Grunsamlegt og skuggalegt

Alltaf setur að manni hroll þegar fregnir berast af rígfullorðnum einstaklingum, sem bjóðast til að gæta barna hjá ókunnugu fólki. Það segir sig sjálft að slíkt býður hættunni heim. Anna Hathaway er afar grunsamlegt kvendi, svo ekki sé meira sagt, og vís til að afvegaleiða telpurnar Barrakks og konu hans. Einnig er stórfelld hætta á að hún geri sér lítið fyrir og dragi Barrakk sjálfann á tálar og fái hann til að gera ýmsa ósiðsamlega hluti sem forsetar eiga ekki að gera.

Nú verða bandaríkjamenn að sýna hollustu við þjóð sína og koma í veg fyrir að háskakvendinu Önnu Hathaway takist að leggja heimilislífið í Hvíta húsinu í rúst með öfugsnúnum tiltektum. 

Vill passa forsetadæturnar

Athugasemdir

[J. Einar Valur Bjarnason Maack , 18.1.2009 kl. 17:33]

Í alvöru?

Ertu að velta þér uppúr þessu?

Ég meina...

...er ekki eitthvað betra að spá í en þetta einhversstaðar?

Það er alveg nógu blöðrulegt að Mbl finni sér ekkert betra að skrifa um, en að fólk sé líka að hneykslast á þessu og taka þetta nærri sér.

Það er alveg augljóst að sumir hafa ekkert betra við tímann sinn að gera.

[Jóhannes Ragnarsson, 18.1.2009 kl. 17:51]

Jahh ... stundum koma þeir tímar að maður hefur ekkert skárra að til að velta sér uppúr ... en það verður að hafa það.