Byltingu á dagskrá, takk

Eitt er víst og það er það, að sægreifahjörðinni, mönnunum sem sölsað hafa fiskveiðiauðlind Íslendinga undir sig með rangindum og slóttugheitum með stuðningi gjörspilltra stjórnvalda, er akkúrat andskotans sama þó 540 hræður í fiskvinnslu hafi misst vinnuna sína. Í þeirra huga er fiskvinnslufólk ekkert merkilegra en dauðar tölur á blaði eða skrúfur í vélunum sem sem það vinnur við.

Það er í raun og veru óskiljanlegt að almenningur í landinu hafi ekki fyrir löngu gert uppreisn gegn hinu glæpsamlega kvótakerfi, þeim sem bjuggu það til og þeim sem notað hafa kerfið til samfélagslegra illvikja. Fyrst að ástæða var til að mótmæla fíflaganginum í VillaVill og Ólafi F. í síðustu viku þá er enn meiri og nauðsynlegri ástæða fyrir fólkið í landinu að láta til skarar skríða gegn fisveiðistjórnunarkerfinu og þeim sníkjudýrum sem sogið hafa sig föst á þjóðarlíkamann í gegnum þetta hroðalega landeyðingarkerfi. Það verður enginn héraðsbrestur þó fiskveiðistjónunarkerfi auðvaldsins verði snúið úr hálsliðnum í nauðsynlegri og heilbrigðri byltingu!

 

540 missa vinnu í fiskvinnslu

Athugasemdir

[Ólafur Þórðarson, 28.1.2008 kl. 15:10]

Vissulega. 540 manns er meira en álverið gefur í byggðarlögin eystra. Og ekki veitir af þeim 400 störfum.

Hagræðingarsérfræðingar eru vel þekktir í gegnum söguna fyrir að fokka hlutum vel. Sérstaklega þeir sem hagræða fyrir góðar greiðslur.  

Hér er líka veruleikabirting þess að einkaeign hefur enga þjóðfélagslega ábyrgð að því er virðist. Öfugt við hið ríkisrekna, en það er annað mál. Auðvitað smita þessi 540 störf út frá sér þannig að við erum kannski að ræða 1000 störf í allt, fyrir ýmis byggðarlög.

[Fannar frá Rifi, 28.1.2008 kl. 17:48]

Hættum þessu rugli. kvótinn í almennings eign strax. Eina landsútgerð sem rekinn verður af Ríkinu og ríkisstjórning og alþingi skipa stjórnarmenn og forstjóra yfir.

[Jóhannes Ragnarsson, 28.1.2008 kl. 18:09]

Góð hugmynd hjá Fannari. Og gleðilegt að hann sé farinn að braggast af kvótaveikinni.

[Níels A. Ársælsson., 28.1.2008 kl. 19:37]

Þeir ku vera farnir að bólusetja fyrir kvótaveiki frændur okkar norðmenn sem sést bezt á því að þar kostar þorskkvótinn kr, 500 pr.kg og veiðar báta undir 12 metrum eru frjálsar.

Kanski maður flytji bara heim í Harðangursfjörð eftirr 1324 ára fjarvist. Ég er ekki viss um að frændur mínir og frænkur þekki mig aftur.