Kannabisbóndinn í Langholti

Mig hefur lengi grunað að þeir ættu eftir að finna kannabisræktun á Langholtsveginum, það hefir af óútskýranlegri ástæðu legið einhvernveginn í hlutarins eðli. Og ekkert vantar uppá að Langholstvegurinn sé skuggaleg gata þar sem allra veðra er von.

Ef mér skjöplast ekki því meir, þá er kannabisbóndinn í Langholtinu frjálshyggjudrengur í Heimdalli og gáfaður samkvæmt því. Það er nafnilega þannig, að óharðnaðir óregludrengir, sem leiðast út í fíkniefnanautn og kannabisrækt, ánetjast í framhaldinu frjálshyggjurugli og Heimdalli.

Og hvernig haldið þið það sé fyrir starfsfólkið á Vogi að fá hlandgeggjaðan frjálshyggjutrúð úr Heimdalli til meðferðar, uppdópaðan með þarmana í buxunum? Það er á engann mann leggjandi að taka við þessháttar ófögnuði. Í Finnlandi geyma þeir svona ófögnuð uppi á fjöllum í rammgerðri girðingu eins og hreintarfa og jólasveina.

Kannabisræktun við Langholtsveg

Athugasemdir

[hilmar jónsson, 5.7.2011 kl. 23:13]

Það hreinlega streymir um mann hrollur óhugnaðar við lýsinguna á þessari ógeðfelldu blöndu..

[Eyjólfur Jónsson, 6.7.2011 kl. 01:17]

Sæll Jóhannaes minn. Það var lengi maðkasölumaður þarna á Langholtsveginum. Hann hafði góða maðka ,bæði ljósa fyrir sjóbyrtinginn og dekkri stærri fyrir laxinn.Fínar aðstæður í bískúrnum hjá frægum leikara og konu hans. Það sem ekki var gott var að þau tíndu maðka á næturnar í náttsloppum og inniskóm og mjög svo dularfulla húfu á kollinum. Var þessvegna kjært til lögreglu þegar þau birtust undir stofuglugganum hjá nágrönnunum sem brá svakalega og sögðu við lögguna að dularfullar verur væru með einhverskonar athafnir í görum fólks við Langholtsveg og enginn þorði að sofa á meðan þetta gekk laust.