Helvítis lygi á jóladag

Það verður að teljast framúrskarandi óforskammað af hálfu forsvarsmanna Húsdýragarðsins, að spinna upp lygahistoríu um að Jólakötturinn haldi til í garðinum og sé fóðraður af starfsfólki hans.

Hið rétta er, að Jólakötturinn er um þessar mundir staddur á Vestfjörðum, en þar tókst honum að jaga öldung nokkurn, sem var á leið til miðnæturmessu. Vitni voru sammála um, að aðfarir Jólakattarins hefðu um flest minnt á þegar venjulegur heimilisköttur veiðir og étur skógarþröst, mús eða rottu. Það fylgdi og sögunni, að enginn héraðsbrestur hafi orðið þótt gamlingi þessi orðið Jólakettinum að bráð, því þetta hafi verið nískur leiðindadurgur, yfirgangssamur stórþjófur og arðræningi. Eru heimamenn því nokkuð sáttir við að hafa horft á karlinn hverfa ofaní meltingarfæri kattarins, því að þetta hafi verið sannkölluð landhreinsun, auk þess sem nú þurfa þeir ekki að hafa fyrir því að grafa karlinn í vígðum reit.  

Húsdýrin fengu jólagesti

Athugasemdir

[Níels A. Ársælsson., 25.12.2011 kl. 23:48]

Sá gamli hefur væntanlega verið góður og gegn sjálfstæðismaður ?

[Jóhannes Ragnarsson, 26.12.2011 kl. 12:49]

Það er nú líkast til að hann hafir verið sjálfstæðismaður. Mér skilst að hann hafi verið kjördæmisráði Flokksins og uppstillingarnefnd árum saman.

[Níels A. Ársælsson., 26.12.2011 kl. 16:56]

Það hlaut að vera ....

[Marteinn Sigurþór Arilíusson, 26.12.2011 kl. 19:41]

Kannski var þetta bara kommúnista skrípið frá N Kóreu.

[Jóhannes Ragnarsson, 27.12.2011 kl. 19:32]

Það er víst lítill munur á ,,kommúnistaskrípinu frá N Kóreu" og framvarðarsveitarmönnum Sjálfstæðisflokksins á Íslandi.