Leita í fréttum mbl.is

Bloggfærslur mánaðarins, september 2011

Frekar þann versta en þann næstbesta

Nú er komið á daginn, eins og margir óttuðust, að Steingrími J. og þinflokki hans er alls varnað. Það er nákvæmlega sama hvar borið er niður: öllu er snúið á hvolf, í þessum kostulega þingflokki, með tíu þumalputtum og einni rasshendi formannsins, sem að öðru leyti hefur haft drjúgan starfa við að siga búrtíkum sínum út og suður og uppskorið aðhlátur almennings að launum.

voffOg nú hefur Steingrími og flokkseigendafélaginu hugkvæmst að feta í fótspor Snæfríðar Íslandssólar, sem valdi sér fyrir eiginmann þann versta þrjót sem fundinn varð á Íslandi í þá daga, í stað þess að taka hinum næstbesta, fyrst sá besti stóð ekki til boða.

Það kom sem sé uppúr dúrnum í morgun að Steingrímur og hans lið hafði valið sér fyrir þingflokksformann hávaðasömustu og grimmustu búrtík formannsins, en hún er sem kunnugt er hálftannlaus, staurblind, heyrnarsljó og með skert lyktarskyn, nema þegar LÍÚ-höfðingjar eru nær, en þá bregður ætíð svo við að hin frækna búrtík verður furðu stillt og skilningarvit hennar verða tví- og jafnvel þríelleft af skerpu.

Já, ógæfu VG verður allt að vopni. Nú er engin von lengur að úr rætist með flokkinn. Og í næstu kosningum verður það ekki hlutskipti Steingríms J. og hans áhafnar að draga atkvæði um borð í flokksskútuna, heldur munu þeir, er hafa yfir atkvæðunum að ráða, þ.e. kjósendur, draga fleytu VG niður á hafsbotn fylgisleysis.

Sjá hér hve illan enda ótryggð og svikin fá ...


mbl.is Björn Valur þingflokksformaður
Tilkynna um óviðeigandi tengingu við frétt

Fólskuleg árás á fjármálaráðherra

hundsbit2Það er varla hægt að lesa annað útúr orðum formanns Fjárlaganefndar, Oddnýjar Harðardóttur, en að henni finnist Steingrímur J. hinn versti skaðræðisgripur og óráðsíugemsi, sem verði að hafa undir einstaklega sérstöku eftirliti. Hún vill sem sé að nauðsynlegt sé að skilgreina og afmarka heimildir fjármálaráðherra sem hafi verið of rúmar í kjölfar hrunsins. Með þessu er hún auðvitað að segja, að Steingrímur hafi farið afar frjálslega með fjármuni ríkissjóðs og spilað eins og ábyrgðarlaus gamblari á hinar rúmu heimildir sem hann telur sig hafa haft hingað til.

Svona hryllilegur munnsöfnuður verkar á mann eins og þegar laungrimmur rakki ræðst óforvandis að vegfaranda og bítur hann af alefli í lærið. En í þessu tilfelli á sá er fyrir árásinni varð, sem betur fer, duglegar búrtíkur sem þekktar eru fyrir að hika ekki við að hefna fyrir ófarir húsbónda síns og spara þá hvorki vígtönnur sínar né raddbönd.

Nú má till sanns vegar færa, að marg- og ofnefndur Steingrímur hafi harla þykkan skráp, sumir segja að karlinn sé einn allsherjarskrápur yst sem innst eða javnvel þurkuð grásleppuhvelja, en ég á bágt með að trúa að manngarmurinn sé svo samansúrruð skrápflækja að hreinmeyjarleg orð Oddnýjar fjárlagformanns nái ekki að koma af stað einhverskonar garnaflækju innaní honum. Því tel ég einsýnt að fjármálaráðherra hlaupi kapp í kinn og bregði brandi sínum og reyni að höggva hina óorðvöru kvenpersónu úr launsátri, hels í spað.

Ég spái því, ef Steingrímur veltur ekki bráðlega um sjálfan sig á dansgólfi kapítalismans, að pólitískur frami Oddnýjar Harðardóttur muni finnast sundurtættur í sorptunnunni heldur fyrr en áætlað var. 


mbl.is Heimildir ráðherra of rúmar
Tilkynna um óviðeigandi tengingu við frétt

Hefðu fleygt henni út á skottinu

ála1Þeir eru gamansamir órabelgirnir í flokkahópi ,,vinstri grænna" í Norðurlandaráði að gera háborgaralegu íhaldskerlinguna Álfheiði Ingadóttur að formanni þessa kynduga flokkahóps.

