hjá Einari Kr. að missa eitt ljósritið af sjálfum sér fram úr sér í blá-lokin. Hinu verður ekki á móti mælt að framboðslisti Sjálfstæðisflokksins í Norðvesturkjördæmi verður frábærlega vel kvótakerfisvæddur listi, sem er dásamlegt útaf fyrir sig í ljósi þess að umrætt kvótakerfi hefur virkað eins og svæsnar náttúruhamfarir á kjördæmið.

Í kosningunum í vor munu kvótakerfissamtökin Sjálfstæðisflokkur fá 12-15% í Norðvesturkjördæmi og ekki brotabrot úr prósenti fram yfir það.


mbl.is Ásbjörn vann baráttuna við Einar
Tilkynna um óviðeigandi tengingu við frétt

Næsta síða »

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband