Vilji stendur til að þeyta þeim eins og skítugum flækingsköttum útúr stjórnarráðinu

Strengjabrúða gifturíka kaupfélagsstjórans á Sauðárkróki hefur farið víða, síðan einhverjum steingeldum lágkúruendemum hugkvæmdist að gera þetta fyrirbæri að utanríkisráðherra. Sennilega hafa þeir, sem skipuðu strengjabrúðuna í embætti, staðið í þeirri trú, að þetta tiltæki þeirra flokkaðist undir gamanmál, sem þjóðin kynni að meta. Svo kom á daginn, eins og við mátti búast, að þjóðin kunni ekki að meta svona skrípalæti og vill ekkert með þau hafa.

Nú er einn skrípalingur og strengjabrúða í ríkisstjórn ekki neitt stórmál útaf fyrir sig, ef hann væri sá aleini af þessháttar tegund í stjórninni. En segja má að þá sé fyrst stungin tólgin, þegar í ljós hefur komið, að í hverjum einasta ráðherrastóli situr nú um stundir samskonar hympigympi og strengjabrúðan kaupfélagsstjórans. Við slíkt er að sjáfsögðu ekki hægt að una.

Það þarf því engann að undra, þótt kominn sé alvarlegur urgur í þjóðina og menn farnir að tala um í fullri alvöru og með auknum þunga, að brýn nauðsyn sé að taka í hnakkadrambið á strengjabrúðunum og þeyta þeim eins og skítugum flækingsköttum, sem hafa skitið í besta sófann í stofunni, útúr stjórnarráðinu, áður en þeim tekst að eyðileggja samfélagið meira, og á þann hátt, sem hugur þeirra stendur til. Við skulum vona, að skemmdarvargarnir verði, allir sem einn, komnir útá götu fyrir sumardaginn fyrsta á næsta ári.

„Rakarastofan í stærra herbergi“

Athugasemdir

[Ásthildur Cesil Þórðardóttir, 14.12.2014 kl. 12:32]

Já það eru ekki gáfulegt margt sem er verið að gera á ríkisstjórnarheimilinu núna, hver skandallinn og vitleysugangurinn á fætur öðrum. 

[Jóhannes Ragnarsson, 14.12.2014 kl. 21:03]

Látum nú vera með skandalana og vitleysuganginn. Verra er, að þessi ríkisstjórn sem eins og framlenging á valdatíma Davíðs, Halldórs, Hannesar Hólmsteins og Finns, virðist hafa að markmiði að eyðileggja samfélagið meir en orðið er. Þann glæp verður að stöðva.

[Ásthildur Cesil Þórðardóttir, 15.12.2014 kl. 10:18]

Já því miður sýnist mér allt stefna í það.  Munum bara að dropinn holar steininn.