En kanske má virða meðlimum flokkahópsins það til vorkunnar að hafa ekki hugmynd um hvern mann Álfheiður þessi from Iceland hefur að geyma og hverskyns sú pólitík er sem piffast á milli eyrnanna á henni. Hefðu þeir haft hugboð um það hefður þeir eflaust ekki verið seinir á sér að fleygja frú Álfheiði hægrikvinnu á skottinu útúr húskynnum vinstrigræna flokkahópsins og óskað þess að slíkur kvenmaður mætti hvergi þrífast.


mbl.is Álfheiður formaður flokkahóps vinstri-grænna
Tilkynna um óviðeigandi tengingu við frétt

Rorra meðvitundarlausir í kvótadái

xv9_1057606.jpgHvernær hefur heyrst af því að íbúar á suðurfjörðum Vestfjarða hafi staðið upp á fundum um sjávarútvegsmál og gengið á dyr til að mótmæla glæpsamlegu fiskveiðistjórnunarkerfi?

Aldrei.

Hvenær hefur þetta fólk sýnt þeim sem barist hafa gegn kvótakerfinu á þeirra heimasvæði samstöðu?

Aldrei.

Ónei, þvert á móti hafa sveitarstjórnirnar á sunnanverðum Vestfjörðum lagst svo lágt að verja umrætt fiskveiðistjórunnarkerfi með kjafti og klóm þrátt fyrir að þetta eyðingarkerfið hafi nánast gengið af þessum byggðarlögum dauðum.

En hvernig stendur á því að sveitarstjórnir suðurfjarðanna hafi gerst hatrammir varðhundar kvótakerfis sem hefur leikið þær svo grátt?

Jújú, vegna þess að hin vesælu sveitarsjórnargrey kusu fremur að þóknast forystu Sjálfstæðisflokksins og Framsóknarflokksins en íbúunum á svæðinu, auk þess sem allmörg af þessum furðulegu eintökum voru að gæta sinna þrengstu persónulegu hagsmuna í ,,kvótaeign.

Það skýtur því skökku við að þetta fólk skuli alltíeinu ranka við sér útaf vegarlagningu inná Barðaströnd eftir að hafa rorrað meðvitunarlaust í kvótadái í tuttugu þrjátíu ár.

Reyndar hafa fjölmargir íbúar Vesturbyggðar og Tálknafjarðarhrepps staðið upp vegna kvótakerfisins, en þeir hafa langflestir staðið upp til að flytja burt af svæðinu þar sem orðið var óbúanlegt fyrir þá þar.


mbl.is Gengu af fundi með Ögmundi
Tilkynna um óviðeigandi tengingu við frétt

Margrét villt inní ófélegum framsóknarfélagsskap.

xb1_1054082.jpgÉg er steinhissa á að jafn snotur og penn þingmaður eins og Margrét Tryggvadóttir skuli láta sjá nafn sitt á blæði með refgeitunum Siv Friðleifs, Eygló úr eyjum og sjakalablókinni Árna Þór. Þetta sorglega gönuhlaup Minnir mig um margt á konu í spardressi sem tekur allt í einu uppá að klína innyflum úr dragúldnum þorski utaní sig. Ég er þeirrar skoðunnar að hlutverk Margrétar eigi eftir að verða stærra í framtíðinni, en það mun að sjálfsögðu ekki gerst með því að stunda skriftir með fyrrnefndum framsóknarhrúgöldum.
mbl.is Þingsályktunartillaga um fjölda ráðuneyta
Tilkynna um óviðeigandi tengingu við frétt

Forsetagrýlur Alþingis í grettukeppni

gryAfskaplega er það nú fallegt afspurnar, að forsetar Alþingis skuli nota aðstöðu sína til að fara í grettukeppni á bak þeim sem eru að myndast við að kreist uppúr sér einhverja visku í ræðustóli hverju sinni. Það hlýtur að vera athyglisvert að sjá Ástu Ragnheiði reka útúr sér tunguna og afmyndast til augnanna þegar Jón Bjarnason, vinur Samfylkingarinnar, er að tilkynna þingheimi að ekki komi til greina að svíkja stefnu VG og kjósenda sinna í ESB-umsóknarframhleypninni.

Þá er áreinalega framúrskarandi grínaktugt að horfa uppá frú Álfheiði Ingadóttur verða öll ein skorpin vandlætingarfýlugrýla í framan og frussa og piffa þegar hún situr í forsetastóli og Lilja Mósesdóttir er að flyja ræðu um karakterbresti og svik Steingríms J. 

Nú bíð ég vongóður eftir að forsetar Alþingis útvegi sér langa, oddhvassa nál til stinga í rassinn á ræðumönnum sem þeir eru ekki að skapi.


mbl.is Sakaðir um að misnota þingsköp
Tilkynna um óviðeigandi tengingu við frétt

Eins og sönnum tækifærissina sæmir.

form.jpgÞað er af sem áður var þegar tækifærissinninn Össur mátti ekki vatni halda af hrifningu á Ólafi Ragnari og studdi hann í einu og öllu gegn Svavari Sendiherra, Steingrími og Álfheiði í Alþýðubandalaginu. Í dag hefur dæmið snúist við og nú styður Össur, eins og sönnum tækifærissina sæmir, Steingrím með ráðum og dáð en hatast að sama skapi við félaga Ólaf Ragnar.

