Þjófasátt fyrir auðvaldið

Jæja, ætli sé ekki best að verkafólk landsins taki sig saman, undir leiðsögn hinna róttæku skrifstofusjakala ASÍ, og geri allt sem það getur til að bjarga burgeisastéttinni uppúr kviksyndinu? Það er að mínu mati alveg bráðnauðsynlegt, að fólkið sem rétt skrimtir á launavinnu sinni hlaupi undir bagga með blessuðum drengjunum sem fengu bankana, símann, fiskinn í sjónum og bráðum heilbrigðiskerfið á silfurfati og bjargi þeim frá drukknun í forarvilpu eigin gjörða.  

Ennþá langt í þjóðarsátt

Athugasemdir

[Hallgrímur Guðmundsson, 10.9.2008 kl. 22:33]

Okkur munar nú ekki mikið um að bjarga þessum ræflum Jóhannes. Við fólkið í landinu, þessi hópur þú veist sem hefur nákvæmlega ekkert í afgang þegar mánuðurinn er rétt hálfnaður.

[Jóhannes Ragnarsson, 10.9.2008 kl. 22:41]

Nei, okkur munar ekki um það, hvernig svo sem staðan er þegar mánuðurinn er hálfnaður. Svo höfum við gert þetta áður, með góðum árangri.

[Ásthildur Cesil Þórðardóttir, 11.9.2008 kl. 00:42]

Mikið djöfull er ég sammála þér hér Jóhannes

[Ingibjörg Friðriksdóttir, 11.9.2008 kl. 12:02]

Kanntu lagið Óli Jó sem Ríó söng svo skemmtilega?

Í sannleika sagt, þá er ég að detta niður í ferlega depurð, svo slæma að ég er að hugsa um að hætta að taka þátt.   Ekki kannski drepa mig, en hætta að blogga, hætta að kveikja á tölvu og hætta að mæta á pólitíska fundi.

Detta bara ærlega í það.  Sjáum til, en ef þú heyrir ekki frá mér, þá er ég vísast til einhverstaðar á fylleríi.

[Hafsteinn Viðar Ásgeirsson, 11.9.2008 kl. 12:43]

Þjófasátt er rétta nafnið á þetta. Góður...