Og eitthvað er minni Össurar ruglingslegt þegar hann vísar í innanflokksátök í Alþýðubandalaginu fyrir 30 árum þar eð umrædd átök hófust ekki að marki fyrr en nokkru seinna og lauk ekki fyrr en fyrir rúmum áratug þegar Alþýðubandalagið hvarf af sjónarsviðinu.

Eftir að Alþýðubandalagið var úr sögunni, stofnaði fjölmennur hópur fólks VG utanum róttæka vinstristefnu. Hinsvegar misskildi Steingrímur stofnun VG, annaðhvort óafvitandi eða vísvitandi, því hann virtist telja að flokkurinn væri stofnaður utanum hann sjálfann og hefur enda hagað störfum sínum í samræmi við það. Í staðinn sitjum við hin uppi með handónýtan flokk, dauðvona af innanmeinum sem öll eiga rót sína að rekja til Steingríms formanns og han nánasta samverkafólks.  


mbl.is Stórskotaliðsárásir forseta
Tilkynna um óviðeigandi tengingu við frétt

Það bíður stór óplægður akur eftir verkamenn taki til starfa

xvcxjfo.jpgÞá er ekkert um annað að ræða fyrir Guðfríði Lilju en að fylgja því fast eftir að þetta mál komist á hreint. En Guðfríður veit líka flestum betur hvern mann Gunnarsstaðarmóri hefur að geyma og ennfremur að þessi framsóknarvomur er hálli en áll og sést ekki fyrir þegar hann þarf að bjarga eigin skinni.

Þó væri sennilega affarasælast fyrir Lilju að binda endi á samskipti sín við Gunnarsstaðamóra í eitt skipti öll, enda verulega mannskemmandi að vera í nábýli við þann náunga þó ekki væri nema daglangt, hvað þá árum saman.

Hinsvegar bíður stór óplægður akur á vinstrivængnum eftir að Guðfríður Lilja og annað gott fólk taki þar til starfa, en það helgast af því að hér á landi er enginn vinstriflokkur til staðar. 


mbl.is „Ég vil fá á hreint hvað átti sér stað“
Tilkynna um óviðeigandi tengingu við frétt

Löggildingarstofan Lex

valholl1.jpgFyrst lögmansstofan Lex segir að það sé allt í lagi með Illuga skörung Gunnarsson þá er áreiðanlega allt í lagi með hann. Á sama hátt er Sjóður 9 fullkomlega heilbrigð góðgerðastofnun, sem hefur komið fjölmörgu fallegu til leiðar.

Nú er það svo, að Íslendingar eru stálheppnir að eiga jafn göfuga löggildingarstofu og lögmannsstofuna Lex, sem getur gefið út heilsufarsvottorð eins og herlæknanefnd á dögum góða dátans Svejks. 

Á þessum alvarlega tímapunkti sem við nú lifum væri gott ráð hjá Samfylkingunni að leita til lögmannsstofunnar Lex og falast eftir vottorði uppá að það sé merki um sérlega góða heilsu að vera haldin óbilandi ESB-þráhyggju og landsöluhneigð. 


mbl.is Illugi aftur á þing
Tilkynna um óviðeigandi tengingu við frétt

Sá sem sparar vöndinn hatar son sinn

AuðvaldskrakkiEru ekki nema aumingja blessuð andlausu börnin að krefjast þess að morknaður strákhjallur, Bíbir heyrðist mér þau kalla hann, komi til Íslands. Maður á varla orð yfir lágkúrunni.

Ef krakkaskrímslin hefðu farið í kröfugöngu gegn óbótavekum Sjálfstæðisflokksins, hefði ég tekið ofan. En að krefjast Bíbirs til Íslands, nei takk, þessháttar fólska er ekki afsakanleg og æsku landsins til ævarandi skammar. Ojbara.

Þetta skammarlega framtak hins illa uppalda æskulýðs sýnir þó umfram allt að foreldrar landsins hafa sparað vöndinn hin síðustu ár svo um þverbak keyrir. Það er engu líkara en forsjármenn nútímabarna hafi svikist um að læra heilæðið góða, sem allir foreldar ættu að læra fyrst af öllu í uppeldisvísndum: ,,Sá sem sparar vöndinn hatar son sinn, en þeim sem hann refsar elskar hann." 

Þá ber Bíbirsgangan grunnskólum landsins illa söguna, svo ekki sé meira sagt. Enda hafa lýsisgjafir og áflog kennara við nemendur verið gerð burtræk úr skólum landsins, en þess í stað tekinn upp almennur vesaldómur og klapp á koll þeirra nemenda sem uppvísir verða af reykingum á salernum lærdómssetranna, klámkveðskap og drykkjskap á skóladansleikjum. Já.

Já. 

 


mbl.is Vilja Bieber til Íslands
Tilkynna um óviðeigandi tengingu við frétt

Næsta síða »

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband